|
شين وقوي عين
بسم الله الرحمن الرحيم ...
يمشي بسرعه جنونيه ويقطع الإشاره ويتكلم على الي يطلعون في وجهه والإشاره لهم خضراء ((شين وقوي عين )) ... يعزمك على العشاء في أحد المطاعم وبعد العشاء تشوفه يتهرب من دفع الحساب وتضطر لدفع الحساب أنت ((شين وقوي عين )) ... يتكلم عن الدين ويتهم الإسلام أنه سبب التطرف وهو مايعرف أركان الصلاة كاملة ((شين وقوي عين )) ... يحب طلعات البر والسفريات ودايم يقترح على أخوياه أنهم يطلعون ويروح محفول مكفول ومايدفع في الطلعه ولا ريال ((شين وقوي عين )) ... يصدم موترك في مواقف للسيارات ويجيب ورقه طولها متر في متر ويكتب كلمة أسف كبر النمله ((شين وقوي عين )) ... يواعدك ثم يجحدك ويركبك حق ((شين وقوي عين )) ... ياليت تكملون روشتة شين وقوي عين ... وان طرى شي جيت وكتبته ... مع السلامه ... |
تتصل عليه ومايرد عليك ،،
وبعد كم اتصال يرد وهو ينافخ ،، تقول ترى أبمرك ،، تروح وتتنظر نص ساعة عند باب البيت ،، ويجي وهو ينافخ ،، يركب معك وينافخ ،، تتمشى معه يقعد يدبر وهو ماله دخل ،، وينافخ ،، ياكل ويوصخ سيارتك ،، واذا قلت له لا توصخ السيارة ينافخ ،، وينافخ ،، وينافخ ،، وينافخ ،، وتستمر المعاناة وهو ينافخ ،، (شين وقوي عين) ،، ودمتم سالمين ،، |
تأخذ منه موعد يبي يجي ـ طول الله عمره الساعة كذا ـ و يتأخر على الموعد ساعة و أكثر (( شين و قوي عين ))..
يركب معك بالسيارة و يبداء يدهر باللقافه [ أرفق ، لف يمين ، شف ر اعي الكابرس قدامك ، إنتبه هذا خطم ... الخ ] مع العلم أن رخصت القيادة حقك أكبر من عمره ((( شين و قوي خشم !! )).. يأمر الناس بشي و لا يأتيه .. (( شين و قوي عين )) .. ينهى الناس عن شي ء و يأتيه (( بجيح حجم عائلي )) .. !! |
تعزم الرجال 00 وتلزم عليه 00 وإذا قاله أحد وين تبي تروح 00 قال أبروح لواحدن عازمن 00 أشغلن إشغاااال 00 وأنا والله منيب فاضي له >> شين وقوي عين 00 تتوسط بالمشكلة وتحاول تحله 00 وبعض الأحيان تفك الهوشه 00 ويقول لك 00 أنت وش دخلك >>> شين وقوي عين 00 تمر من عنده وتسلم عليه تسليمة الأخوه الإسلامية ويناظرك بطرف عينه 00 ويقول 00 وش يبي ذا >>> شين وقوي عين 00 تحيتي لكم 00 |
| الساعة الآن +4: 11:28 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.