|
لابعد واسمعوا هذي القصة
السلام عليكم ... صباح الخير جميعاً ... أنا ماأدري إلى متى وأهل بريدة بيصيرون منغلقين وعقولهم مُصفده أودعوها في توابيت وأكنه ليعثى فيها الدود ويكسوها الغبار فتموت وأداً بما فعلوا ... قصة حصلت أمس في قبة رشيد وهو أن أحد رجال الهيئة طعن واحد بنقالي علشانه يدخن وقت الأذان لا وبعد ربطه بحبل وبغى يجره بجيب الهيئة لولا أن مسكه العوام وأبعدوا من يده هذا البنقالي المسكين .. وياليت أن الموضوع وقف على كذا طق وجلد لا ويقولون أنهم أتهموا وحده في شرفها يوم مرت من عندهم وسلمت والقصة صارت في العثيم يقولون أن بنت مرت من عند رجل هيئة فيعني بغت تتريق البنت وتستخف دمها فقالت سلام عليكم يامطوع فرد وقال يافاسقه يازانيه أهلك ماربوك وخذ من الكلام الطويل الي يدوش الراس ... المشكلة أنهم يتكلمون باسم الدين ويعملون تحت عباءة الإسلام ولايدرون أن كم من مريد للخير لم يدركه ... واأسفى لحالنا .. وأذكر مره أني مع ولد خالي بالدائري فوقفتنا دورية شرطة وكان فيها مطوع نزل وقال وش عندكم تدورون الساعه 3 بالليل أكيد أنكم سكرانيين وأكيد أنكم بتطلعون بنات أعترفوا سبحان الله أتهام سريع ياحسافة اللحية عليك بس ... وماراح أنسى الفساد الي يصير بالمراكز الصيفية والإختلاء بالمردان واللواط الي يصير ... طبعاً إذا ماصدقتواااا أقسم لكم بالله أن هذا صدق وصار والله على ماأقول شهيد ... ^ ^ ^ ^ شفتوا ماأسهل الكلااااام والإتهااااااام ترى المسألة مايبغاله إلا ضربة كيبورد وقسم بالله في نهاية الموضوع ثم تصير سالفة وقصة تسجل على رجال الدين والمغرر بهم يصدقون وأتمنى من هذا المنبر منتدى بريدة ستي أن أي قصة تسمعونهااااا ياأخوان أن تتثبتون من صحتها وهل هي صحيحة أو كذب حتى لايكون هناك قذف واتهام وتناقل أخبار كاذبه والأهم غضب ومقت من الله فكم من ذنوب وسيئات سجلت والسبب أشاعه وكم من محق بركة حلت والسبب إتهام أوظن سيء فانتبهوا يارعاكم الله وتريثوا عندما تسمعون خبر وخصوصاً إن كان يخص الصالحين لإن لحومهم ليست كلحوم غيرهم وأختم بكلمة أنه ليس كل من قال صدق وليس كل من حلف بالله فهو صادق فلقد أقسم المنافقون بنبوة الرسول لكن الله يقول (( والله يشهد إنهم لكاذبون )) .... وبس ... |
السلام عليكم ورحمة الله وبركاته
إذا شفت ملاحظة على رجل الهيئة أو رجل المرور مباشرة افعل الواجب عليك بمناصحة الشخص وإن لم يستجب فكلم المسؤول .. لا داعي للإسفاف أنت تعالج مجتمع , ولست تشهر به . يا أخي ذكرك للأمثلة يدل على أنها حادثة عين وليس قاعدة مطردة . صور نفسك أنت المسؤول , أو أنت المفتي كيف تعالج هذه المشاكل ؟ قدوتنا ـ صلى الله عليه وسلم ـ كيف تعامل مع المشكلات ؟ أنت إن كنت ناصح فستوفق للخير ؟ المجتمع ليس هيئة , ومركز صيفي . في المجتمع مساجد ومدارس ومشاريع خيرية ... هل أنت كل ما دخلت واحدة منها تفكر بالمشاكل ؟ نصيحة : إذا أنت تركز على العيوب فلن تجد من لايعاب ,,, قال ـ صلى الله عليه وسلم ـ (( إنك إن تتبع عورات الناس تفسدهم أو كدت تفسدهم )) مشكور يا أخي ومأجور ـ بإذن الله ـ . |
شكرا لك على هذه الكلمات الرائعة صراحة أول ماقريت الموضوع استعشت بس ما أقول إلا الله يجزاك خير ..
