|
بريماكس .. وش صار على اللغه العربيه الفصحى؟
بينما كنت اهجول وادوج بين اقسام منتدى بريده سيتي وحينما كنت اقرأ المواضيع والتعقيبات عليها لاح توقيع الاخ بريماكس حفظه الله وانعم عليه بوافر نعمه وجعله مسددا مباركا اينما كان ورزقه الحور العين في جنات النعيم <<< انواااع النفاق :D اقول حينما لاح توقيعه رايت مكتوب فيه الجمله التاليه : (( لن يتم تحرير أي رد .. بسبب (اللهجة العامية) "أنتهت التجربة" )) استغربت وطارت عيوني همن استغربت ثانيه وطارت عيوني همن استغربت ثالثه لكن ماطارت عيوني هالمره لاني تعبت :D وش قالوا لك يابريماكس حنا حقل تجارب ؟! والا فيران مختبر؟! تجرب بنا همن تهون مالك داعي وقسم بالله قبل كل شيء من اللي اصدر قرار التحدث كتابة باللغه العربيه الفصحي ؟! ومتى تم اصداره؟ عطنا تاريخه ورقم الصادر :) هذا اولا ثانيا كيف تم الغاء القرار؟! ولماذا الغي؟! وهل مدة التجربه كانت كافيه؟ اسئله واجد بدميجتي ودي اطرحهن ايييه نسيت سؤال مهم .. ردودنا اللي حررتهن ولهطتهن وين راحن؟!! معليش على كلمة لهطتهن بس هذي هي الحقيقه والدليل اتحداك ترجعهن :D افلقن ان قدر يرجعهن بريماكس :) رغبت انزال هذه البربسه اعلاه على شكل موضوع، ولم ارسلها برساله خاصه لاخي بريماكس حتى يتم تداول هذا الموضوع فيما بيننا بكل اريحيه وشفافيه ولكي ياخذ كل عضو من اعضاء المنتدى حقه من بريماكس ويكسر راسه نطحنا بذا بالمنتدى :) خلو عنكم .. والله يا استعدلت السنتنا بالفتره اللي مضت وصار كل واحد منا تسنه الهويمل على غفله اولالاه لوكم مستمرين بهالقرار الرهيب ( القرارات الكويسه والصائبه هي التي تفرض نفسها على مدى الازمان والتراجع عنها ليس العيب فيها بقدر ماهو خطأ اداري ) 8 8 حكمه برجسيه :D هذا كروكي توصيف استراحه مهب حكمه :) هذا والله اعلم واحكم وصلى الله وسلم على نبينا محمد بن عبدالله عليه افضل الصلاة وازكى التسليم كتبه الفقير لعفو ربه / برجس بن صنهات آل شمقمقي - حفيرة نساح :D:D :D |
http://www.wtv-zone.com/BannerzRus/3/fll/sflw8.gif آن لنا ولمنتديات بريدة ستي أن تفتخر بهذا الأسلوب الرائع الرنان ولشخصكم الكريم بارك الله فيك http://www.wtv-zone.com/BannerzRus/3/fll/sflw8.gif http://tanateef.jeeran.com/avatar.gif |
اما اسلوبي رنان يالاعصار !!
يحلفون انك توصف جرس سيكل ست وعشرين :D حاطن هالورود والزباريق تسنك ترحب بعضو جديد :) بيني وبينك شكيت بروحي ورجعت لاسمي اشوفه عشان اتأكد قلت لايصير اسمي هيثم والا رامي وتوي مسجل بالمنتدى :) شكلك يالاعصار مخزن هالترحيب مدري هالمدح بملف ووورد وكل من كتب موضوع صبخته بهالكلمات والزباريق :) على العموم .. كلنا كويسين انا وانت :) هههههههههههههههههههههه وش ازين مالقيت شيء اقوله لك يالاعصار :D:D :D |
كانت التجربة ناجحة لكن اعترضها معارضة بعض الأعضاء وكذلك الصعوبة عند البعض الأخر
فألغي القرار بريماكس 8 8 8 8 8 8 أنواع الميانة معليش أخوي بريماكس لكن هذا ما توقعت لك جزيل الشكر أخي الأفضل |
الغيت لفشلها في الحوار مع الأعضاء ،،
|
:(
أنا ضد إلغاء التجربة .. |
الافضل ..
