شاب سعودي يصرخ إبعدوا عنا العمالة الوافدة!هل من مجيب لصرختة
 

[poem=font="Tahoma,4,seagreen,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياقصيبي لو سمحت وباختصار=قول وش قدم نظام السعوده

عند مكتبكم طوابير انتظار=كل يوم اعدادها متزايده

لاتقول ان المهن تبغي اختبار=ويشترط خبره سنين محدده

ومن نجح يبقي عليه الاختبار=والوظيفه بعد عامين ابيده

البطاله في تزايد وانتظار=والمطالب والشروط معقده

حلها واضح ولايبقي قرار=ابعدوا عنا العماله الوافده

وانا بحكي قصتي لك با عتبار=الكلام اللي براسي باسرده

كنت قبل العام بايع للخضار=اشتري وابيع دون الفائده

المحل مترين والايجار نار=والبضاعه كل يوم فاسده

الطماطم خاس واعدم لي الخيار=والبصل والثوم بيعه منكده

والزبائن عند جاويد افتخار=جاري الهندي تجيه وتقصده

ما بقي غير المرايا بالجدار=والمكيف والخشب والمنضده

قلت افكر أشتغل تكسي مطار=نحمد الله المهن متعدده

وابتديت الشغل من بعد الفطار=وانتهيت الليل بعد الواحده

منتحل شخصيه الهندي كومار=الشنب محلوق والراس افرده

والسبب اني سعودي ابن دار=حظي ماهو حظ هندي اسعده

ضايقونا من يمين ومن يسار=لعنبو شغل الشوارع محسده

الخصوصي يشتغل وضح النهار=لارقيب ولا مرور ايطارده

ولواصادف حرمه تحذفني بحجار=كنني أبليس فوق المقعده

وجمعت المال من بعد اللي صار=ويا حسافه يوم قمت اعدده

ما يكفيني مصاريف الصغار=والديون اللي بعقلي شارده

والفواتير والمعيشه والايجار=والعقل باقي قليل ونفقده

ويا قصيبي لو سمحت وبا ختصار=ابعدوا عنا العماله الوافده [/poem]

منقول

هيمو

هلا بالبي الحنون ..

يالبي القصيبي كل شركااااااته مابه سعوديين الا قليل ..
شاد حيله على هالمسااااكين ..

وحتى الشركاااااااااات الكبيرة ( اللي عليه الكلاام ) نظام السعودة عنده صفر ..
ولايقدر لا القصيبي ولا عشرة من اشكاااااله يسوي شي ..
لأنه لو يتكلم قصوا

أزعجنا بألول وقال ابسوي وابسوي .. وهالحين اكل تبن ..

هذا كفوه وزير للمجاري هالخرتيت هالخنزير ..

اسال الله ان يوفق صاحب الابيات وغيره من الشباب
واقول :
القصيبي كما نعرفه رجل عملي من الدرجة الاولى لكن نقول كما يقول الشاعر :
القاه في اليم مكتوفا وقال له اياك اياك ان تبتل بالماء

فماذا يفعل بالعمالة التي يستقدمها بعض المعازيب ويتركونها سائبة ؟؟

اسال الله ان يوفق صاحب الابيات وغيره من الشباب

مدحت وين ونااااااااااسه

المبتسم
خير مثال
القاه في اليم مكتوفا وقال له اياك اياك ان تبتل بالماء


التاجر

اللهم امين شاكر لك مرورك


هيمو

حنونو . .

إبداع هذه الأبيات وتشكر على الاختيار

لكن ليس الحل تقليص العمالة . . ولكن ضبط عملهم وتسيبهم وتضخمهم

ولن يستقدم التاجر أكثر من حاجة شركته !!

ولكن المشكلة من يستقدم لغير الشركة ويجعلهم فوضى يستأجر منفعتهم

حتى وصل الأمر !! أن بعض العمال يعطي الكفيل راااااتب !!!!!!!! . . هنا تقف ؟

. .


ويعطيكم العافية

قصيمي
حتى وصل الأمر !! أن بعض العمال يعطي الكفيل راااااتب !!!!!!!! . . هنا تقف ؟

هنا تبرك بعد موهب تقف وبس


هيمو