: 12 سلاااااااااااااااااام : 12 |
[-----="00008B FF6347 008000 4B0082"]
جابك الله هذا اللي أنا أقول من أمس أي قصة تنقال علطول نصدق !! . . بدون تثبت بدون أي شي . . والسند الإنترنت !! الصراحة سند على كيفك . . أنواع المنقطع . . هذا هو . . هذا اللي أتعبنا وأزعجنا أي ناعق يسمع له ويصدق . . سواء كان عدو . . حاسد . . مغرض . . أي شي . . وبعدين فيه حاجة . . وهي أن أفراد المجتمع لاتعبر بالضرورة عن هوية مجتمع بأكمله حتى في البيت الواحد ترى الإبن خلاف والده في أشياء كثيرة المجتمع يقاس بالغالب والأعم ولكل زمان دولة ورجال . . وبين نور الإسلام <---> وظلمة الكفر . . سنوات قليلة لكن أين من يعقل [/-----] |
رعد /
بداية موضوعك ، إذا قرأه شخص ( عجل ) سوف يشن ّ حملة عاتية عليك .. و لن يرقب فيك إلا ً و لا ذمة .. و لكني أقول .. أن ما ذكرته عين الصواب .. و أن المنتديات تعج بالقصص التي تنسب إلى ( مجهول ) .. أو تنسب إلى الوكالة العالمية الإخبارية .. و كااااااااالة ( يقولون ) .. هذه الوكالة تمتاز بتنوع الأخبار .. و إفتقاد الأسانيد .. شكرا .. رعودي <=== تدليع رعد .. :) |
الصراحه غثن الموضوع واقرأ همن تقول لاتحسبوني اكذب والله اني صادز همن اقول احلق عيني ان تسانه صادز...
موضوع جميل حنونو |
اوه اشوا [محبكم الـنـهـيـم :) ] |
رائع جدا منك أخي الغالي رعد...
الموضوع .. بحق رائع .. لكن أخاف يحدث شيء لايحمد عقباه.. وهو ممكن يجي واحد وينسخ النصف العلوي من الموضوع ويقول من مصدر موثوق ......... لا تستغرب ... لماذا ..لأنه لايوجد حسيب على النت والخوف من الله أمر كان مقضيا ..... اكرر شكري لك أخي رعد على هذا الموضوع الجميل.. وبنتظار إبداعك |
كلام في الصميم .. لا فض فوك ..
|
بارك الله فيك ......... كلام بالصميم
|
كلام رائع لكن تدري أنة بعد يصير العكس
مثل بنت تسوق في الدائري وووووو شباب سكرانين في أستراحة على أنغام الديسكو وحصل معهم كذا وكذا الخ الخ الخ |
كلام .. ينم عن متكلم لبق .. ومتحدث .. مقنع ..
لا فض فوك .. أحسن الله إليك .. |
والله يا انا ولعت ببداية موضوعك
وبغيت اروح اجيب الشوزال واثور بك لكن قلت خل اشوف نهايته مع هالكمخه رعد فك الله عينك شوي واعكرفلك يابن الحلال وسع صدرك تبي تسمع اكثر من هالكلام من اهل الاهواء والفتن والشهوات لانهم سلقن مجمعه ومايصدر منهم الا كل قبيح من القول والفعل ودك والله تجمعهم بخيشه وتربطه بسيم همن تجدعه على رصيف شارع تفحيط عشان يشطفونهم المفحطين انت وشلونك يارعد؟ كتبه الفقير لعفو ربه / برجس بن صنهات آل شمقمقي - بلجرشي :d:d :d |
| الساعة الآن +4: 11:32 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.