|
##(( معليش .. انتم اللي فشلتونا يا عيال القصمان ))##
اليوم انا مخربه مخربه :bad :bad المهم نوصل الفكرة لو بالأردو .. لأن الموضوع ما يتحمل تأخير ولا مجاملة .. وش رايكم باهل القصيم بشكل عام ؟؟؟؟ .. الجواب معروف وهذا بشهادة الكثير من الناس .. ان أهل القصيم من أكثر البلدان تمسكا بدينهم و بعاداتهم >>> هذا بشكل عام يعني لا يجين واحد بعد شوي يرد علي و يجيب لي قصص و حكايات :eek5 ... لأنه لا بد من الشواذ ..و الاستثنائات... نرجع لموضوعنا .............................. تصدقون ان بعض الناس يسمي الفلوجة (( بريدة العراق )) و يسمي صلالة (( بريدة عمان )) و يسمي الشارقة (( بريدة الامارات )) .. لأن هالمدن هي اكثر المدن تدينا بالنسبة للمدن المجاورة .. المقصد من كلامي أن هالقصمان ... الله يصلحهم فشلونا (( بمكة )) ........ خابرين مكة مكان للعبادة و مكان كما انه تضاعف فيه الحسنات كذلك تضاعف فيه السيئات .. ثمن يجونك هالمهابيل ... يقطعون المسافات و آخرته طاقن هالجنز ولا و البرمودا ولا هالسترتش الضيق ... و لا غير همن عاد شف البلاوي وقلة الحيا ... وييييييييييييييييييييين المهابيل يعقلون بهاك الارض أما بعض الناس .. ما تركبه شياطينه إلا بمكة .. والله شي يقهر :i121 :i121 أكا اليوم شفت أجانب (( ما حصلي أسالهم منين هم جايين )) <<<>>الله من الشرافة يحول يوم دخلو المسجد الحرام ... خرررررررررررررروا سجدا لله ولا تسمع إلا صياحهم ... أنا تأثرت من هالموقف و بغيت أدخل و اشاركهم الصياح ... :( :( قلت :i125 ياولد اطلع بس و احمد ربك كلما بغيت مكة دقيت له سلف و جمعت لك مك واحد من الربع و قطيتوا ... يوم طلعت مع باب الملك فهد مير اشوف البناطيل و قلة الحيا و العلوم الردية و المشكلة قدام بيت الله :i121 قلت ياولد مالك إلا ترجع للي تو يصيحون و تصيح معهم :( بس لحد يشوفك :eek: ... المهم هو هالسؤااااااااال كيف نقضي على هذه الظاهرة .. لأنها مع الأسف الشديد تزداد كل سنة ؟؟؟؟؟؟؟ طبعا فيه غير القصمان ... لكن الحظ الأاوفر للقصمان ... اخيرا : تراي من (( القصمان )) :p يعني لحد يحسبن بنقالي :D ************************************************** **** أخوكم الصمصام |
حينما يأتي النقد .. من اخ عزيز .. فأنه يُقبل حتى ولو كان قاسياً او جارحا ..
وهذه رسالة لمن ينقد لأجل الاثارة فقط .. اخي الصمصاااااااااااااام .. هذه الظاهره تتكرر كل سنة .. وتناقش .. ولكن لاحياااااااة لمن تنادي .. أنا ما ادري وين اهلهم هذولا حقين الجنز والخكر .. سبحااااااااااااان الله وشواله الكشخه عند الحرم .. ( اكيد فيه سر ) والسر معروف .. ومايحتااااااااااااج ينقااااااااااال لأنه يفشل اكثر .. ياليت هالشياب اللي يروحون يعتمرون يقضبون ارضهم .. والا يربطون عيالهم ببيوتهم الين يرجعون .. الصراااااااااااحة قلة حياء وقلة ادب .. ناس ماتربت واهلهم اللي مفلتينهم ماتربوا بعد .. والا كيف يسمح لهالسفل بمضايقة النااااااااااااااااااااس .. بأطهر بقعة .. ولاحول ولاقوة الا بالله .. شكراً الصمصااااااااام .. |
كلامك يا اخ : الصمصام
كلام صحيح واقع واشكرك على حرصك على اعيال القصيم والسبب الاول والاخير هم اهلهم وبلاخص الاب وراى مايقضب ولدة معة وين ماراح وجى واذا كان ماهب قادر علية يخليه بديرته ازيلة والملاحظ ان اكثرهم هم من المراهقين فنسأل الله لهم الهداية ولابد كل واحد يشوف هذا ينكر عليهم لانهم اخوي واخوك تنبه ( راس الخيمة هي بريدة الامارات ) وشكرا على الطرح الهادف والصادق |
السلام عليكم ورحمة الله وبركاته ..
