هلا بالشباب هلابكم وياهلا .. <<((== وش عنده خلف العتيبي يبي يشلع بقصيدة ..

تدرون الناس هابيين بالحمامات الافرنجيه ..
يحطون لك حمامات افرنجيه ويحطون بااااااااانيو ..
تبون الحقيقة .. والله ماغير يضيقن علينا وهن مالهن داعي ..

لكن فجاءة <<((== تدري ان وده يقول فجاءة والا هي ماله دخل ..

وفجاءة وفي يوم من الأيام سافروا اهلي .. وأخذته فرصة ..
فقررت اني اعبي البانيو .. واسبح فيه ..
وفي ليلة من الليالي وأنا راجع من استراااااااااحة ..

فدخلت الى الحمام وفتحت البزبوز وقعدت اعبي البانيو ..
ولايفوتكم لابس سروال سباحة .. ( لاتشرهون اول مره يسبح بالبانيو )

تعرفون عااااااااااد الحمام الافرنجي فيه كرسيين لقضاء الحاجة ..
واحد منهن فيه زي النافورة ..
والله افتح هالنافورة علشان يطلع الجو رومانسي عندي نوافير وحركات ..


عااااااااااااد ماشاء الله امتلى البانيوا .. وصار شكله يغري .. :D
والله وارقى فوق البانيو واقمز واطب بوسطه .. ويطلع نص الماء .. :D
وارجع وأعبيه ثانيه .. الين امتلى ..

قلت ياولد لاتطب .. اقعد بآخره وتزحلق ..
واجيك موشح واتزحلق بوسط البانيوا .. :D :D :D
مادريت الا رجليني صابخات بالدش وطاح الدش على اللمبه وانكسرت ..
وصار الحمام ظلام والله النشبه .. :eek:

عاااااااااااااااااااااد قلت احسن السباحة بالظلااااااااااااااام تقوي الجفون .. :D

وما امدان اقوم ابتزحلق ثانيه .. الا ويدقر ظهري بالبزبوز .. ويحك ظهري حك ..
ويطلع البانيو من الدم تقول توت ..
وش هالسبااااااحة الحمقى .. مالي الا اطلع بس من الحمام ..
ان ابطيت شوي يمكن ينهد الحمام من كثر حوستي ..

( أنا ما ادري وشلون هالاجانب يسبحون بوه )

عااااااااااااااااااااااااااد قمت من البانيو بديت اتلمس ادور الباب وأنا ارطش من المياهه ..
مادريت الا انا صابخ بالكرسي الافرنجي وجايك ملوي على خشتي بالمغسله ..
يعني مريت على اقسام الحمام كلهن غصبن علي ..

وفجاءة لقيت الباب .. وأفتحه وعلى الحمام العربي .. وانسدح تحت الدش انسداح ..
قلت ياهلا والله بلا بانيوا بلا خرابيط .. هذي والله الوناسة ..
تندعس تحت الدش وتسبح وتنشد وأنواع الوناسة ..

حاله الله لايعيده من سباحة بالبانيوا ..
تصدقون ان الجيران بغوا يتصلون على الشرطة يحسبون بالبيت حرامي من كثر اللجه والخترشه ..

عقبه حرمت ادخل هاك الحمام ..

عاااااااااااااااااااااااد ياشباب .. من قد منكم سبح بالبانيوا ..