بريدة ستي - (( خـلاص ))

ياصغيّر السن .. قدرك طاحـت ابراجـه
الجرح خلّى الصخر ينطـق .. ونطّقنـي

خلاص .. ماعاد تعنـي لـي ولا حاجـه
رح جعـل ربـي يوّفقـك .. ويّوفقـنـي

من بعد ماكنـت نـور العمـر وسراجـه
اليـوم صـرت الظـلام اللـي يطوّقنـي

عطيتك اكثر مـن اللـي كنـت تحتاجـه
اسرفت في الحب .. ليـن الحـب وهقّنـي

خلاص .. مالي ومال الحـب وأزعاجـه
مالي ومـال الـدروب اللـي تضايقنـي

تعبت اضـم البحـر .. وأهـدّي امواجـه
تعبت اجامل .. واشوف الوقـت يسرقنـي

شكـواي للـي عليـه الضيـق وافراجـه
اللـي اذا شـاء يرحمـنـي ويرزقـنـي

اما انـت يابـو جبيـن ٍ عقّـد احجاجـه
لاعاد تسأل : ( علامك منـت طايقنـي )

النـاس كـل ٍ علـى دربـه ومنهـاجـه
وانا عـن النـاس مابـه شـي يفرقنـي

الا اني دايم .. احـب الصـدق وأواجـه
مخلوق ... و الله على هالوضـع خالقنـي

حتى رفيقي .. ضمـاد القلـب وعلاجـه
على كثـر مااتمسـك فيـه .. صدّقنـي

لـو ادري انـه مرافقنـي علـى حاجـه
لأمسّكه حاجته ...... وأقول ..... فااارقني

http://9q9q.com/get.php?filename=1118495660.jpg

ياليتني خذت المرض عنك ماجاك وصرت من بد الخلايق طبيبي