|
حصرياً فقط على بريدة : د. عزيز و أ.د . حمني يجيبان على أستفسارتكم
في معترك الحياة 000حيث تكثر الحركة وتتولد الضوضاء والضجيج مما يجعل من الشخص أحيانا ً أن يحس بالإرهاق المصحوب بالملل !!
ناهيك أنه قد يتعرض في بعض الأحيان لمشكلات بسيطة لكن مع كثرت انشغالاته يستغلق تفكيره ويظل حائرا ً 0 >>>> والله إسلوب مووووت لذا يعلن الأخوان الفاضلان د . عزيز و أ . د. حمني استعدادهما التام لخدمتكم في شتى المجالات : السياسية ،اللوجستية ، الإقتصادية ، الاجتماعية ، التربوية، التعليمية، بيض وشراء الحمام ، النفسية ، المعلوماتية ، الأمنية ، الرياضية ، التنسيمية،الفكاهات والطرف، التطويرية، مراجعة الدوائر الحكومية ، استخراج صكوك للأراضي ، تسديد المخالفات ، الكفالات الحظورية والغيابية ، رفع دعاوى في المحاكم ، إستحداث آخر الصرعات ، الآراء السديدة لتغبيرت السيارات ، الآثار السلوكية والشعورية حينما تعلق لزقة شاهين على قزازة السيارة ، اسخراج ارقام مميزة من الهاتف ، بيع شرائح باسماء عمال أبو خلق 0000وغيرها مثل تصريف اللزقات !!الطريقة المثالية في صيد الجرابيع ، مع إحتمالية الفتوى في بعض الأمـــــــــــور !! لذا فمد يدك أخي جعل يد عدوك الكسر واسأل وحنا بنجاوب0 ملحوظة / حدد من تريد أن يجيب عليك إما الدكتور : عزيز أو الأستاذ الدكتور : حمني ســـــااااارع قبل فواااات الفرصة فالكمية محدودة !! علما ً إننا ما نبي منك شيء وخدمااااااتنا ببلاااااااااااااااااش !! |
حمني وانا اخووك ..توهم صاكينـ(ن) بمخالفه امشي على الأكتاف ..
تفكى رح خلهم يسقطونه أنت خابر الحال ..;) وترا بلاوينا واجد بس نبي نشووووف فزعة شخصكم الكريم ومع السلامه وبيباي |
سؤال لدكتور عزيز كيف نعالج القلق؟
|
عندي أرض ومنطوله من والمفتاح مهب معي وانا توي شارية له
وسيارتي موقفه وانا بالبيت ماعندي احد وصلوا الناس وانا قاعدن ابيع عطنا الحل يرحم والديك يا أستاذ حمني |
كما تفضل أخي د.عزيز سالفاً أود أن أنبه إلى أننا نستقبل رسائلكم الخاصة والفاكس والبريد الإلكتروني والبيجر ( مع التنبيه إلى أن رمزنا 99 ) ويجدر بنا التنبيه إلى مسألة الفتاوي ونؤكد أننا نتبع جمهور العلماء فيما قد يخفى على البعض إستدراكه <<< دن هناك أخي القعقاع : مسألتك سهلة إذا ما قورنت بسرقة سيكل أخي عزيز قبل عدة أيام لذلك أطالبك بالإنتظار قليلاً إلى أن نجمع المعاملات المتعلقة بالامن العام. المسائل المحرجة حري بها أن تكون عبر الرسائل الخاصة. وتأكدوا أننا جادين فيما نطرح ولا بد من حصول الفكاهة حينما لا نقدر على عمل اللازم |
أبو القعقاع
تسييف الصحة المنخرش جاري الرد ترقبوا |
ههههههههه
والله خطوة جريئة يأيها النجمان . . يعني بتاع كله . . حتى الفتاوي ههههههه والله إنكم منسمين . . طيب أبسأل د . عزيز أنا حجيت عام 1422 وقبل لا أفصخ الحرام تذكرت إني لا بس سروال سنة . . وش علي في ذلك يا فضيلة الشيخ ؟ سؤال سياسي هل تتوقع فوز كيري أم بوش في الإنتخابات بعد 6 أشهر ؟ أم سيفوز جون كنيدي ؟؟؟؟؟ سؤال عن تغبيرة السيارات عندنا بزير بالحارة مغبر الميتنل بإسمنت هل في ذلك خطأ ؟ وما الخطوات المتبعة في الرشّة ؟ مع الأمثلة والبقية تأتي ( الأسئلة المحرجة بالخاص ) .. |
وكذلك سؤال إلى الدكتور حمني والاستاذ الدكتور عزيز
((((((((((في مجال السياسة ))))))))) ماهو توقعكم لردة فعل القوات الصليبية في العراق على نحر اليهودي على يد القائد الزرقاوي ؟ |
ابو القعقاع
