هو صدق الناس في. .القصيم .ما زالوا إقلون كلام مثل كذا؟
 

السلام عليكم ورحمة الله وبركاته وبعد
رسالتس اللي كزيتي وصلتن وفرحت به ...وكثر الله خيركم على المقطع والغدفه الي كزيتي لي,وابشرتس ان

اخبارنا تسرتس. البقرة اضنت ، والبيض فقش ، والدجاجه الرقطا راجن ،وإن إدحيم العلي أعرس ، ونوّير

مخطوبة ، وعويش فطمناه ، وسويرة رفعناه من السقاط ، وصويلح شراله دنانة ، وسليم ختم المصحف ،

وإعزيز الصالح طاب من الطنان ، وسند ولد مضيوي بدا يحبي ، والحمد لله طاب الجحام الي بعينه ، وأنتي

صاتزه حطينا عليه تبنه ، وحصيصه طابت إقطوفه الي براسه ، ومنيره مشطناه بورده

وأم سويلم طلعت من الماجب ، وتممنا لسويلم ، والنعال الزنوبا اللي تخبرين عندناهاك السنه رقعناه ،

ومقطع الروز خبناه ، والدوشق غيرنا قطاعته ، و السفرة الكبيرة علقناه بالقبة ، وحطينا بيت للرادو ،

والمصحف حق عمي غيرنا ثوبه ، والسراج زينا فتيلته .والزبيل مليناه حتات من إنخلتنا ، وشرينا سحارة

ولقيناه مكسورة .وبقولس إني مع هالحمولة غاديتن حوسة ، الطاية تخر ، والمثعب منشق ، والقتاله منقلعة

، و باب الروشن منكسر، والتسوله مسنيّه ، وبريتز الغرش الصغير منقشع ، والله يهديتس يأم دحيم.البزار

الي كزيتيه شوي الكركم به ، والمسمنه تقل رماد مابه ليمون ، والفتيت مسري ، والكليجا تقل عظامة . وذا

بغيتوا تكزون شي:كزوا شي يبل الريق ويواجه عند الحمولة . معكم علم إن حمولتنا ناس نقادة . وخالتي

شرّاهة ، وعمتنا حقنة مايجوز لهاشي مثل رقاص الساعة،.وحريم عمومتنا صرت إثمنلهن ، وجذعانهم فرقا

عين جدي شيبان كبري يترددون علي هالجصة قضوا على النعمة تقل دبا ، ونا ماودي أطول عليك الحتسي

عسا مايخليني منتس ، ولامن جناين قلبتس ، لاخلا ولا عدم وسلميلي على نفستس ومن يعز عليتس .و أخص

بالسلام مضيوي وفطوم وقوليلهم والله ماخلان أقصر عنوتي عنكم وأشوفكم إلا إني عويجزة ولاصقة علي

ظهيري وضليعاتي ومارخة كتوفي ورجيلاتي بالفقس .. ومعتس علم هالارياح يعودن بين حين وحين ومع

هالبراد صايلات علي يالله حسن الخاتمة والعمل الصالح وسلمي وأنتي سالمة

اختتس : منيره السمهله


منقول، من. . .فكس
في..الساحة العربية

???????????????????????????????
 

ايـــــــــــــــــــــــوه
إلين هالحين
لا إلين بكرا
ماضر أهل القصيم هالكلام
فالبساطه والشفافيه وحب الخير والــــــــتديـــــن وحفظ الدين لماذا لم تذكرها يافالح
أو مالقيت إلا الطنزه بحتسيهم
مأقول إلا
ضف وجه ميدك في ذاك أزعل عليك مايمديك ياهوه ولاعاد تجي فيذا .....
وع مير

؟؟؟؟؟؟؟
؟؟؟؟؟؟؟
؟؟؟؟؟؟؟

سلام عليكم ورحمة الله وبركاته
 

آهٍ على تلك الأيام... أيام الصفاء والطهر والنقاء... سقى الله تيك الأيام.

أخي المتجدد دوماً قصيم/
ما زال بعض كبرئنا من الشيوخ(كبار السن) يستخدم هذه المصطلحات المتميزة الرائعة في نظري.
ولكن لكل عصر لغته ولكل جيل مفرداته.
وقد يتأثر أبناء الجيل السابق بأبناء الجيل اللاحق من جهة المصطلحات بالمكاثرة والتوافر على بعض التعابير.



شكراً لك على هذا النقل الجيد.



تحياتي لك .
والسلام عليكم ورحمة الله وبركاته.

الأخّ. ....جدس البأس
وا لا إهانون. بقيّة الإخوة

تريد الحقيقة، إفتقدت هذا النوع من الكلام

لا ننسى ان:
 

ان لغه العصر:
___________
ــ اللغه القصمنجيه.

نعععععععععم....



لاأقول لازالوا بل لازلنا نتكلم بهذه اللهجة أو اللغة واللي مهوب عاجبة ماقلنا له قيمنا...



وياأخت أم جهاد أنا من رايي إذا كنتي فتاة فتزوجي من شاب من بريدة وإذا كنتي أم فزوجي إبنتك من شاب في بريدة حتى تتعرفين على لهجتنا أكثر ولا خوذيلس وأنا خوس دورة وانتهينا....




والسلام:p :p :p ...

لالالالالالالالا

لالالالالالالالالالالالا


لالالالالالالالالالالالالالالالا


قوية مره

لا الله يخليك

وآسفه ....خلاص