|
أبي مكتب تنسيق لتعليم الإنجليزي ببريدة
السلام عليكم ورحمة الله وبركاته
يا جماعة الربع مرة شفت إعلان بجريدة الرياض (الأحد الماضي) 12 - 4 عن مكتب تنسيق ببريدة لتعليم الإنجليزي ... ((((((( برا ))))))))) يعني عند الإنجليز .... :) أذكر الرقم يبدأ ب 235...... بس فحطت بموقع جريدة الرياض و بالقوقل .... ما لقيت جماعة الربع ذولا حقين الإنقليزي دبرونا .... يا جماعة وين ألقاهم به؟ |
والله ياغالي بما انك هااااوي انجليش سبيك يو هاندريد نو سموثينك!!
ودي اساعدك ولكن ماعندي دبره هيمو |
والله يا أستاذي ما أعرف المكتب وإذا لقيتة الله لا يهينك علمن عنه :)
لكن إذا تبي نصيحتي إذا كنت ما تعرف شي أبد أو تعرف القليل القليل من اللغة فما أنصحك إنك تروح برا حتى تدرس اللغة هنا بس بشرط يكون اللي يدرسك ما يعرف عربي إذا صار المدرس يتكلم عربي لو تناقز ما راح تتعلم لأنك بحاجة إلى ممارسة اللغة . وفيه معهد ببريدة (ما راح أذكر اسمة حتى ما أحد يقول يسوي دعاية :)) عنده مدرسين انجليز يعني لغتهم الأم انجليزية الصراحة خلال فتره قصير تعلم منهم أقد أقول جزء كبييير من اللغة لأنهم كانوا يدرسوننا وهم ما يعرفون عربي :) يعني لو تبي تكلم بالجوال ما لك الانجليزي وإلا لغة الإشارة :) تحياتي..:) |
مــــــــــــــــــــــشـــــــــــــــــــكــــــ ــــــــــــــور
|
الأخ الـــــــــــــــــحــــــــــــــــــنـــــــــــ ـــــــون أشكرك يا عزيزي ... وما قصرت .... ---------------------------- الأخ المهندس فهد .... أشكرك على نصيحتك .... وكلامك في محله .... أعرف أدقش شوي بالإنجليزي .... يعني أدبر روحي .... بس ودي أرطن رطن والظاهر إني أعرف المعهد اللي تقول .... مع إن به أكثر من واحد ....:) بالنسبة للإعلان كان بجريدة الرياض .... وهي مهب عندي الحين ... هذا اللي إموتن حرررررر الموقع حق الجريدة ... ما يحط الإعلانات القصيرة ... لذلك تمت البلشة ... والقوقل .... من كثر النتايج اللي يطلعهن ... يبي له قوقل ثاني .... ويبدو أن المعهد (المفقود) على بداياته ..... يعني مهناش موقع عشان يطلع بالبحث... وتصحيحاً للرقم .... تراه بدأ بــــ(325) ... ثلاثة اثنين خمسة اللي عنده جريدة الرياض حقت الأحد الماضي يدبرنا يا جماعة الربع تاريخه 12/4/1426 هـ بانتظار فزعتكم |
فيه المعهد البريطاني اللي بالمنتزه بعد مكتبة جرير خيال في الانجليزي اعرف الكثير دخلوه واستفادوا ولاتروح برى خلي عنك السفنجة !!!!
|
أولاً .... أحب أحيي الأخ أبو زكي .... يالله حيه .... وشلونك؟ ............. (نسيت أرد عليك بردي الأول معذرة) ....
الأخ الفاضل حامل الراية .... أشكر لك ردك .... والمعهد كغيره من المعاهد فيه فايدة لا شك ... لكن أنا ودي بشي أقوى .... لأني أطقطق بالإنجليزي شوي ...... بس ودي بالرطن الله يحمانا فأنتم دورو معي الإعلان وإذا لقيناه ويسهل الله |
:confused:
ماش ما حولك أحد ... هذا وقد تم ســــــــهــــــــــج المذكور ..... وش صرنا يا جماعة ... |
| الساعة الآن +4: 07:22 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.