بريدة ستي - جرب خطط لحياتك

الحمد لله رب العالمين
اليوم عمري واحد و عشرين سنة
بكره ابداء ادور على عمل
اذا ما لقيت عمل وش اسوي:i125
ماحطيت بدائل ؟ ليه ؟ ماحد قالي .:mad:
طيب ليش ما تخطط لحياتك ؟ الحيات بعلم الله .:confused:
والممات ايضا بعلم الله .
طيب خلن اشرحلك وشلون تخطط لحياتك , قل بسم الله
ليه حنا نبي نتعشاء.
الله يصلحك انتبه.
سم :i121
خذ ورقه وقلم واكتب عمرك الان وبجنبه تاريخ هالسنه يعني عمرك 20 والسنه 1427هـ
حط امام كل سنه وش ودك تصير .
مثلا 1428 تسجل بالماجستير تحاول تعرس في هذي السنه
1429 تخلص الماجستير يكون جاك مولود تبداء ببناء سكن حسب الوضع المادي مثلا شقة تمليك
1433 تخلص الدكتوراه يصير عندك هالحين مولودين, على فكرة من تجربه شخصية كل ولدين وراء بعض جيده جدا.
1435 ولدك يدخل المدرسه
1936 ولدك الثاني يدخل المدرسه
وهاما جرا
اكيد كل شي بعلم الغيب ولكن الانسان يحاول يرسم اهدافه بشكل جيد ومدروس.
اما الاستراتيجيات فكل واحد ابخص بعمره
على فكرة الموضوع للجميع البنات والشباب:41
وارجوا عدم التفكير السلبي بالفكرة:S
مثلا1/ هذا علم الغيب ؟ اكيد وما جبت شي جديد .:confused:
2/ وش يدرين بالدني؟ وش يدريك بالاخرة.:i121
3/ انت تفكر بشكل متفائل . وش اللي خليك ما تتفائل مثلي.:D
4/ طيب واذا ما قدرت احقق اهدافي؟ طيب واذا استطعت تحقيق اهدافك.:cool:
لنتبع قول المصطفى عليه السلام( تفائلو بالخير تجده) وكذلك ( انا عند حسن ظن عبدي بي)
ولا خاب من استشار ولا ندم من استخار
ارجوا للجميع الفائده وهناك برامج عديده تسمى (المايند ماب) الخرائط الذهنية وللي ما يعرفه:re تهتم برم الافكار اللي بالمخ على الورق بشكل جيد تحياتي للجميع اخوكم الوجيه