|
المشيخه ماهي بشـوت وملاييـن
قصيدة اعجبتني وفي معناها اذهلتني حيبت انقلها لكم
قايلها يقولون انه ابو محمد من ابو محمد مدري لكن المهم هي القصيدة المشيخه ماهي بشـوت وملاييـن وختمٍ طلـع بالواسطـه والميانـه ولاهي بنشرالكذب وسط الدواويـن والفخفخـه والفشخـره والخيانـه ولاهي بنفخ الصدر عند السفاهيـن وتظاهر انـه صارعنتـر زمانـه واللي تصيقر وهو ضمن الكراوين ختمـه ومايملـك يزيـده مهانـه بكـره لياجـا للمواقـف براهيـن وكلٍ علـى فعلـه يقـدم ضمانـه تبي تكشف كل الأوضـاع وتبيـن ويعض منهو محتـزم بـه بنانـه لا جا التناقش وانبرى الجيم للسيـن يرسب من اول يوم عنـد امتحانـه ينشب لسانه فاللقـاء بيـن لحييـن ويـروح بأفـواه العـواذل لبانـه المشيخه صبرٍ على العسر والليـن وبذل وعطا واخلاص ذمه وامانـه والمشيخـه للـي يفـل الجناحيـن ويضف ربعه في وفـاه وحنانـه والمشيخه صد الخصـوم العنيديـن والحـزم والشـده لقـوم اللعانـه وان ثار عج المشكله بين خصميـن يبـرك وعشـره ماتعـود ثمانـه والمشيخه بـذل الكـرم للكريميـن وبيتٍ تعرفه قبـل لايقـال عانـه وعطفٍ على المحتاج ومغربل الدين وصيتٍ طغى مسكه على زعفرانـه شيخة شرف ماهي بشيخة وراعين شيخة كريم المجـد جـود عنانـه حكيـم ينصونـه قـرومٍ حكيميـن يستأنسـون لحكمـتـه ولبيـانـه سوالفه تشرح صـدور الحزينيـن والصدق والحكمـه عوايـد لسانـه مجده مورث من شيوخٍ عزيزيـن سـاسٍ وثيـقٍ ماتزلـزل كيانـه هـذاك لـو مايملـك إلا رياليـن له في قلوب الناس قـدر ومكانـه صيته يشرف عند الأدنى والأقصين ودايم بفعل الطيب كاسـب رهانـه لامر ذكره قالـو النـاس نعميـن وجـهٍ يزينـه الرضـا والديانـه يغنيك عن شوفة وجيـه الشياطيـن عبـادة الدينـار روس الخيـانـه وش عاد لو حطو ختوم وملاييـن مال الردي نقـصٍ عليـه ومهانـه |
اقتباس:
سامي المحيميد :،:،:،:،:،:،:،:،:،:،:،:،:،:،:،:،:،:،:،:،:،:،:،: http://drr.cc/11/000.gif A B R R A I D |
صح لسانك لافَض فوك أيها القائل ولك الشكر أيها الناقل .. |
صح لسااااااااااانك يالبي ياسدااااااااااف ..
يالبي القهر انك تقول لأبن جبرين الشيخ .. وصالح كامل الشيخ .. والله فرق السماء عن الأرض .. والا تقول لسلمان العوده الشيخ .. والوليد ال ابراهيم الشيخ .. وش جاب الثرى للثريا .. وناااااااااااااااااااااااااااااااسه .. |
*** قاالت ترى منت بحلو قلت رجـال والزين ماهو من شروط الرجوله الزين يلقى عنـد لباسـة الشـال والرجل زين ان كان زانت فعولـه قالت علامك تلبس شماغ وعقـاال انت بدوي؟ قلت بدوي ومن حموله ما ألبس بناطيل لها الوان واشكال وامتر الشاارع بعرضـه وطولـه قالت اجل راعـي معاميـل ودلال شرب القهاوي تحسبونـه بطولـه كيفي يابنت الحضر دلـه وفنجـال وحليب خلفـه بالمـراح معقولـه وحب الكرم والجود وعلوم الابطال مغروس فينا من زمـان الطفولـه قالت ترى بنت البدو حظهـا مـال قلت احذري حذرا تكوني جهولـه بنت البدو يابنت مضرب للامثـال فووق الجمال وطاعة الله خجولـه ماحطة اصباغ ولا حطـت ظـلال ولا سيرة بالسوق سيـر مهبولـه هي مهرة تصعب على كـل خيـال وانتي ومثلك عسفهن بالسهولـه قالت تغزل بي وشف حبة الخـال ناظر عيوني والرموش الكسولـه قلت العفو مايجتمع حـب وهبـال ولكـل ذوق فالمزاييـن جـولـه قلتي وقلت وكلمة الصـدق تنقـال الزين ماهو من شرووط الرجولـه |
اقتباس:
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!! صح لسانك |
والله كلام
والله وين اصحاب المساهمات يسمعو |
كلام جميل
أدام قالوا إن القائل أبومحمد وفيه البيت اللي ذكر أبورائد ! فأنا أضم صوتي لصوته خاصة الشيخ محامي ومشاكله كثيرة مع المشيخة الثانية ! ههه |
رائعه من الروائع .. لافظ فوك
|
| الساعة الآن +4: 04:12 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.