|
فلّها وربك يحلّها(كلمة أعادت لي الحياة)
بسم الله الرحمن الرحيم ...
ياكثر مايسري الخوف لصدري ويجثم عليه ... وياكثر مالحزن يقطعني من خلاف ... والسبب الخوف من كل شي ... من الحياة ومن القبر ومن القيامه ... أروح أشكي لأقرب صديق ويفاجئني يقول يعني تبي حل صدقني مافيه حل ... أمس جائتني رسالة على الجوال من واحد من الزملاء بس من النوع المخربش (بالمصري) بالسعودي تعني راعي الضحك الملكع الي ماشال هم للدنيا الرساله هي (( خل هذا شعارك في الحياة فلّها وربك يحلّها )) ... والله لو تدرون مدى تأثير هذي الكلمة لي كأن جبل تزحزح عن صدري وعاد إلي نفس الحياة من جديد ... فقلت أي والله ربك يحلّها ... ليه طيب خايف من الدنيا ومن المستقبل ومن الموت ومن المرض دام ربي يحلّها ... ليه أخاف والله معي ... فيه أحد يجد الله عزوجل ويكون فاقداً شي ... صحيح أن هذا المعنى كان غايب عني بالمره وماطرأ علي وهو أن ((الأمر في الأول والأخير لله))... لكن تذكير هذا لي جعل نور الحياة يشرق في صدري من جديد وطعمها صار أحلى وأجمل من ذي قبل ... بهذه الكلمة أرتحت من عناء قد تكسد في ... وأرتحت من غم أطار من عيني النوم... وهنئت بالدنيا صحيح أنها مريرة لكن مرارتها صارت حلوة لإنني عرفت كيف أواجهها وأقف بوجهها ... بما أن المشكلة أنحلت عندي فهل أنت مازلت تعاني من نفس المشكله ؟؟؟ مازلت خايف وتفقد الأمـــــــان ؟؟؟ والله ثم والله مالك إلّا حل واحد تعلق بالله عزوجل بكل شي عباده دعاء أعمال خير .... مع الله كل أمر يصبح سهلا وكل ضيق يقلب فرجا وكل ضنك يتحول رضى وكل مرض يصبح عافيه... مع الله كل الصعاب تزول وكل الأحزان تمضي حتى الأوجاع تفنى ... عش راضياً تكن غانماً ... عش قوياً توهب لك الحياة ... ونختم بقول الشاعر : فل الحجاج وخل عنك الهواجيس ...كلن يموت وحاجته ماقضاها ... رعد.. |
جزاك الله خير على التفاؤل ورفع المعنويات
|
إيه غديه تزين ردودك عقب هالرساله :)
جزاك الله خير أخي رعد ووفقنا الله وإياك في الدنيا والآخرة |
فرخ الفيل أن شاء الله تكبر وتصير فيل ويوفقك ربي وتتزوج نملة تعينك على الخير ........
|
امين يارب العالمين
|
رعودي ..
يا هلا و الله بالطخمة .. صدقت يا بعد البنكرياس .. أنت ذكرتن باللي يقول ، طنش تعش تنتعش .. شكرا ـ على هيك أقوال و حكم ،، عز الله أبو دلامة يبي يضرب أخماس في أسداس .. |
ياهلا والله بالرعد والبرق والسيل ..
نقول معك فلّها وربك يحلها .. شكراً أخي رعد .. |
سناك ...
الأمور بتزين بوجودك يابعدهم ... المستشار يابعد مصاريني ومصاقيلي وعصاقيلي أثرك بذا ونا ماأدري والله ياشكلك راعي تطنيش والدليل أنك واعدني بشرح المذكور وماشفنـــــا شي ... المذكور يعني شي لاهو شي ... وسلامتكم ابوفارس الخالدي ... ياهلا والله بهالطله أشتقنا لعيونك والله عذبنا فراقك يالغالي خاف الله فينا خاف الله .... ماتحس أني مسكت خط ... أنا أحس .. الله من زين الأحساس بعد عندي ... أنني أفتقد حبيب قلبي وشعرة فؤادي ماادري ليه مارد علي ... نقول خير ونتلمس له العذر ... تقبلوا حب وإخلاص رعد دوت نت ... |
أشوفك تدخل الماسنجر أربع وعشرين ساعة ..
يا رجال أنت شكلك شخص موسمي يعني مرّه كل سنه .. ههههههههههههههههههه عز الله الي حللت شخصيك .. <==== يعني قلت له عساتس بألف حل .. <=== بلف و لا بستم ؟ <=== بستم و لا غسيل عادي .. عااا دي .. ولا عااااا وعااااااااااااااااااااااااااااااء .. يمه خفت :) |
يا هلا والله برعووووودي ...وش الدنيا بك ...
ماش .. منتب رعد اللي حنّا خابرين ... مير أغديك لا فليته .. وحلّه ربك سبحانه ... ترجع لنا رعد الأول ... |
| الساعة الآن +4: 02:46 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.