كلماتنا الشعبيه ( 1 )
 

وأنا قاعدن أتقهوى.. >>>>>> ( إيه هين يالظلماوي ).:D
قلت وش أكتب موضوع جديد .... ومير تصبخ براسي فكرة , قلت وراه ما أكتب بعض الكلمات القديمة , وأشوف الشباب هم نسوا معانيها وإلا لا , وهذي الحلقة الأولي , وأبي منكم تكتبون معاني الكلمات :


ملبد ....
شنقل...
زقلب...
حطز....
بوبز.....


ويالله كل واحد يقول وش معاني هالكلمات.;)

انجليز ولا وشو ؟؟؟؟

والله فكرتن زوينه ياذيبان
 

شف يابعدي أنا ماأعرف ألا هالتسلمتين.....


ملبد...........رابض أو قاعد.. وأختلفا في روايته==> مسك خط:D


شنقل.... قلب:)


زقلب...ماأدري


حطز...ماأدري..... يمكن تبي تكتب حظر كتبت حطز==> طايحن بالتنكيت:)

بوبز..... يعني قاعدن على رجليه....:)



وسلامتكم.........



يالله سلالالالالالالالالام

اين هين
 

كيف حالك اخوي ذيبان ................. مشاركة جدا ممتازة وتسلم يمينك .

<<<--------------------- يفت بهالامور هذي مررررررررررررررررررررررره :o :D ;)
وبالنسبة للكلمات هذي ............ معناهن بسييييييييييييييييط :p
ملبد : يعني مخمر ومعني مخمر : يعني ساكت ولا تسمع له حس ولا رس .
وشنقل عاااااااااااااااااد : أتوقع له اكثر من معني : الاول مثل ماقال البحري انه قلب . والمعنى الثاني نشب او شئ مركوز
<<<------------------- اقعد مهب عاااااااقل :D
وزقلب : ما ادري .................. صدق وشي ذي
وحطز يا طويل البقى : يعني جلس على الارض بقوة أو بسرعة ............... وبتل وهو قاااااااعد . :rolleyes:
وبوبز : برظوا اتفع مع اخوي البحري انه يكون قاعد على رجليه .

<<<-------------------- الصراحة يفت بهن ........ حل وحده وثنتين نقلهن من المشاركة اللي قبله ........ ووحده ولفبه ........ ووحده ما عرف يحلة :D ;)
لكن وسعوووووووووووووووووووا صدووووركم ........... مع الف سلاااااااااااااامة

السلام عليكم
 

هلا بجماعة الخير


انا واعوذ بالله من كلمة انا احس اني اعرفهن كلهن وهن كالاتي طبّو معي تحت








ملبد : يعني قاعد ومسكت بس يناظر الي حوله ولا حس ولا خبر عنه واحتمال يكون زعلان وعاقد حجاجه ويناظر الناس من فوق ( يعني مثل هذا :mad: )






شنقل : يعني سوّى عملية شقلبة للأمام :D






زقلب : يعني سوّي عملية شقلبة للخلف :D







حطز : يعني قعد بشدة وبتل وهو قاعد ;)






بوبز : البوبزة مأخوذة من البزابيز ويقولون بوبز الشخص اذا كان يمشي على رجلينه وتعب وقعد قعدة مستعجلة ( يعني قعد على رجلينه وهو ثانيهن يعني بالعربي معرفط رجلينه وقاعد عليهن وافهمه زي ماتبي )
<<<<<< عجز يشرح له وش يبي بالضبط :mad: :mad: :mad:

موضوع منتاز!!!
 

السلام عليكم.....................وبعد:
مسكم بالخير/صبحكم بالخير..
أظن أن الشباب حلوهن إلا وحيده وهي:
زقلب: ومعناها قالت العرب زقلب أي حرك الشيء من مكانه بكثره وتقول العرب زقلب الشاهي أي بدء يصب الشاهي ببياله ثم يصبه ببياله أخرى لكي يبرد...:D :D

صح وإلا لا...؟؟؟:( :(
أوخوكم الصغير وخادمكم المطيع
مجنون هند:cool:

هلا بالأعضاء ...ومشكورين على الإجابات ..
البحري :
بوبز
ساري :
ملبد , حطز , بوبز
الشفرة :
ملبد
مجنون هند :
زقلب

إجاباتكم صحيحه وقريبه ...

ملبد :
هو المخطئ والمعترف بالخطأ ومسكت.
شنقل :
سقط على ظهره ورجليه لأعلى.
زقلب :
قلًب الشئ.
حطز :
جلس بسرعه.
بوبز :
جلس باطن قدميه على الأرض دون أن تمس مؤخرته الأرض.