سُمعة بريدة عند الناس؟؟
 

كثير من أهل بريدة للأ سف عندهم حب الإستطلاع الزائد ....... فلماذا ؟؟؟؟؟


أرجو من الإخوة إيراد الحلول لهذه الضـــــــــــــــــــــــــاهرة ....


مشكــــــــــورين.........

ما يسمى حب استطلاع ..
هذا يسمى الله يعدي عنك ثقافة مفتوحة ..
لا زم ندري وش الي عند ذولاك .. و ينشطب الراس لو نشوف ناس واقفين بالشارع ..



أنت ما عمرك سمعت بالثقافة اللامنهجية ؟؟

ههههههههههههههههههههههههههههههه
ههههههههههههههههههههههههههههههه
هههههههههههههههههههههههههههههه
ههههههههههههههههههههههههههههههههه



أنا البارح أحد أقاربي ..
شطفته من اليسار ثم و قف بجنبي بالأشارة ..
قلت له ، شف لك أول محطه و عب بنزين لا تتطفى بك السيارة ..
على طووووول هو شيك على الإمبير قال : التاااااااااااانكي به أكثر من الربع .. !!!


قلت له : أجل وش النور الأصفر الي بالطبلون ..
قال : إيييييييييه .. هذا لمبة لـ / ... <=== و بعده فتحت الأشارة و رحت و هو يهرج ..


هههههههههههههههههههههههههههه
ههههههههههههههههههههههههههه

للحق .. هالظاهرة شبه اختفت ببريدة ..
وللعلم تراه بجميع المدن او المحافظات وخاصه الصغيرة ..
مهيب محصورة على بريده بس ..

لأني كم مرة اقف عند الاشاااااره ولا شفت احد يناظر ..
يمكن علشاني شين بعد .. بس ولو ماهنا هاك المناظر ..

لأنه منول تهبل بهم .. توقف بجنبهم ويناظرك ويبي يناظر اللي راكب معك ..
همن تشوفه يمغط رقته الا لازم يشوف اللي بجنبك ..
عاااااد تجي اللعانه هنا .. اول ماتشوفه ماغطن الرقبة .. انت قدم شوي ..
وخلك على هالحاااال الين ترقيه الرصيف ..
وناااااااااااااااااااااسه ..


مره شايب جاي من الرياض ومعه عائلته ويسوق بهم السواااااااااااق ..
ووقف عند الاشاره .. يوم يناظر ويشوف هاك اللي جادعن خشته بحجر الشايب ..

قاله الشايب .. وش عندك تناظر ..
قال ابد مشبه على السوااااااااااااااااااااق .. الله من الكلك .. توهق ابو الشباب ..

ونااااااااااااااااااااااااسه ..

[-----="00008B FF6347 008000 4B0082"]
يا أهلي وياربعي صدقوني إن أكثرها هالة إعلامية ضد بريدة
وإلا عند المدن الثانية من حب الاستطلاع ما فيه الكفاية . .
ليه ماهم لحم ودم وإلا من من وين المريخ !!!!!

وبعدين مثل ما قال أخي :

اقتباس:

المشاركة الأساسية كتبها المسفهل 22 لا وقفت عند الأشارة 00 ألا هذا رفيزك بجنبك 00 وهذا عمك عند الأشارة اللي قبالك 00 وهذا المدرس القديم أيام الأبتدائي يمر من عندك

وصدقوني سكنت الدمام : جيرانك واحد حساوي والثاني من الجنوب والثالث من الجوف
يعني زين إذا سلمتوا على بعض

سكنت الرياض : جارك سديراوي والثاني عسكري من الجنوب والثالث متسعود إلا ربع
يعني توّك تشوفهم

ماأقول شي في أحد منهم ولا أسب العز والفخر بتقوى الله

ولكن هذا الفرق بيننا وبن المدن الثانية إن أكثر أهل بريدة منها !!


وهناك بعض التهم تقال عن بريدة مثل . . وإلا بعدين




ويعطيكم العافية

[/-----]

المستشار لاتشطب راسي تكفى وش لمبته؟



اللي مولعه ؟


هيمو

هه ..
شللللللللللللق ..
هذا شاهد حي ..
و يقلون بريدة مهب ملاقيف ..


يا ويلي يا حنون ..
إنشطب راسك ..


يا ألبي أنا ما أدري الأشارة ولعت و لا أدري وش قال ..
هههههههههههههههههههههههههههههههههههههههههههههه




معنا للشرافة معنى أخر ..