بريدة ستي - مواقف طريفة مع النحوتييييييين

العين حق وتشتهر بها مناطق دون أخرى وعائلات دون أخرى وهي سهام تنطلق من عين الحسود إذا لم يذكر الله فتصيب بإذن الله .. والكثير منا ربما حصل له مواقف مع بعض النحوتين كما يطلق عليهم في القصيم أو العائن أو الناضل .. للفائدة والتسلية سطروا مواقف شاهدتموها أو سمعتموها ..
ولي من المواقف معهم الكثير أذكر لكم منها ثلاثة .. الأول : كنت مسافر مع بعض الزملاء بطريق واحد وكان الوقت متأخرا والسائق بدأ به النوم وسواقنا
( حليل بالنحاته ) فمرت بنا سيارة وتخطتنا بصورة سريعة قال السائق ( يحق لك مقيل ) يقصد شبعان نوم المهم بعد أقل من كيلو وجدنا صاحبنا
( المقيل ) متعطل بوقت متأخر وبرد وماندري وش صار بالرجل المسكين .
الموقف الثاني : في طريق الرياض ومع واحد ثاني عفريت تخطنا سيارة ماكسيما بطلعة الغاط مسرعة جدا فقال العائن : (شكل رجله دايستن البنزين إلى الاديتر ) وبعد ما طلعنا الطلعة وجدنا المسكين متفقعة كفراته الأربع وحالته حاله .
موقف ثالث : لأحد الزملاء كان يدرس بمنطقة معروفة بهاالأمور يقول كنت أدرس أطفال لكنهم ( ناشين على الفطرة ) وكنت قبل أصل المدرسة أسلي حالي بفصفص ولما دخلت الصف قال واحد منهم (ريحة فصفص ) وما ادري منهو المهم بعدها امتلأ فمي حبوب وجروح بشكل عجيب ومن بكرا جبت قلم رصاص من جهة الممحاة وقلت كل واحد يورين سنونه ابي أشوف فيكم سوسة والا لا ومريت بالقلم بفم كل اللي بالصف لاني ما ادري منهو اللي نحتني ولما خلصت مصيت القلم فشفيت بيومي .