أمي و أختي يصرخن بصوت واحد :: من نصب الجوهرة الوابلي لتمثل نساء القصيم ؟ :: (صورتها)
 

http://www.buraydh.com/forum/attachm...id=17019&stc=1
الصورة : قصاصة من جريدة الوطن : الأثنين 17/11/1426هـ العدد 1937 صفحة رقم 34 - منتدى المرأة

يوم الأثنين الموافق 17/11/1426هـ عندما دلفت إلى البيت أحمل لبني المفضل نجدية _ دعاية مجانية _ وصحيفتي الوطن والإقتصادية رميت الصحفيتنين على الأرض وطبعاً لابد أن أبدأ بجريدة الإقتصادية _ علشان أتابع أخبار الأسهم طبعاً _ أنهمكت في قراءة التحليلات و الأخبار الإقتصادية وفجأة وإذا بأختي بجانبي تصرخ بكلمات لا أتذكرها المهم أنها أفجعتني قلت " وش السالفة "


قالت : شف مديرة جمعية الملك عبدالعزيز النسائية حاضرة حفل سامي الجابر ولابسه حجاب الكف والحفلة به موسيقى وإختلاط وبلاوي

قلت له : طيب يا أختي هي حرة يمكن أنه ترى القول بجواز لبس حجاب الكف


قالت أختي : هي حرة ترى لبس حجاب الكف تسوي اللي تبي أنا مالي و ماله لكن اللي أنا أعترض عليه أنه تروح تحضر حفلة علشان تعيين سامي الجابر سفير للنوايا الحسنة و الحفلة كله رقص و موسيقى وإختلاط وكل هذا تسويه وهي كما هو معروف من تمثل نساء القصيم يعني هذي نقطة إعتراضي ..

عاد أنا ما صدقت خبر شفت أختي معصبة قلت فرصة أرد له بعض حركاته : قلت إيه يالنصراويين : " اللي ما يطول العنب كيف الحال .."

عاد أمي حطت الغداء سمعت صراخنا دخلت بالموضوع .. قلت عاد وشلون أبشرح لأمي السالفة .. قلت مالي إلا أكمل قرأيتي الجريدة وأخلي أختي تتولى الشرح ..

والله شوي .. شفت أختي جادة بالموضوع وبدأت تتكلم عن هالحرمة وأنه الحين كل مدينة يرشحون مجموعة نساء يمثلونهم بالإجتماعات و الحفلات الرسمية و منتديات الحوار والحين حنا عندنا أشياء كثيرة لازم المرأة تشارك به .. وأنه إذا حنا خلينا مثل هاذي هي اللي تمثلنا راح تتكلم بأسمنا و تقرر بأسمنا وحتى تعيش على أسمائنا .. وأنه مثل هالحرمة ما وصلت لهذا المركز إلا بتقديم أنواع التنازلات وفيه عشرات من الحريم أفضل منه بجميع النواحي ... ومن هالكلام ..

الزبدة والله و أعجبن شرح أختي لأمي .. قلت ياولد الموضوع جد .. ماله داعي تصير أختي قدام أهلي أنه أكثر ثقافة من ..

رجعت وقفلت جريديتي الإقتصادية ودخلت معهم بالسالفة .. والحين أول لازم أرضي أختي علشان يعطونن وجه ..

قلت لأختي والله إن كلامك عين الصواب .. الموضوع هذا جد .. ولازم حنا نوعي الناس بهذا الموضوع .. وقلت له أنا أوعدت إني أنشر هالصورة بالإنترنت وأعلمهم وش تسوي اللي تمثلهم مستأنسه بهالموسيقى والرقص و إختلاط وتصرح على كيفه وكل ذى بأسم أهلنا وأخواتنا .. القوي يأكل الضعيف .. دكتاتورية وحنا تونا مسوين إنتخابات بلدية مايصير ! و علشان أوعي الناس أنهم لهم الحق أنهم يطالبون بحقوقهم ويختارون من يمثلهم ..

إذا الجوهرة الوبلي والله ترى حجاب الكف أمي وأختي ما يرونه وفيه عشرات المثقفات ممكن يمثلون المنطقة مع إلتزامهم بالضوابط الدينية كلها بغض النظر عن المسائل الخلافية .. وهذي تعد بسيطة عند غيره من الأراء التي هي شخصية و يتكلم بها بأسم الجميع ..

عاد الصدفة إن منتدى بريدة مسوي مقابلة مع الأستاذة / الجوهرة الوابلي .. لكن يقولون ما عطتهم و جه .. وهذاهم قاعدين يلاحقونه .. وبتسويلي فيها أنه مشغووووووووووووووووووووووولة ..


شاهد الفرق : ( لا .. تعليق )

http://www.buraydh.com/forum/attachm...id=17020&stc=1

الزبدة :

أنا طرحت الموضوع .. وأبغي رأيكم .. ترى أمي و أختي نشبين بحلقي .. سامعين أن المملكة أنظمت لمنظمة التجارة العالمية .. وإن الدعوى اللحين موب لعب فيه جمعيات حقوق إنسان وشغلات حركة .. و الله توي أدري أن أختي موب سهلة .. و أختي مبحلتن من أول ما قريت الخبر .. لكن كل الأسبوع اللي راح وأنا عندي إختبارات وتوي أفضي أنزل المقال ....

والله قل لاختك اعقلي وانا اخوتس

ما عندنا هالخرابيط

والله شي محزن !

وين رجله وين اخوانه (( دياثه))!!

الله يكفينا الشر ..

الله يكفينا الشر..

اللهم اهدها

..

أولا ً : لانسمح بأن تكون هذه المرأة أمينة على نسائنا بهذه الجمعية
( جمعية الملك عبد العزيز النسائية بالقصيم )

ثانيا ً : لانرضى لها ولا لغيرها من النساء حضور هذه الحفلات المخلّة كما ذكر ( موسيقى وإختلاط )

ثالثا ً : هذا تمثيل لها ولبيتها . . لا لنسائنا وبناتنا ومجتمعنا

رابعا ً : هذه الجمعية إذا هي خيرية !! وين الخيرية

الآن تذكرت كلام أحدهم عندما قال أن هذه الجمعية امتداد للماسونية

الله المستعان

اولا من الذي عينها نيابة عن نساء القصيم ؟؟؟؟؟

أخوي بارق

لعلك دورت المقال بصحيفة الوطن عبر موقعهم على الإنترنت _ شكلك بتشوف الصورة !!!_ الزبدة يا حبيبي الخبر موجود فقط باالصحيفة المطبوعة و غير موجود بالموقع لأني أنا كنت أبروح أنسخ الصورة من الموقع تفاجأت ما حصلت شيء .. آخر شيء قصيت الصورة ودخلته بسكنر

الله المستعان اين قصيم الأمس
سبحان مغير الأحوال

أخي (<*أبولجين*>)

بالنسبة لموضوع الحجاب إذا هي ترى جواز حجاب الكف .. فلها ما يسندها من أدله .. و علينا أن نتفهم ذلك .. وأشكرك على غيرتك ..