فقط انتظر ساعة وريع ... لتدخل على طبيب طوارئ الأطفال
 

السلام عليكم ورحمة الله وبركاته
إخواني الكرام
يأتي الواحد منا للطوارئ ( التي ليس لها إلا اسمها)
مستنجداً بالله ثم بهم لحالة مريضه
ثم نتفاجأ بالطوابير
ووالله ساعة وربع انتظرت لأدخل على الطبيب
ومعي طفلي يتقلب يمينا وشمالا
كان الله في عون ممن ابتلوا بمرض طفلهم
ولا يستطيع الذهاب للخاص
كان الله في عونهم
فمن يوصل هذه الرسالة للمسئولين بمستشفى الولادة والأطفال ببريدة
وللمعلومية فإن هذه الطوارئ لمدن منطقة القصيم فقط !!!!!!!!!!!!
والسلام عليكم ورحمة الله وبركاته

أخوي أحب بريده : السلام عليكم ورحمة الله وبركاته:
والله مقدر ما حصل لك وانتظارك من أجل الدخول على الطبيب ، لكن فيه مثل عدنا يقول ( ماتعرف قدرنا لين تجرب غيرنا ) ، أنا من الناس الي سبق لي نفس الموقف وربما جلست أكثر من الوقت الذي جلسته أنت بكثير بنفس المستشفى ، لكن عرفت الفرق والله يوم جيت لكنداء عرفت أن حنا بنعمه نحسد عليها ، راجعت ببنتي قبل يومين لمستشفى الطواري بكندا لان حرارتها (39) ، وياويلك لاجيت لمهم بالطواري قبل ماتدخل لازم تدفع فاتورة مقابلة الطبيب ( 390 دولار) قبل ماتدخل ثم خذ إنتظار تخيل أنه فقط مستشفى واحد مخصص لطواري الاطفال بالمدينه الي أنا فيها ( عدد سكانها 2 مليون) يعني كان قدامي تقريباً 12 شخص المهم انتظرت مايقارب ثلاث ساعات من أجل الدخول على الطبيب وكانت فيه ممرضه تاخذ الحراره على الاطفال والي حرارته فوق (40) يدخل مباشره ، واخرتها يقولي عندها حراره ويكتب لي بندول شراب وبس ، شراب البندول 42 دولار ، يعني كم كلفت الزياره تقريباً 432 دولار يعني سعودي 1320 ريال تخيل كل مارحت للطواري تدفع مثل هذى المبلغ أو أكثر على حسب العلاج ، مع العلم أني عارف أنها تحتاج إلى شراب بندول فقط لان عندها تطليع أسنان ، يمكن تقولي ليش مارحت للصيدليه تشري الشراب ، ابقولك ممنوع منعاً باتاً يبيع عليك الصيدلية أي علاج إلا بوصفه طبيه مما أضطريت أروح للطواري .( عليهم حركات )
بعدين أنا أذكر مستشفى الولادة عندهم دخول مباشر للحلات المستعجله ... أنا أقول هذا ليس دفاعاً عنهم لكن ودي تعرف أن مسألة الزحمات والانتظار في جميع مستشفيات طواري العالم ومستحيل تحصل مستشفى طواري في العالم مافيه انتظار الله لايحيجنا لهم ، وبعدين عندكم نائب المدير ابو فهد القسومي ، نعم الرجل ويتقبل الملاحظات التي من شانها رفع مستوى الطواري .
أسف على الاطاله لكن ودي تعرف وش معاناتنا في دول تطور الطب؟؟؟!!!!!!!!
أخوك ولد بريده.... وعسى ولدك مايشوف شر ان شاءالله

والسلام .

يارجال رح ابزع انت وسو تجارب بوليدك ازين مايسويبه حلاق مادري دكتور التجااارب!!


هيمو

ياولد بريدة...... السلام عليكم ورحمة الله وبركاته

يمكن كندا اللي أنت رايح لها.....في أدغال إفريقيا...!!

مع إحترامي الشديد لك....وللدولة اللي رحت لها..أرجوك

لاتقارن وضعنا بالآخرين...!!

وإذا حبيت تجد الأعذار...لمستشفى الولادة والأطفال...

تقدر تجيب عذر....آخر...وتقول هذه إمكانياتهم..!!

ولاتشرح لنا تجربنك بكندا...الله يخليك...!!

المواطنين ياولد بريدة...لديهم معاناة....كثيرة...من الطواري

وغيره من المستشفيات...!!

يجب عليك...أن تقول كلام يفيد...!! ياأخي بالله عليك....

تعال وقف مع صفوف المنتظرين ....وتأمل تلك المعانات...!

وبعدين....يصرف لهم ...هستوب...وأدول..!!

وإذا....مافيه أحد تعرفه....تشوف الويل...!!

لاتعال شف الممرضات...!! الله يعين الطفل...إذا

يبغون يعطونه....مغذي....أو يأخذون له تحليل...!!

تعال شف المحاولات...يخرمون اليدين والرجلين

ومايلقون الوريد....!!

