كيف تستطيع التعرف على أعمار شيبان المنتدى مثل (مدحت ؛ الإعصار ؛ المستشار...ألخ)
 

السلام عليكم ورحمة الله وبركاته

أحبتي هذه بعض الحوادث التاريخية في بلاد الحرمين من عام 1308هــ

تستطيع معرفة أعمار جدك وجدتك إن كانوا عاصروا تلك الحوادث...

وكذلك من المؤكد تستطيع معرفة أعمار شيبان المنتدى مثل مدحت المستشار الإعصار...ألخ

سنة المليداء 1308هـ

سنة الشنانة 1322هـ

سنة البكيرية 1322هـ

سنة روضة مهنا 1324هـ

سنة الطرفية 1325هـ

سنة المجمعة 1327هـ

سنة قتل الهزازنة 1328هـ

سنة ساحوت 1328هـ

سنة فتنة الحريق 1328هـ

سنة حادثة الصفيحة 1328هـ

سنة الجوع 1328هـ

سنة سيل أبورفيع 1328هـ

سنة وقعة وادي الرشا 1328هـ

سنة وقعة غال 1329هـ

سنة الفقع 1329هـ

سنة بقعاء 1329هـ

سنة الصحن 1329هـ

سنة أول هجرة بنيت 1330هـ

سنة وقعة دخن 1330هـ

سنة مذبحة هديب 1330هـ

سنة الجصة 1330هـ

سنة حادثة المجمعة 1333هـ

سنة جراب 1333هـ

سنة الرحمة 1337هـ

سنة الجهراء 1339هـ

سنة حادثة أم طار 1340هـ

سنة الجرب 1340هـ

سنة ربيع النصية 1340هـ

سنة مؤتمر الرياض 1342هـ

سنة حاثة الروضة 1343هـ

سنة المحمل المصري 1344هـ

سنة البرد 1345هـ

سنة ذبحة أهل البدايع 1347هـ

سنة ذبحة جبلة 1347هـ

سنة السبلة 1347هـ

سنة خبارى وضحى 1348هـ

سنة نجران والسليل 1350هـ

سنة السلمية 1351هـ

سنة حرب اليمن 1352هـ

سنة حادثة العفجة 1352هـ

سنة السليل وقحطان 1353هـ

الملك عبدالعزيز بالقصيم 1355هـ

سنة القرش السعودي 1357هـ

سنة الجدري 1358هـ

سنة جبار 1360هـ

سنة الشهاقة 1360هـ

سنة السليل وقحطان 1363هـ

سنة الدباء 1364هـ

سنة خريف 1364هـ

سنة الظلمة (كسوف الشمس) 1371هـ

سنة الهدام 1376هـ
-------------------------------------------------
ومن له إضافة فليضعها أو من له سبب وقصة تسمية السنة

تحياتي العطرة..
د. طير غيمار

شكلك يالمنخرش من سنة الساحوت هه ;) <== أموت وادري وش معناه

موضوع رائع جداً جداً أخوي طير غيمار

موضوع جداً رائع
ألاحظ المنتدى فيه طاقات كامنة
وفيه أخصائيين ودكاترة تاريخ
هههههههههه
عاد لا تصدق بالحيل
اعود واكرر ألف شكر

واووووك يعني مدحت مولود عام 1344هـ

واوووووووووك يعني عمره 82 سنة

حسبي الله ونعم الوكيل

السلام عليكم ورحمة الله وبركاته

شكر خاص لجميع من أطل علينا

والشكر الخاص لكل من:


أبو محمد النجدي
-----------------------------------
سنة ساحوت يالمجرم

الله يغفر لجدك صالح
======================
أبو همس
----------------------------------------
أنت أرووووووووووووووع ياقليبي

شكر خاص
=======================
الزورق
----------------------------------------
أزهله بالنسبه للتخصص

تبي أعلمك أي سنه أنت مولود

أنت مولود بسنه جراب

صار منجم

شكر خاص
=================
التويجري
------------------------------
شكر خاص لمرورك

وترى مدحت السنه ذي قدام الاعلام بس

ولا أكثر
--------------------------------------

شكر لجميع من سير على الموضوع


تحياتي العطرة
د.طير غيمار..

طير غيماااااااااااار ..
ياشين اللي يذاكر تاريخ سادسة ( ب )
يقولون انه يؤثر عليك على طول ..

طبعاً الجميع يسألأ عن سنة الشهاقه .ز
هذي اتوقع ان هاك السنه كانوا الناس يمشون ويشاهقون ..
تخيل تمشي بالشارع ويقولك واحد السلاهع ـم عليكم ورحمــ هع ــة الله وبركاته ..
وتقوله انت .. هلا بالهع بي ..

اما سنة حدثة ام طار ..
فهذي يقولون انه بعرس وانشق الطار حق الطقاقه ..
وهذي اول مره ينشق طار بالعروس .. وسميت هالسنه سنة ام طار ..

يالبي اطير غيمار ..
اذا ذاكرت مره ثانيه تاريخ .. لاتدخل المنتدى على طول ..
يبيلك تروح تنام لك شوي ..


وناااااااااااااااااسه ,..

ظننت نفسي أني من تواريخ هذه الحوادث
وعلى طاري سنة الفقع يذكر لي الوالد شفاه الله

كانت مثل حجم البطيخ


وأكرر شكر ي وتقديري لك يالغالي
وسجل بأعجابي بك

اتوقع أصغر وحد من شيبان المنتدى عمره 70 وهو الإعصار والمستشار التوقع عمره 85

ومدحت شوقي التوقع عمره 90 والله أعلم

صراحه موضوع جيد وتحيه معطره بالورود لكاتبه

أشــوا ما جا لي طاري ,,
عاد أنا توي شــباب ,,

مدحت شوقي بريده
-------------------------------
هلا بك يالغالي

تبيك سنة الشهاقة تبي تعطل الكثير من شغلنا

وسنة أم طار أنت شكلك يالله دخلت عند الحريم

وتراي خلاص أتوب منب مراحع تاريخ سادسه ب أبراجع حق سادسه ج

تشكر على مرورك يالغالي .




الإعصار
----------------------------
حياك الله

لو مايجينا منك إلى أنك علمتنا سبب تسمية سنة الفقع

شفا الله والدكم وبورك في عمره ورزقتم بره

وشكرتم على المرور .




ابن الإسلام
-----------------------
تحايا معطرة تنقل إليكم

وشكرتم على المرور .



حفيد اعقيل
----------------------------
مانجيب طاريك أبد لا تخاف

لأننا مانجيب طاري اللي أعمارهم بالستينات والخمسينات

تشكر على مرورك ياقليبي .


الشكر موصول إلى كل من سير ورحل


تحياتي العطرة..
د. طير غيمار...

والله التواريخ هذي نحتاجها كثير عندما يتكلم كبار السن عن الاحداث التي جرت عليهم ...


تم طباعة الموضوع .....