بريدة ستي - الو : وين العميد حجاب

ــ الو : وين العميد حجاب

ــ هلا بك ياللواء شباب
وش الاخبار..

ــ بسرعة داهموا يالله
ثلاث أوكار للإرهاب

ــ ثلاث اوكار ..اه
ياستّار !!
على أمرك ..

ــ بسرعة حضّروا عندي الملازم نور

ــ هلا بك يالملازم نور :

ــ هلا بك يالعميد حجاب

ــ بسرعة داهموا يالله
ثلاث اوكار للإرهاب

ــ ثلاث اوكار ياستار !!
على أمرك ..
انا طالع توصي شي
عميد حجاب ..

ــ في حفظ الله
ولاتنسى تصك الباب

***

ــ الو : أهلين رقيب حسين

ــ هلا بك يالملازم نور

ــ أبد ابغاك تاخذ لك
ثمانيا جنود ..
وتروح الحين
للمحدود
بسرعة داهموا يالله
ثلاث اوكار للإرهاب
ولا تنسى العريف : عقاب

ــ على امرك .. توصي شيّ

ــ سلامتكم ..

ــ سلامتنا !!

*** وعقب ساعات ***

ــ الو أهلا ملازم نور

ــ هلا بك يالرقيب حسين
وش الاخبار ؟

ـــ ذبحنا كل ابو الاشرار
ولكن العريف عقاب
وقع منصاب
وصالح قاتل باصرار
وصابه نار
وأما سرور
قتل منهم ثلاثة بس
جاه كسور
وأبو منقاش
في الانعاش
وعبدالله ..ه

ــ يكفّي بس
وطنا كلنا فداً له
عن اذنك يارقيب حسين
مدامي عندها موعد مع الدكتور
في دلة !!ه

*** ومن بكره ***

ــ الو : أهلاً عميد حجاب

ــ هلا بك يالملازم نور

ــ أنا مدري تصفحتَ الجرايد أو ...

ــ وش القصة ..؟؟

ــ أبد فيها خبر منشور ...

ــ وش نصة ..؟؟

ــ "ثلاث اوكار للإرهاب
تسقط في يد الامنْ
بقيادة العميد حجاب "
ومعه منشور
صورة لك
وصورة لي
وصورة للواء شبّاب !!