|
أنوي إفتتاح شبكة على الإنترنت .. أبي أفكاركم .. أرجو الدخول من الجميع
السلام عليكم ورحمة الله وبركاته
ياهلا وياغلا بكل أهالي مدينة بريدة -------------- يا أخوان يقولون ان بريدة ذو فكر حظاري متجدد :D .. المهم بختصر لكم الموضوع -------------- أنوي انا وواحد من الشباب إفتتاح موقع على الأنترنت لكن نبي أفكار جديده يعني مانبي مثل المواقع الثانية صارت المواقع كلها واحد نفس الشكل والمحتوى فأحنا ننوي التجديد نبي فكرة ماقد شفتها بالمواقع يعني شعارنا التجديد لاتبخلون علينا ------------- وسلامتكم AlShaBAh46@HoTmAiL.CoM |
والله ودي أخدمك بس أنا أسطيل ما من علم
|
جنرال الهلال
إذا أنت وزميلك ناوين تصممون موقع على الإنترنت، لابد يكون له هدف. طلبك هذا عام يعني ما ندري وش طبيعة هالموقع، هل هو تجاري، تعليمي، دعائي أو غير ذلك. لكن إذا تبي رأيي أنك تنشأ موقع متخصص في علم من العلوم، وتستكتب في هذا الموقع كافة المتخصصين، فمثلاً لو كان موقعك مرجع للحساسية، وأسبابها وسبل الوقاية منها. ولو ركزت في الهدف كان الواحد يستطيع يعطيك أفكار جديدة وفق الله أخي والسلام |
أخوي صادفت مشكلة ... والله بردك صافت مشكلة لنا
هههههههههه شكراً على المرور -------------------- الوسعه أنا اقصد بموضوعي عطني انت افكار قلي لازم يكون الموقع تجاري افضل لك لأنه ... وزي كذا احنا فكرة انشاء موقع فقط لدينا نبي الافكار |
السلام عليكم
فكرة تصميم الموقع عندي وانا الان مشغول جدا ولكن ارجوا ان تستفيد منها وتفيد ألا وهي الان هناك شركة اكسترا تقوم بإحتكار المواقع المميزة مثل المختصر والردادي وقصيمي فلو صممت موقع يشابه هذه المواقع المحتكرة في المضمون اعتقد يكون هناك تفاعل من الزوار تحيااااااااتي المهندس خالد وبالله التوفيق |
كراً اخوي سيد معلومة
ممكن تفهمني اكثر او تعطين رابط الموقع اللي تقول عليه نقدر نشوف وش مسوي وشكراً على العموم |
ادخل على موقع الإقلاع موقع الإقلاع
وتجدها في الواجهه |
جنرال نريده ماتريده أنت لا مانريده نحن باختصار لو قلنا لك افتح موقع تجاري يجب أن تكون أنت ميال إلى التجارة أنت عطنا رغبتك وحنا نقول لك أفكارنا
|
أخوي بجمع بين التجارة والفااائدة
|
كلامك اخوي غير منطقي
ودك تنشيء موقع والسلام لا ياخوي لابد يكون في راسك فكره معينه قبل انشاء الموقع مثلا تكون مهتم بالبطاقات الدعويه وتنشيء موقع من اجلها او يكون اهتمامك بالمواتر واسعارهن وتصلح موقع او يكون اهتمامك بالاسهم او بالتجاره والشركات العالميه او بعلم من العلوم ..... الخ اما فكرة انشأ موقع والسلام هذي اتوقف عندها ودي انك انت وخويك تجتمعون الليله ببيتكم او ببيتهم وتضربون لكم عشوه محترمه وعقب ماتملون كروشكم واتغسلون ايديكم تقعدون تفكرون وش اهتماماتكم وهواياتكم والاشياء اللي ودكم تفيدون اخوانكم فيها همن تركزون على نقاط محدده ومهمه تلتقي افكاركم حولها وترسمون الخطوط الرئيسيه للفكره وتكتبون كل الاراء والافكار والاشياء المهمه بورقه همن تصلحون موقعكم على ضوءها :) هذا الحتسي اما تجي لمنا وتقول علمون وش ازين موقع؟!!! هذي ماله امن ولا ابو مع احترامي لك حنا وش يدرينا اللي بخاطرك كان من المفروض يكون صياغة موضوعك كالتالي : تعلمنا انك صاحب موهبه وعندك علم بالمواقع وتستشيرنا كيف اخدم الدين والمجتمع وانشيء موقع مفيد حينها نقولك صلح تسذا وتسذا اما كلامك هذا عام وغير مفهوم <=== تسني تحمست وطبيت ببطنك :D :D:D :D |
أخي جنرال الهلال
يبدو أنك متحمس لفتح موقع هل وضعت دراسة له مسبقة من ناحية ميزانية مالية خاصة له ووقت كثير من حيث تستطيع تغطيتة الإعلامية هل سيشترك معك خبراء بمشاكل الأعطال والأعمال الهندسية ، هل أنت ممن يمكثون مدة طويلة على جهاز النت ؟؟؟ أنا ممن يشجعون على فتح موقع يكون دعوي مقبول مواكب للأحداث والمجتمع. إذا كان لديك القدره المالية ... والطاقة الجسمانية فاافتح موقع وأفد المسلمين من إخوانك |
| الساعة الآن +4: 10:53 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.