والله ثم والله صارت مع طفلي هالحادثة..!!

حتى الأطباء ماقدرو..!! وبواسطات...ومحاولات

أحضروا ممرضة فلبينية....من القسم...وبثواني

تسوي المغذي والتحاليل...!!

أخي ولد بريدة...يجب تعترف...أن مافيه ممرضات مثل أول

ومافية أطباء..مثل أول....ومافيه...أدويه مثل أول...!

أما إدارت المستشفى..فهم مجتهدين ...لكن حسب إمكانياتهم...!!

قل كذا ياأخي...ولاتجيب تجربتك...بكندا...ولامندا...مالناشغل

إلأ بلدنا وديرتنا.....لأننا نطمح بالأفضل....ولأن إمكانيتنا...تساعدنا

نكون أحسن من غيرنا.....أرجوك ياولدبريدة.....قل خير أو أصمت..!

وفي النهاية....شكرا صاحب الموضوع...( أحب بريدة )

السلام عليكم :
يابو صليحان أنت شكلك مع الشيله ، شفت الرجال يناقش بموضوع دخلت بالعرض ، ألأخ : (أحب بريده ) ، يناقش فقط في واحد موضوع الانتظاربالطواري وانا فقط كان ردي على هالنقطة فقط ولا نتدخل بتقيم الطاقم الطبي ، وحنا موصلنا لمرحلة التقييم للاطباء والممرضين لان فيه ناس مختصين ومؤهلين لها ، وبعدين شكل معلوماتك كيف الحال .....تقول لاتقارنا بأحد أنا أقارنك بدوله تعتبر الاولى عالمياً طبياً ولي سبعة اصدقاء اطباء بيرجعونك لمستشفياتكم بالقصيم بعد مانتهوا من مواصلاتهم تعليمهم الطبي في كندا ،، وشكلك على معلوماتك تبي تقول يبجون يتعلمون بنا....صدق الي قال ....او تدري .
تصبح على خير بس

اخي الكريم بالنسبة لنا في السعودية نختلف عن اي بلد اخر بسبب الامكانات التي تتوفر ببلدنا ولله الحمد
لكن من المؤسف ان تذهب الى مستشفى كالاطفال وتجلس كل هذا الوقت الطويل تنتظر دورك
انا مررت بهذه المعاناة قبل يومين ولكن ماذا نفعل ؟؟؟؟
بريدة فيها نمو سكاني هائل وتحصر في مستشفى واحد وطبيبان فقط ؟؟؟؟؟؟؟
( يعني اكثر من نصف مليون ) في بريدة وتحصر في مستشفى واحد وطبيبان مع العلم ان جميع القرى والهجر القربية من بريدة يحالون الى هذا المستشفى ؟
ثم بعد ذلك يظهر من يظهر ويقول نحن احسن من بعض الدول .
انا اقول عنيزة وهي بالنسبة لبريدة حارة يوجد فيها من المستشفيات والمراكزاكثر من بريدة بكثير فلماذا ياأهل الصحة تفعلون بنا هكذا ؟؟؟؟؟؟؟؟؟؟؟؟؟؟؟؟؟؟؟؟

ياولد بــريـــدة.....يااللي....عايش....في كنــــدا....!

الإنتظار...حتى لوكان طويلا...مايهم..!!

الأهم يكون فيه....خدمات طبية...يجد المراجع...مايشعر

أن إبنة يعالج...!!

الرجال ياولد بريدة...يكونون...عند كلمتهم..!!

فهـل أنت عند كلمتك....وتقول الحــق...؟؟

أرجو أن تتصل...من كندا...على صاحبك أبوفهد القسومي

وتسأله....بصراحة...وتقول له....هل أنت راض.....عن التمريض

بمستشفى الأطفال....أو تتمنى الأفضل...!!

آســف...الدقيقة في كندا....42دولار....مثل قيمة البندول.....عندهم..!!

وماتقدر تتصل !!

المهم....لاتنسى تسلملي....على كندا..!!!

السلام عليكم
أحبتي الكرام
مادعاني للكتابة عن هذا الموضوع هو تكرر حالتي أكثر من مرة
ولأني أحب بريدة وأحب إن سمعتها توصل القمر من زينها طبعاً
أرجو إن خدمات المستشفيات عموما وخصوصا الطوارئ ( الأطفال )
ترتقي للأفضل وتسعى لإرضاء المريض
ونرجو من الإدارة اختيار الأطباء المهرة
وليس كما نشاهد وكما ذكر بعض الأخوة
من شكلهم وأسئلتهم عن المرض والمريض
تدري إن ما عندك أحد
والله المستعان
وشكرا لجميع الأخوة الكرام الذين شرفوا الموضوع وأثروه بما ينفع ويفيد
والسلام عليكم ورحمة الله وبركاته

أجل تخيلوا واحد أصبعه منتفخ يعطيه بندول .. مهاااااازل ..

يقـول أخـونا بالله ...ولد بريدة ...أحمدوا ربكم

البندوا بكندا..42دولار...!!

نعم الحمدلله ...على كل حال..!!