يا ربي منك الثبات *** شفت المنكر بالبنات
الملبس عاري وضيق *** والتفنن بالعباة
الفتحة لين حد الفتحة *** اللهم لا شمات
إن دنقت تأخذ حاجة *** لو كان فيها ولد مات
والشعر محلوق كله *** اتقلد هالغربيات
المرأة كلها عورة *** وإلا وجهه بالصلاة
وأخلاق ماهي مقبولة *** ماهي للعرب عادات
لو لبست ثياب الحشمة *** مستورة ومكسيات
كلٍ يبي يعجب فيها *** وترضي رب السماوات
تكفون روحوا للملاهي *** وشُنّوا عليهن حملات
وشوفوا وش يحصل داخل *** من سلوك وحركات
والله يا شي نشوفه *** في وسط قصور الحفلات
ما كأني وسط بلادي *** وبمهبط الرسالات
وإذا نصحتيها قالت *** أنا بتبع هالموضوات
عادات جتنا من برى *** ما هي لأمي والجدات
وراهم ما قلدونا *** في ملبسنا والعادات
ليش احنا نجري وراهم *** وانتابع هالمجلات
ما قصدهم سعادتنا *** إلا غزونا بالذات
والأم وش واجبها *** إلا تربي هالبنات
اتابعهن واتراقبهن *** والهاتف سم الساعات
يا كم مشكلة سواها *** وخلّف ويلات وحسرات
والله يا شيٍ نسمع به *** يجرح قلوب صلبات
واللي أهمل بنته يجني *** اثمار مرة وآهات
والمؤمن والله يتألم *** كنه ماسك له جمرات
وفيهن رفلى كسلانه *** ما تحمل واجبات
أكلها يجي من برى *** من مطاعم خايسات
إذا جاء رجله من شغله *** يبي كبسه وقريصات
قالت له هذا ماعرفه *** هذا زمانه قد فات
رح جب لك خبزة من برى *** وإلا بروست ومشويات
حط شماغه على كتفه *** وأقفى يسحب له ونات
يا خريف وين الشخصية *** وش دورك بالحياة
قم عليها وأدبها *** بعقالك سبع جلدات
وإلا لهلها رجعها *** ودور لك من السنعات
خذ وحدهـ تبيض وجهك *** إذا جاك مناسبات
وفيهن عفيفة شريفة *** ما تتساوي بجنيهات
دُرّة كلٍ يتمناها *** أصلية من اصيلات
أخلاق ربي عطاها *** واتحافظ على الطاعات
وفي الشباب كلابه *** تنبح على القاذورات
يشيل الهاتف ويكلم *** ويكون به علاقات
يخدع هذي ويواعدها *** لاخوف ولا مراعاة
لو إنه خايف من ربه *** له أم وله أخيات
هو يرضى أحد يكلمهن *** أو يرضى بمعاكسات
ما فكروا بالعواقب *** كلٍ منهم في غفلات
أسأل ربي يهديهم *** ويرزقهم خوف وطاعات
واختامها قولو ذكر الله *** وعلى النبي صلوات