لكل قرار هناك معارضين ومؤيدين لكن كم نسبة هؤلاء لهؤلاء؟ هنا السؤال شكرا لك ،، ****** سراج الخير .. اما لفشلها في الحوار بين الاعضاء!! ما اصدق ان لغتنا الام تفشل دور غيرها :) شكرا لك ،، ****** الوسيم .. حتى انا ضد الغاء التجربه وتمنيت تستمر ليكون للمنتدى العام رونقه واستقلاليته تبي الصدز عاد بريماكس كان نشيط وشديد في نفس الوقت شكل الموجه كانت اقوى منه وجرفته :D شكرا لك ،، :D:D :D |
برجس .. :D
الله من التنسيم بهالخشه .. ياشبيه الجحه .. وياشبيه صويحبي حسبي عليك .. ترررن .. حسبي عليك .. معليش يالبي اخذنا الطرب .. وانت يالبي تبي اللغه العربيه الفصحى .. هالحين خلهم ينجحون بالنحوا .. همن يجون يكتبون باللغه العربيه .. اللغه العربيه له اهله .. <<<(((== دوك البنقالي .. طلع الأصل .. يابن الحلاااااااااااااال لاتفطنهم له يقعدون يرجعون له بعد فرقعين جدي .. يالله سلااااااااااااام .. وناااااااااااااااااااااااااااسه .. |
هل مدة التجربة كافية ؟0
من وجهة نظري أنها غير كافية فلو استمرت لكان أفضل بمعنى أن من يقرأ ( انتهت التجربة ) يعتقد أنه لا يوجد أناس يتكلمون اللغة العربية إطلاقاً . وأجزم بأن الكثير ممن طالب بإلغاء هذا القرار بالبداية يستغرب من سرعة إلغاؤه الآن . |
مدحت بن شوقي آل بريده :)
منب مفطنهم يرجعونه انت وخشك اللي تقل محفر :) انا ابفطنهم لردودنا وتعقيباتنا اللي لهطوهن تحسبن كاتبن الموضوع على الهبني لالالا هذا تكتيك انت وخشك بدري عليك تفهمه تسني طبيت ببطنك يا ابا ابراهيم :D الوافي صدقت ياخلفهم المده غير كافيه ابد كان من المفترض يمددونه اكثر عشان مايجي واحد مثل مدحت ويجدع هالهرج اللي تقل ليحان :D |
كلام ليس له أي داعي
مع احترامي الشديد |
السيد دكتور ..
الكلام اللي ليس اي داعي كلامي والا قرار الغاء التجربه؟ ياليت تحدد وتوضح مقصدك :) |
اقول يا برجس ،،
وشلونك انت ومنتدى قصمان :D،، شف الفكرة يجب ان نحصرها في مكان واحد ،، الحين لا قريت موضوع مكتوب بالعربية ولا بالانقليزي وش ازين لك // وبصراحه\\؟؟!! |
هلا سراج الخير
انا ومنتدى القصمان نسلم عليك :D تقول الله يسلمك : ((شف الفكرة يجب ان نحصرها في مكان واحد ،، الحين لا قريت موضوع مكتوب بالعربية ولا بالانقليزي وش ازين لك // وبصراحه\\؟؟!!)) انا مع حصرها في المنتدى العام فقط :) اجابه لسؤالك : اكيد اللي مكتوب باللغه العربيه :) رغم اني مستغرب من هالسؤال .. لكن عن قولة ماجاوبت :D |
| الساعة الآن +4: 03:43 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.