الحمدلله على السلامة وصدقني لم أعلم ولا تسان رحت معك >>>>> :p :p ثانيا : العام رحت أنا والوالد لمهم ماندري وش السالفة يوم درينا ويطبون هواش مع هالحجز الصراحة أني زعلت وفرحت زعلت لأنهم فشلونا عند الي يسوا واللي مايسوا :oo وفرحت علشان بعض الشيبان ولا غيرهم أشغلونا شباب بريدة ماهنا زينهم وشباب الرياض فسّق .. :i125 :confused: الصمصام شكرا لك ياصديقي العزيز :D : 12 سلااااااااااام : 12 |
صدقت والله فيما قلت .
ولكن ياصمصااااااااام برئيك ما الحل؟؟؟ |
مقبول السعي 00 والحمد لله على السلااااااامة أخوي الصمصاااااااااام 00
الظاهر أن موضوعك ما له علااااااااااااج بتاتا ==== سيبويه يتحدث 00 المشكلة يا جماعة الربع مهب بالأبو أو الأخو الكبير 00 المشكلة أن بزاريننا لو ما راحوا مع أهلهم يروحون لحالهم 00 وتلقاهم لا راحوا مع أهلهم ينومونهم معهم 00 ثمن لا أنتصف الليل فز هالعربجي وراح لعرابجته الله يهديهم 00 أذكر عرابجه طلعوا من بريدة طبعا رايحين لمكة مهب للعبادة لا والله ألا للفسق والله يا جماعة يحاتسين واحد منهم يقول أننا نمر من عند الميقات ونضرب بواري 00 ويدخلون مكة بدون أحرام 00 لكن ما نقول ألا الشكوى للي يقوى 00 والله يهدينا وياهم 00 ويجعلنا فتسرين محنب شامتين 00 تحيتي لكم 00 |
أخوي مدحت .. الشيبان و العجز يحول يقعدون بالحرم يذكرون الله و يتعبدون .. وتاركين عيالهم .. يتسكعون و يو ذن عباد الله ... الاجانب تضايقوا من عيالنا ... بعض الشباب يجيك من القيصم ماعمره طق البدلة و يمكن ما يعرف يلبسه .. بس لا شاف عيال عمه وعيال خاله ... سوا مثل مايسوون ... راح وشرى بدلته من مكة .. ولبسة وتلقاه ما يتعدا هالسوق ... المشكلة ان كل الشباب سعوديين .. شف حقين الكويت ولا الامارات ولا البحرين ولا قطر ولا مصر ولا غيره .. تلقاهم لا جو لمكة انضبطوا وعدلوا امورهم .. أما عندنا يخربونه الله يخلف .... و لا قدروا هالنعمة اللي هم به و يتمناه كل مسلم بالحج اللي راح شفت عجوز هندية ... من خلال الاشارات فهمت انه تقول (( أنه قاعدتن تجمع فلوس الحج من يوم عمره عشر سنين )) ....................... ياليت شبابنا يعون ... الله يصلح الجميع ************************************* أخوك الصمصام |
اخوي فارس بريدة ... الشايب يحول يشوف ولده بديرته ما هنا سنع منه .. ويجيبه لمكة معة (( لأنه مامثله ))!! ومسالة انه يقضبه هذي ما كلن يقبلة من الشباب .. اما مناصحة الشباب .. فهي فكرة ممتازة لكن أكثر الناس يجحي لمكة عشان يقعد بالحرم .. و أعجبن شغل الهيئه هناك (( بشركة مكة )) .. يقولون أنهم لا أخذوا ما اخذا مسكولهم كم واحد من الشباب و مصطوا ظهورهم قدام الناس .. بس كالعادة الهيئات عددهم قليل ولا هب متواجدين بكل وقت وبكل مكان .. (( و هم معذورين )) لأنهم يالله يالله يلحّقون ... شكرا على نبيهك الغالي ......................... يالغالي :) *********************************************** اخوك الصمصام |