بالنسبة للمخالفات سددها وبنكلم جندي نعرفه ايام الأزمه شكله صار الحين لواء وراجعنا مو بسر بعد بعد عد لما عشرة ايام او شهور أو سنوات بس لاتياس يا خلفهم ========= هذا الول وصرفنااااااه =============== أخي : تسييف الصحة سؤالك مهم وحساس ومن الناحية اللوجتية التي ترتضي كثير من التفكير مما يصحبه لألم في المعدة او البنكرياس وهو ما يؤثر سلباً على عطاء الفرد مما يجعله عرضة ً للقلق والكسل والأرق والضجر الذي فيه إحمراااار للخدود وازرقاق في الآذان وإصفرار في الخشم مما يجعلك مثل وجه (( بو زو )) فلذا أرى 000 أن تلتزم بالتالي : 1- أن تذيب حبتين من الهالول مع الماء ويسحسن زيت الخروع 2- قحشة من العشرق تلهم لهم بدون تردد 0 هذه الخلطة الذهبية ينتج عنها أحد الحالات التالية : 1- زوال القلق للأبد 0 2- مغص واسهال شديدين يشغلانك بنفسك وتفكربها دون غيرك وتترك القلق 0 3- آ لام مبرحة ربما تؤدي للوفاة !! وشكراً لك : اخوك عزيز أخصائي راس وفك وبنكرياااااس |
أنا أخوكم حمني يرحب بالحظور :
المنخرش / تقول سيارك منطولة سهلة ؟؟ دق على 910 وتجد الحل !! لكن هناك علاقة مطردة ما بين السيارة والأرض وانت لذا اصبر لاتدق وتروح انت فيها !! ههههههههه |
أخوي الطير : يعدملي إيااااااك
اسئلك كثيرة وماعندنا وقت يعني قلنا لكم بلاش خلاص بتسال بكل شيء ؟؟ ياخي هذي من حب استطلاع هذي سرقة ؟؟ ألأخ مصري !! نرجع للأسئلة : ج 1 / أنت تشبه أخوي عزيز هاك السنة عيا يفصخ السنة وحالف إنه يحرم وهو عليه تصدق أبوي يطارده بالميقات تقل يطارد حراااامي !! وبالنسبة لك أنت ومسالك / هل أنت قرأت كتب الحنااااابلة ؟؟ بوه شيخ اساله يطلع بال 000 تراااك لو ما قريت كتب الحناااابلة ما علي أنا منك !! ج 2 / أتوقع فوز كندي بالهدف الذهبي لأن جحوش طالع من دور الأربعة العام ، وكيري (( البقرة اللي ترعى )) مصابة بهيجان في المصير بسبب علف مسموم أتوقع إن الحل هو عكرة الضب !! ج 3 / أما للرشة وسواليف الرشة عندك (( عزيز )) معه مداخلة تفضل : د . عزيز : الرشة هي من شيمة الشباب المغفل (( الرضاعين )) تصدق مرة شفت واحد يبخ السيارة بنشاء احسبه بيكويه !! أنا أذكر حمني يوم هو بالحوطة موب العام ولا اللي قبله العام ذاك هم يعرفونه دخل سيكله للمحطة أثرأبو يمن يرش سيارة جيب هاش حمني وطرده من البنشر رد حمني رد قوي وفتح وحده من درايش الجيب ورش أبو يمن المراااتب !! وراااااح ابو يمن وطي ؟؟ أما بالنسبة لأفضل أوقات الرشة : 1- ما يصير بوه مطر عشان ما تخرب الرشة 0 2- أيام المطر لاتلحق تريلا عشان ترش وراه تصير مثل حمني يوم تلزق كرشته بالوايت اللي يمشي وراه فرمل الوايت وحمني مابش فرامل معه تصدق شافطينه من خلف الوايت شفط يااااا الله طلع !! اغراض الرشة : 1- يقال الواحد رجل وهوكرتون مقعد اقل مشكلة يحط رجله والسيارة مشتغله 0 2- التشبه بالضبان والجرابيع من ناحية اللون الصحراوي ، وفيه دراسة المانية قام بها البريفسور : كريموف كلك خسته / بين أن بعض الأواد م لهم علاقة وطيدة بالحيوانااات 0 وإن شاء الله موضوعك الرشة راح نطرحه في إحدى رسائل البحث <<<<< إي هين ابو المنتصر / أكيد آكلينها هوى ، تصدق ذاك اليوم جابوا من لندن رز الزفت وزيرهم وهو يتكلم وينتفض أثاريه موصخ من الخوووووف 0 الله يهلكهم ووووووووووووين البقية للإتصال على مدار الأربع وعشرين ساعة / ت 8001249999 موجودين دايم بالخدمة آمر يالغالي تحصلنا عند البقالة بالزاوية بسررررررررعة لا نهون ههههههههه |
يا ملا الغناااااااااة .. كفو ;)
8 8 قال صرفناه قال .. |
د. عزيز
اول شي احب اقول أن لون الخط مهوب معقول ٍس / ماهو رأيك بجهود كوفي عنان في السعي لتحقيق السلام ؟؟ ٍس/ ايها أفضل للي به إسهال شديد ياكل ولا يشرب؟؟ ٍس/ أنا معي جمس 88 ويقطع مع التشغيل "يقطع بصل ولا طماط هاهاهاهاها هعاهعا"؟؟؟؟؟؟؟؟؟؟؟ |
أبو القعقاع
حنا ما نصرف أحد بس هذي المقولة إذا توهقنا قلناها مثل اللي يطلعون بالتلفزوين إذا كب العشاء أحد المتصلين قال المذيع : آسف لقد انقطع الخط ؟؟؟ |
| الساعة الآن +4: 06:47 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.