هذا ماحصل في مسجدالراجحي في صلاة التراويح .. سي يو .. الحريم والخبه ..
 

الزمان .. في أول ليلة من ليالي رمضااااان المبارك ..
المكان .. مسجد الراجحي الجديد بالرياض ..

كانت الحريم تصلي بمصلى النساء ..
فجاءه .. واذا بجهاز الانذار يمد لسانه :p ويصفر ..

قامت احد الحريم .. مسوية روحه فاهمه ..
قالت قومن هجن .. صافرة الانذار صفرة ..
حريق .. حريقه .. حريقه ..
وماتسمع الا مصافق رجليهن ..
وتشوف العجز طلعن النشاط .. راح الروماتيزم ..
واللي تبي تقمز مع الدريشه >>>> مركبة مكينة شغالتهم هذي ..

واشتغلت الجوالات على الرجال ..
ابو فلان اطلع المسجد يقولون شاب حريقه الصفارت يصفرن ..
يالبي بعض الرجاااااااااااااال عض ثوبه وشماغه وجلعد يم السياره ..
ومن الخبه بغى ( يزم ) ام عياله ..

عاااااد يوم سلم الامام الله يحفظه ..
التفت على الجماعه وقال ..
ياجماعه هذا جهاز الانذار حق الدخان ..

علشان البخور اللي حاطينه كثير وصل الى الجهاز وصفر ..
وانشاء الله نبي نصلحه ..

عاااااااااااااااااااد وحده من الحريم من الروعه يقولون لقاه رجله واصلة طلعة الغاط ..
كل ماشافت نور سياره وراه قالت نعندوكم النار لاحقتن ..



ياحليل الحريم والخبه ..

ههههههههههههههههههههههه

الله لايشمت بنا

اجل صارت صلاة التراويح سمردحي

اللي هاجه

واللي لابدتن بعباته

واللي جته ام الركب وبركت بمحله

واللي قعدت تصيح

واللي .. <== اقول يسد لا ارجفك .. جب شي جديد

===> سم ابشر :D

والرجاجيل هالرومانسيين شكله بالصلاة يصيحون

والامام متحمس بالقراءه يحسبهم متأثرين بآيات الذكر الحكيم

مايدري انهم يصيحون على حريمهم وامهات عيالهم

لا تخلوننا ياللي قلوبكم رهيفه :D

خل عنك ..

والله يالسعوديين بهم طفاقه مهب على سنع

<==== تكفى يالبلجيكي


البلجيكي والا الكنق؟

8
8
8
هذي خاصه براعين الحمام وماجاورهم :D


:D:D
:D

الله يقطع شيطانك ..


عساك شلت ام ابراهيم بس :)

وحبيلك يا البي

ليت أم الجيران مصلية معهم علشان يروح الرومتيزم
قصة جميلة يامدحت

يامهبووووووووووووووووول يامدحت ههههههههههههههه:D :D :D :D

تخيل شكلهن الحريم هههههههه وهن يدبتسن منا ومناك:D


اجل تقول وحدة من العجوز تبي تنقز مع الدريشة هههههههههههههههههههههههههههههههههههههههههههههههههه ههههههههههههههههههههههههههههههههههه

هذي شكل مكينته مرهمة وفاكتن الكبوووت:D :D :D :D :D :D :D :D

ماشا الله لاقوة الا بالله..........لاننحته تفطس علينا.

ياالصعيدي اجل شايلن ام مصطفى وعياله معهم الطعمية ويناشقون من الخوف:D :D :D


اخوك شيخ بريدة المصنق من حلة القصمان ياألبي يامصنق....>>> يبيع زبيريات بسوق الزل.......اللي يبي يشري من تراي ابرخص لحقين المنتدى وبس.

برجس ..
<<<<((((== لو انا بنت يابرجس والله ما ارد على مواضيعك او اعقب على ردودك .. الزم ماعلي الشرف .. :D :D :D

يالبي بعض الرجال يصيح ويدعي ان حرمته تعلق بهالحريقه ..:D
يقول اغدي الله يفكنا منه ..:D

سي يو ..




سراج الخير ..
يسلموا يالبي ..
ام ابراهيم تصلي التراويح بالأزهر ..
سي يو ..




قناص الروس ..
هذي سلمك الله خالتي هيله ..
رحت تسلم عليه وابارك له بالشهر ..
وقالت لي .. عن السالفه ..
بس ياويلي ياخالتي .. من الخبه هي اللي زمت رجله ..:D
سي يو ..

المفيد ,.,.,
شكل ام جيرانكم تزحف اذا جت تروح للمسجد ..
بس قولوا له نبي نروح لعرس ..
قسم ان تقولكم أنا مابي شي ..
ان بغيتوا اشارك بسباق قمز الحواجز من النشاط :D ..

سي يو ..

على طاري مسجد الراجحي

منهوالأمام

أولاً الإمام / الشيخ صالح الهبدان ,,
ويتمي ينوب عنه / الشيخ د / حمزة الطيار ,,
هذا خبري ,, وأدخل على الله إن كان تغير عقبي ,,

شيخ بريده ..
يالبي أم مصطفى كانت ترضع واحد من عيال هالحريم ..
لأنه سلمك الله قاعدة عند الباب تمسك البزارين ..
واللي يصيح تلقمه الديد ..
والرضعه بريالين ..
تصدق نبي نطلع ايجار الشقه من دخل الرضاعه برمضان ..

سي يو ..





الاعصاااااااااااااااااااااار ..
شكراً لك يالبي ..
على مرورك الكريم ..





الفاتش ..
الأمام هو الشيخ صالح الهبدان ..
نفس الأمام الأول ..

سي يو ..




حفيد اعقيل ..
شكراً لك يالبي ..
على طرحك للمعلومه .. ياحبيب الزيتونه ..
<<<(((== ياحبه لتجميع الهرج هالصعيدي ..
سي يو ..