نايف فقدناك ... رائعة
 

القصيدة التي نشرتها جريدة الجزيرة في صفحتها الأخيرة ليوم الأحد 16/11/1426هـ الموافق 18/12/2005م ... أبكت الجميع وحركت المشاعر وأثارت الأحاسيس ... أم نايف من رحيمه تحكي معاناتها في ابنها القابع بين قضبان سجون أمريكيا في ولاية كلورادو...


[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=3 line=0 align=center use=ex num="0,black"]
أصيـح باعلـى الصـوت نايـف فقدنـاك = عساك تسمع صرختي يوم أناديـك

أنــا أمــك الـلـي عيـدهـا يــوم لقـيـاك = يا سعـد نفسـي لـو عيونـي تلاقيـك

والقلـب نــاره تشتـعـل عـقـب فـرقـاك = مـا تطفـي النيـران يـا كـود أياديـك

لبست ثـوب الحـزن بعـدك ولا انسـاك = والـنـوم ودّع يــوم غـابـت ليالـيـك

تاهت بي الخطوات وادروبـي أشـواك = والدمع من عيني على الخد يبكيك

أراجـــع الـمـاضـي واعـيــد ذكــــراك = تشدنـي الذكـرى وابـكـي لماضـيـك

سـجـيـن بـالـغـربـة ويـاكـبــر بــلــواك = الله يـعـيـنـك دايــــم فــــي بــلاويــك

هذا القدر مكتوب ... مكتوب مـا جـاك = اصبـر عسـى الله بالنهايـه ينجـيـك

بديار ( بوشٍ ) سجنك الموحش هناك = ياليت لي قدره على الدرب واجيـك

يا سجن ارفـق مسنـدي وسـط مبنـاك = ما شاف شمس ومظلمات مبانيـك

مدري يا عمري كيـف الأحـوال ويّـاك = طمنـي عـنـك طـمـن امــك تحاتـيـك

من يغسل اهدومك ومـن قـام يرعـاك = ومن يطبخ الوجبات منهو يواسيك

ومنهـو الـذي بالليـل لا نـمـت غـطـاك = خوفي عليـك البـرد بالحيـل يوذيـك

ودي قـبــل مـوتــي مـشـاهـد مـحـيـاك = ودي أضمـك فـي يديـنـي وحاكـيـك

يــا حـافــر قـبــري دخـيـلـك رجـيـنـاك = تحط فـوق النصـب نيشـان بوصيـك

يمكـن يحيـن الـوقـت تـرجـع لمـربـاك = وتزور قبري مسرع فـي خطاويـك

يــا سـيـدي سـلـطـان تـكـفـى طلـبـنـاك = يا راعي الفزعات تشكـر مساعيـك

شـــلال طــيــب مـنـبـعـه دوم يـمـنــاك = خيـرك مغطـي كـل بيـت باراضـيـك

وقـت الشدايـد مـا لهـا غيـر شــرواك = يبشـر بعـزه كـل مـن جـاك ناصـيـك

يـــا سـيــدي سـلـطـان حـنــا فــدايــاك = بـارواحـنـا نـفـديـك نـفـديـك نـفـديـك

الجـود وانـت الجـود يمشـي ببمـشـاك = يمشـي وراك ويتبعـك مـا يجاريـك

يتعبـنـي مـدحـك لــو أعــدد سـجـايـاك = والشعـر يرفـع رايـتـه مــا يوفـيـك

يالله عسى المولـى يصونـك ويرعـاك = ويعـود نايـف يـا عسـى الله يخليـك

أبختصـرهـا يــا ذرى كــل مــن جـــاك = شكـوى تجيـلـك تنتـهـي مــا تعـديـك [/poem]


هنا القصيدة منشودة

منقول