بريدة ستي - مدح للقصيمي ..للشاعر محمد التميمي

[light=CCCCCC]

قالت قصيمي قلت فخر ومعزة ****** أهل الكرم والعلم والحلـم والبـاس

قالت قصيمي قصدها بي تهزه ****** ماتدري اني بفتخر وارفع الـراس

الحمد لله روسنا دوم رزة ****** اللـي خلقنـا بـس نحنـي لـه الـراس

صافي نسبنا والحسب فية عزة ****** أصلٍ أصيل وفصل والعرق دساس

أهل الوفاء والدين صافي منزه ****** عن كل ماشاب العقيده مـن أدلاس

حنا العقيلات انشدي رجال غزه ****** حنا هل الدنيـا وللديـن حـراس

حنا سنايد نجد في كل حزه ****** لا خانت حلوق الرجاجيـل الأنفـاس

حنا اجبال يعجز الريح هزه ****** حنا لنجد حـزام وعصابـة الـراس

نارد حياض المرجلات ونلزه ****** مانمشي دروب الرذيلـه والأدنـاس

من يغلط لسانه علينا نجزه ****** واللي يحقر قـدر الرجاجيـل ينـداس

منا العدو تكفيه بالعين خزه ****** يقضي عليه الخوف مع كل هوجـاس

من ذكرنا في قلبه تثور نزه****** من طاري القصمان يبـلاه وسـواس

نومه كوابيس وروعه وفزه ****** دقت نواقيس الخطر لـه والأجـراس

وان هو لقي له من علينا يوزه ****** هون له الصعبات وابليس خنـاس

مايدري انه للمهالك يدزه ****** عجل علي مبنـاه يمحـي مـن السـاس

يابنت حنا من نخانا نعزه ****** يأمن بنـا الملهـوف وتهابنـا النـاس

مرسولنا للخير دايم نكزه ****** ولصرخة المحتـاج نرخـي الأكيـاس

تاريخنا مجد لبسناه بزه ****** نمشي بوسط السـوق ماندحـم! السـاس

لك ماتركنا بكاس الأمجاد مزه ****** واجد عليك ومثلك حثالـة الكـاس

وش جاب حر الطير لفريخ وزه ****** منهو يساوي جوهر الماس بنحاس

لاتحسبين انك لنا مستفزه****** وش ياخذ الباعوض من ريـش قرنـاس

[/light]