|
أبشرك فهد مات
السلام عليكم ورحمة الله وبركاته ... أمس معي واحد من الشباب فجاءه أتصال من صديق له قال له أبشرك فهد مات فرد عليه الي معي وقال أحسن .. أنا ماكنت أعرف وش قصة المكالمة المهم يوم سكر السماعه قال لي أن صديقه يقول له أن فلان مات (واحد من حارتهم ) وقلت له أحسن بصراحة دارت الدنيا في وجهي قلت وش احسن ماتخاف ربك بدل ماتدعيله أن ربي يرحمه ويغفرله تقول أحسن ... قال لي انت ماتدري وش السالفه هذا الي مات موذي الحارة كلها لابعد مهوب الحارة بس الا الحي الكامل ماترك احد الاوتحرش فيه أو تطاق معه وأخرتها قبل أمس تهاوشت معه وجاء وكسر درايش جمسنا كلها ... قلت مهما كان الرجال مات ولاتحسره في قبره .. قال لاوبعد مسوي مهايطي وأوقات الظهر دايماً دوران على المدارس لو تناظره وقفك وقال وش تناظر مهوب الناس بس تتأذى منه حتى الأرض الي يمشي عليها ماترك جدار في الحارة الا وكتب عليه وماترك ورع الا ودار عليه وحاول يشبكه ... مسك معي خويي خط من جريات فهد ... حتى قال أنه مايصلي ولاقد ترب المسجد أو دخله ... المهم تفرقنـــــــا بعد السالفه وأنا راجع للبيت بديت أفكر هل فهد المتوفى له حسنه يعني حتى نذكره فيها خويي ماترك طعه الا وقالها عنه (تفحيط دوران هجولة تجمهر هواش ورعان ترك صلاة مهايط وسيل طويل من المشاكل ) ... لكن ماأقول ألا الله يرحمــــه ويغفر له هذا حقه علينــــــــا ... والله أني أتحسر على حال الشباب تجمهر وتفحيط وياليت أنها وقفت على تفحيط الا تحشيش وترك صلاة والدوران على ورعان وإزعاج النــــــاس .. أسأل الله أن يفتح على قلوبهم وبإذن الله أن الشباب متوجه للخير فثلاثه من أكبر المفحطين في الرياض قد توجهوا وتركوا التفحيط ومعروفين على مستوى الرياض كلها (( المستشار وبوبو وا ويوي )) وأيضاً المفحط مساعد الشلهوب المعروف الي صدم خمسة مع بعض الي دخل واحد تحت السياره واثنيين طاروا فوق التنده ورأيته قبل يومين عند مسجد القارئ ياسر الدوسري يبيع كتب سبحان الله من ظلمة الوجه وكآبة النفس إلا نور يشع تراه وأنت أمامه واطمئنان نفس تلاحظها عند بيعه للكتب ..... تحركوا ياشباب وكلموا من تبقى فلإن يهدي الله بك رجل خير لك من الدنيا ومافيها وخير لك من حمر النعم ... لاتتركوهم لإعوان أبليس يهيمون بهم كيف شاؤوا .... كلموهم مره ومره ومره فكما قالوا كثرة الدق تفك اللحــــــام ... وإلى اللقـــــــــــــــــــــــاء .. |
بسم الله الرحمن الرحيم r3d سأبقى ممتنا لك الدهر على هكذا موضوع فنحن بحاجة لدعوة أولئك الناس هم بحاجة لعطفنا قبل أن يكونوا بحاجة لأي شيئ آخر .. هم ينتظرون منا ابتسامة .. ينتظرون منا كلاما لينا .. ينتظرون منا قلوبا عطوفة .. عندهم هموم .. ولهم آمآل لكن ويا للأسف هم ضحية صمتنا ضحية قسوتنا .. ضحية كبرنا وغطرستنا .. ضحية تعالينا عليهم .. ضحية لنظرتنا الدونية لهم .. ضحية لنظرتنا لهم على أنهم كلاب النار .. هكذا ننظر نحن وأقولها للجميع بدون اي مجاملات أو ذر رماد ٍ على العيون .. فقط / هم ينتظروننا |
اقتباس:
|
عنوان الموضوع سخيف بمعنى الكلمة
بغض النظر عن محتوى الموضوع اللي هو بوادي وعنوان الموضوع بوادي |
r3d بارك الله فيك أخوي على النقاط المفيدة أسأل الله لنا ولكم النفع والفائده ,,,,,,,,,,,,,,,,,,,, |
بوووورك فيك اخي r3d
مووووضعك اكثر من رائع وفعلاً نحن مقصرووون في حق اخوواننا وحق ربنا من فبل فينقصنا الجرئه على الدعوه ينقصنا ترك كلكة ( وش كاري ) ونحن امة دعووووه والله كثير من الشباب يريد منك لو كلمه لو نظره حتى ينردع لكن كثير من الشباب المستقيم لا ياتيه الجراءه للنصح احد الشباب يقووول : والله عشر سنوووات وانا في الضلال ولم يقل لي احد اتقي الله لم ينهرني احد لم يخبرني احد ان ما اعمله حررررررام مثل هذا من يتحمل جريرته ؟؟؟؟ انه انا وانت وهو وهي تحياااااااااااااااااااااتي |
جزاك الله خير ..
والله يغفر لجميع أموات المسلمين .. : 12 سلاااااااااااام : 12 |
مـــــــــــــــــــشـــــــــــــــكـــــــــــــ ـور على الموضوع صراحه ان الموضوع اكثر من رائع.
|
اقتباس:
وش فيك يابو غريب هجت بك ... الله يصلحك قل أمين ... |
اقتباس:
وش فيك يابو غريب هجت بك ... الله يصلحك قل أمين ... |
اقتباس:
وش فيك يابو غريب هجت بك ... الله يصلحك قل أمين ... |
الله يرحم اموات المسلمين مشكور على الموضوع * * هموسه |
| الساعة الآن +4: 11:16 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.