خوي السورو.......................ر حلوة ((الحمدلله على السلامة وصدقني لم أعلم ولا تسان رحت معك)) >>>>> الظاهر ان اللي مدرسك لغة عربية سيرلنكي :D نصيحة لا بغيت تروح لمكة حاول تبعد عن شركة مكة ولا تمر من عنده عشان ما يوجعك راسك من كثر المصايب اللي تشوفه من عيال ديرك .... على العموم ........... شكرا لك انت يا صديقي العزيز :D :D *************************************** أخوك الصمصام |
طالب الفردوس .. أنا طارح هالموضوع عشان كل واحد يجيب اللي عنده من الحلول .. لأنه فيه حلول مقدور عليه و سهلة مثل الحل اللي جابه أخونا المشكور (( فارس بريدة )) فيه حلول كثيره لكن تبي مشاركة مني ومنك ومن كل الاعضاء مثلا من الحلول أنه تعرض المشكلة على الجهة المسؤولة .. و يطلب و جود مكثف للهيئات .. و أنه يعطون بعض الصلاحيات .... و من الحلول ... التوعية لأن الوقاية خير من العلاج ... والباقي ننتظره منك من ومن باقي الاعضاء .... ************************************************ أخوك الصمصام |
السلام عليكم ورحمة الله وبركاته أخي ( الصمصام ):
... هؤلاء الشرذمة لا ينفع معهم إلا رجل واحد : ألا وهو : الحجاج , لأنه سوف يقتلع رؤوسهم واحدا تلوا الآخر , والذي سينجو من الموت , سيبقى بقيت عمره لا يستطيع حراكا , هذا رأيي في الموضوع , لكن أن أفادنا أحد الأعضاء بحل آخر فقد يتغير رأيي إلى : أن حلهم الأول والأخير هو الحجاج.. محبكم. |
المسفهل ... الله يسلمك و يبارك فيك ... :) العلاج موجود (( و ما أنزل الله من داء إلا وأنزل له دواء علمه من علمه وجهله من جهله )) عندنا اكثر من حل ... لكن هنا نايمين .. توقع اللي يجي لمكة ويشوف هالشباب وش يبي يقول عنهم لا رجع ؟؟؟ هالشباب يحسبون شيبانهم مايدرون عنهم .... صحيح ان البعض مايدري عن عياله .. لكن وراه ما يعلمون الشيبان عن هالظاهرة .. و يبين لهم وش اللآثار اللي يمكن تصير عقبه .. عشان يصيرون على بصير و يبدون يحتاطون ... كم مرة يجي سؤال للمشايخ اللي يلقون الدروس بالحرم عن هالمشكلة ... كثير جدا ... و مع ذلك مافيه احد تكلم عنه بشكل رسمي ... نعم فيه مشايخ يتكلمون عنه بس إذا جاهم سؤال .. وغذا ماجاهم شي ماتكلموا ... ربما يكون بعض العتب على الأب ... لكن أيضا هناك عتب على من يعلم ولا يخبر الاب .. شكرا عزيزي :) ************************************************** ************ اخوك الصمصام |
لاااااااااااااااا الصمصام تكفى مانب ناقص بغيت اتذابح انا وواحد من ربعي عشان السالفة ذي يقولي وخلوني اكون صريح معكم بلفظها مع انها كلمة تدل على قله حيا
(القصيم اكثر مناطق المملكة به دلع )<--- وش رايكم الكلام ذا صح لالالا هذا اللي انا اشوفه بس للأسف ما اقدر احلف لان عندنا بالرياض مشوهين القصمان السمعه الكل يدري ان القصمان اكثر الناس التزام بس بعد المنتشر عند اوساط الشباب بالرياض ان القصمان مليان ناس منهم دلع اسف اسلوبي وقح وقليل حيا واخطيت على القصمان مع اني قصيمي بس مهب انا اللي اتكلم الواقع اللي منتشر عند اهل الرياض يتكلم والسبب (الجنز) الله ياخذ بليس من اخترع الجنوز |
صدقت والله..
الحل هو-- أن كل ولي امر يمسك رعيته وينتبه لهم .. هذا رأيي.. |
| الساعة الآن +4: 09:44 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.