|
ماتشتغل وودك بوظيفه ،،،، تعال نوظفك ببريدة.
السلام عليكم جميعاً ،،، الحقيقه اللي خلاني اشترك بالمنتدى واطرح الموضوع هذا زيارتي خلال الفتره الماضيه لاحد اكبر الشركات ببريدة ويعمل فيها اكثر من 6000 موظف معضمهم الا نادرا من غير السعوديين. جميع انواع الوظائف من عامل نظافه لطبيب او استشاري. معقووووول مافيه سعوديين طبعا سألت المسؤولين ماجاوبوني لين جاء مدير التوظيف ايش يقول يقول نوظف سعوديين بس محد تقدم ؟؟!!! معقووووله قال هذا اللي صاير. طبعا الكل يبي يقول وشي الشركة الشركة هي دواجن الوطنية 25 كيلو شمال بريدة طيب ايش المطلوووب؟؟؟ اي واحد منكم او ممن تعرفونه ما اتوظف او يبي وظيفه افضل يشيل اوراقه ويزرقهم ويقدم عليهم. واي شئ يقابله او يقولون له شئ يجي يرد على الموضووع رجاااااااااءً لحد يجي ويقول يقولون نبي شئ جدي طبعاً الكل يقول وش نوعية الوظائف اجي اقوول له كثير سواقين نقل ثقيل وخفيف ، سكرتاريه ، محاسبين ، فننين من جميع التخصصات وكذلك مهندسين اطباء بيطريين وغيرها كثير ماراح يضرك شئ قدم وانقل لنا الصوره هنا. من جد شئ يضيق الصدر شركه بهالحجم والضخامه ولافيه سعودديين! واذا فيها من يكونون برا القصيم اتمنى اسمع منكم اخبار طيبة وملاحظات وتعليقات جدية تحياتي لكم ولد بريدة ادنات الدون |
الله يجزاك خير يا عزيزي .
الوظائف كثيرة ، ولكن الذين يبحثون قليل . يريد الشاب أن تأتيه الوظيفة وهو جالس في بيته !! وكذلك لا يريدُ أيّ مرتب !! :) شكراً لك يا غالي ، وجعل ما تقوم به في ميزان حسناتك . :) |
العمل في الوطنية متعب جدا ..
الدوام مستمر حتى الساعة الخامسة مساءً ..! |
الـنــهـيــم : صدقت وجزاك الله خير
عبدالرحمن الثاني: العمل على اسمه عمل طبيعي راح يكون متعب ، لكن لمعلوميتك دوام الوطنية لايستمر الى الساعة الخامسة. عشان كذا انا اقول لانحكم على "يقولون". |
جزاك الله خير ا اخونا على ارشادك .
ادنات الدون ............ههههههههههههههه الحقيقة اجمل معرف بالمنتدى ادنات الدون هههههههههه |
سليل المجد : :) حياك اخوي، وان شاء الله نشوف عيال ديرتنا في كل مكان.
|
على ما قالوا الشباب العمل في الوطنية متعب مرررررررررررررره.
وحتى احد ابناء الراجحي هج منها،ولكن مع هذا فهم يقدمون رواتب مغرية ومكافئات بس لابد من التعب. |
اقتباس:
مسألة ان العمل متعب ما اعتقد انها نقطة مهمة لانه مهما كان ماراح تحمل مالاتطيقة لاسيما انت عقبت ان رواتبهم مغرية معناتها قد التعب هذا. اما ان احد ابناء الراجحي هج منها فرجاءً مانبي "يقولون" بالمناقشه هذي. حتى لو هج نبي نعرف ايش ضروف هجته. النقطة اللي ابيها ليش شباب بريدة في شركة بجنبهم وما يلاقون عمل؟؟!! اذا فيه هناك عوائق وظروف معينة نبيها ونناقشها ونحلها بإذن الله. |
الأخ الغالي الجديد ( أدناة الدون ) . . أولاً .. مرحباً بك ضيفاً لمنتدانا .. وأهلاً وسهلاً بك . . ثانياً .. يبدو أن كلامك خارج من قلب صادق .. يُحب الخير للغير فجزاك الله خيراً .. ورزقك على قدر نيتك .. وبارك فيك . . ثالثاً .. بالنسبة لمن يتعذّر بالتعب في الشغل .. ألم يعلم أن الدُنيا كُلها تعب في تعب وعلى قولة الإخوان المصريين ( ما فيه حاجه تجي بالساهل :D ) وقد قال الله سبحانه في كتابه العزيز [[[ لقد خلقنا الإنسان في كبد ]]] . . |
هلا بك اخوي المسفهل :) وجزاك الله خير ونتمنى ان شاء الله ان جميع القطاعات تكون للسعوديين ويروح الكسل من بعضهم هداهم الله واصلح شأنهم |
السلام عليكم محد يعرف احدر راح يقدم عندهم؟ |
|
أدنات الدون :
أولاً كيف طلعت هلالسم المنسم والمبهر؟!!!!!!!!!! ثانياً: أشكرك على طرح الموضوع الجميل ... وأتمنى أن نستمر في مشاهدة إبداعاتك في منتدانا الرائع منتدى بريدة ... لكن يا أهل بريدة انتبهوا لانصير مثل السودانيين وحنا جالسين نعلق عليهم وكل يوم مطلعين نكتة جديدة عنهم .... وآخرتها تقولون العمل في الوطنية متعب .. أفاااااااااااااااا بـس .. لاتفشلوننا ................. ودمت يا أدنات الدون لكل من يحبك بخير ... |
ولا تنسوووون توظفونهم في ملابس النساء الداخليه ( اللانجري ) !!!
بعد اصدار فتوى بتحريم بيع المرأهـ على المرأهـ في الملابس الداخليه !!!! وتحليل بيع الرجال ابويمن واللبناني وطقته على المرأهـ في الملابس النسائيه الداخليه !!!! |
| الساعة الآن +4: 08:56 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.