|
جيل بريدة الجديد من مواليد عنيزة ......
السلام عليكم ورحمة الله وبركاته فبعد أن قرأتم العنوان فالبعض يستغرب كلامي وهذه هي الحقيقه ففي الوقت الذي لم نثق وتثق فيه نساء بريدة من الطاقم الطبي والأجهزة الموجودة في مستشفى الولاده والأطفال ببريدة ..... مما يجعلهم يضطرون غير ملومين إلى الذهاب للأفضل والأفضل في مستشفى البر بمحافظة عنيزة ويوجود على بعد ((30))كيلو وبسعر ((مابين الثلاثه إلى الستة آلاف ريال )) يعني مشوار وفلوس مع ذلك تبقى الثقة والراحة والتنظيم والطاقم النسائي فوق كل شي بعد قدرة الله ..... فمتى نسمع ونرى عن وجود مستشفى على الأقل يوازي خدمات مستشفى البر والذي أعتبره مكسب لمحافظة عنيزة الشقيقه أم نردد كالعادة ((يالـــــيـــــــــل مــــــــا أطولـــــــــــــــك)) ومن المضحك أنني أقلب دفتر العائلة الخاص بأخي وإذا بأحد أبنائه من مواليد عنيزة يعني يبي يقضي طول عمره ؟؟؟؟؟ وش جابه للمستشفى هذا والله أعلم |
أشكرك حبيبي فيمتو لكن مارأيك أن أحد الوالدات بمستشفى الولاده ببريده تبكي فما كان من الدكتورة الا الصراخ بوجهها وعندما واصلت البكاء صفعتها كف!!شلت يمينها
لكن ردد مأطولك ياليل محبكم/ حنونو |
من مواليد عنيزة !!! يعني عنزواوي .. عاشت ايامة
|
يعني الولد أول ما يولد يصير كفرات خط .. ؟
|
الآن تحت الإنشاء مستشفئان جديدان في بريدة ..
أحدهما .. أرقى المستشفيات في الرياض .. وهو .. مستشفى الدكتور سليمان الحبيب الطبي .. وبإذن الله .. سينحل الوضع .. أجل يافيتمو ولد أخوك يمطط حتسيه .. |
معليش
لكن وش الفرق .. وليه العنصريه ؟؟؟ يعني راح يضيع ؟؟ ما راح يرجع لأبوه وأهله ..!! دايم نلاحظ التفرقه بين أهل بريده وعنيزه !! ليه ؟ |
والله مشكله كل ماجت تالد إمرأه
ضربت مشوار لم عنيزة يعني علا هاالحال كل مواليد بريدة مولودين باالطريق... |
اخي الكريم
هذا شي معروف ، مستشفى الولاده والاطفال ببريده فاشل بكل المقاييس وايضا لاتنسى التخصصي الي مايجيه الا اللي ناوي ينتحر والا عايف نفسه حتى المستوصفات الاهليه ببريده شكلها ماعليها مراقبه ودون المستوى حيل |
اقتباس:
ولا بريدة وعنيزة مابيينا شي أبداً ولله الحمد إلا لدى البعض والأغلبيه من هم فوق الـ50سنه نخبكم/ حنونو |
هههههههههههههههههههههه
الله يرجكم من شباب الحين وش دخلكم في امور الحريم :bad بصراحة انا بنفسي جلست كم يوم مع وحدة من قريباتي في مستشفى البر((الوفاء حاليا)) وبجد ما تنلام حريم بريدة لو راحت تولد في مستشفيات عنيزة :D مستشفى راااااااااااااااااائع بجميع المقاييس ما تلقى شي تعيبه عليه يعني الحرمة لما تولد تكون تعبانه خلقه وهم هناك يخلونها تاخذ الوضع بهدوء ورواقه مرة يعني يهدون اعصابها بشكل ياناس ما تتخيلونه الحنية الاسلوب المحترم كل شي في المستشفى هذا رائع للمعلومية:: غالبية الناس تسمي المستشفى التخصصي ببريدة المستشفى التخلصي :42 الله يرجكم ههههههههههههههههههههههههههه :D اجل بيولدون بالطريق :D ولا الولد البريداوي اللي لما يطلع على وجه الدنيا بيبكي اهئ اهئ :bad وبيستغرب :eek: كيف صار عنيزاوي ههههههههههههههههههههههه يابوي قلبتوها فيلم هندي خخخخخخخخخخخخخخخخخخخخخخخخ : 12 ودمتم سالمين : 12 |
السلام عليكم ورحمة الله وبركاته
وللأسف مازال التدهور في مستشفياتنا مستمرا ومازلنا نحلم بمستشفى للولادة يهتم بالمرضى مثل مستشفى البر بعنيزة تحكي على أحد الأخوات قصتها وعاناتها مع مستشفى الولاده وتقول إنها أثناء عملية الطلق وفي وقت التألم والتأزم تقوم العامله في مستشفى الولاده بضربي لكي أكف عن الصراخ أما في مستشفى البر الخيري بعنيزة فتقول والله ثم والله أن الممرضة تضع يدها في فمي لكي أقوم بعضها لكي أذهب عني التألم وتأمرني بعض يدها فيا أسفى على صوت لم يسمع وأذكر لكم إحدى القصص والتي تدل على عدم وجود إمكانيات جيدة في مستشفى الولادة ببريدة أن أحد الزملاء تمت ولادة زوجته الصباح الساعه الثامنه وتفاجأ بإتصال زوجته وقولها إنهم أمروني بالخروج وذلك عند الساعه 11 صباحا يعني لم يمضي وقت على الولاده فقط ثلاث ساعات تقريبا ولا يوجد في مستشفى الولاده سوى 300 سرير يعني لا تكفي ولن تكفي حاجات مدينة وقرى بريدة كما نأمل من المسؤولين تطوير أو إفتتاح مستشفى خاص بالولاده والأطفال والعنايه بهم اللهم بلغت اللهم فاشهد ولي رجعه مطوله حول الموضوع ويجب أن نجد حلا |
| الساعة الآن +4: 03:53 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.