حط خيالك بالأعضاء*** فكره مهبولة***
 

بما أن الأنسان خياله واسع

أبي كل واحد يتخيل أشكال الأعضاء في هذا المنتدى دب ، قصير وأي صفة تجي على

بالك لا يردك إلا لسانك


أنا بالنسبة لي أتخيل شكل سراج الخير
أتخيل شكله بنقالي ماراح ولا جا وشكله اسمر والشعر أنواع الزيوت

ولابس وزرة زرقا ومخططة بكحلي ولابس فنيلة علاق وعلى فكره الهنود يحبون أسم سراج





أما مدحت شكله طعر مايدخل إلا مع البايكه وكل يوم مغير سريره والشنب أخضر

<<>>>>> ربيع

يلبس قميص نوم وطاقية مشخلة


أما الوافي شكله بدوي شقردي صح أنه ماعمره تروش بس يعجبك لا منه ركب الشاص

والصقر على باب يمين والعزبة بالشنطة ><<>>> قصدي بالصندوق

والسلاح تحت المرتبه ...




هذا خيالي وعسانا نشوفكم على الطبيعة


واللي عنده خيال لا يبخل علينا بخياله



أخوكم الصمصام:D :D

أنا أقول أن شكل الداعي إلى الله::طويل ومعصقل ولا بدا يمشي تقل واحد خامه بكف مع جبهته..


وشكل الهدبه::
تفخ رافع وجهه تنه يكلم الداعي إلى الله يعني قصير:D

هلا باخوي الصمصام تراي ابشتكيك عند مدحت لأن الموضوع حصري
http://www.buraydahcity.net/vb/showt...threadid=34766
كتبته قبل فترة ماحد عطان وجه طلعت من المنتدى زعلن بالحيل <<<< ماحد دري عنك
بس مادام ان الموضوع انعاد يالله أهم شيء التفعيل

أما الوافي شكله بدوي شقردي صح أنه ماعمره تروش بس يعجبك لا منه ركب الشاص

والصقر على باب يمين والعزبة بالشنطة ><<>>> قصدي بالصندوق

والسلاح تحت المرتبه ...
---------------------------
حلوة يالصمصام
اما السلاح تحت المرتبة كثر منه <<<< يخاف من ظلاله
الصقر على باب يمين قصدك خوينا اللي بالمنتدى ولا طير <<< حده حمام
اما العزبة ماتنزل من الصندوق أبد <<< والله من زين العزبة

أتوقع الحنون يلبس ثوب صيني ودايم الشماغ على الكتف والطاقية زري ( قديم )
ودايم تحت العاير شابن ضو يسوي شاهي هو والبريق الأسود يقاله راعي شاهي ولامر احد قاله اقلط من زود الكرم

وانا توقعون

للنهيم


شكلك أنواع السعابيل لا منك بديت ترطن والبراطم آخذات حيز كبير من مساحة الوجه

والكرشه مد البصر >>>> البصر ولا الخبوب

والشماغ برتقالي والعقال سلك من أقرب سباك

أما الرجلين فحدث ولا حرج الزيرية متعذبه والرجلين أنواع الزوايد من قدام ومن ورى و الأصابع طالعات عن الزبيرية مسافة عشرة سانتي قدام

ودي أتخيل شكلك وانت لابس بدلة بس أخاق يجين مغص واسهال شديد







معليش يالنهيم هذا للدعابة وقل ماشئت أنت بحل :D :D :D :D

ولا عمرك تعودله

وانا وش توقعون شكلي

أبو عبد الملك

انا منيب راعي توقعات مين اللي يتوقع شكلي

عبد الملك شكلك دب وقصير وجيد بالدراسة
تحب المرقوق بالحيل
وتحب تشخص دايم على بالك أمير ,,, ومايمر ثلاثة أيام الا وانت طاب على خياط الفاخرة ولادبي تفصل ثياب دجيت باهلك .
هذا اللي قدرت عليه أما أنت يالكشخة تبي لك مجلدات توصيف من كتاب ألف ليلة وليلة

أنا أتوقع الكشخة قصير والسنون طالعات والعيون كابسهن على العالي.. وهذا والله أعلم:D


بدوووووووووون زعل..

واللي وده يوصف شكلي بحل : 12

اتوقع الشايب قزم وعصقول وصعب عليه المشي ...

يالله يطول دعاسة السيارة :)


*//*//*

أنا مين يتوقع شكلي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ !

انا اتوقع الوااافي
انه شخص عليه بدله .. سرواله أخضر فاتح متشقق مع ركبّه من كثر مايطيح بالزفلت ...
وفنيله به شي يابس .. ""من كثر مايمحش به خشمه :):):):) ""

وبضهره خريطه وسخ ...

طبعن لوووونه اقزقزحي ... من كثر مايحط دوري بالشااارع .. ""طبعا يلعب حافي ""
وشعره فلافل وكثير ... وجبهته تلمع من العرق ..وبه خطوووط يابسه بخده ((عااد مادري منين ؟؟)) :):):)D:D:D:D:D

واذا بغيته تلاقه يهاااوش هنووود البقااالات ..


والا انه يلاحق بساااااسه فوووق الجدرااان :D:D:D:D