يعرس اثنين وينهبل الفين........ موضوع للنقاش
 

ماادري وش اللي صاير بالناس تصورو التالي ::i125
اذا كان هناك عرس بين شاب وشابه ومضطر زوجتك وبناتك وخواتك يحضرون الزواج
مدة الحفل من الساعة 9-12 ليلا تقريبا ازود شوي انقص شوي ما فيه مشكلة يعني ثلاث ساعات تقريبا
تكاليف حضور الحفل لكل انثى بالغة 2000 ريال هذا متوسط وعن دراسة جاده قمت بها خلال الشهر الماضي في اسواق الرياض
الاكسسوارات مع الجزم والمكياج 500ريال تقريبا
عدد الحضور للحفل الواحد 200 سيدة
قيمة تكالبف الحاضرات 200×2500= 500.000 ريال يعني نصف مليون
اذا حضرت السيده اكثر من حفل لنفس العائلة الغالبية يحبون التغيير : 12
اما بتبادل الملابس مع الاخريات او بالشراء , طيب نقول على اقل تقدير ثلاث حفلات بالصيف:suu
يعني 500.000× 3= 1.500.000ريال يعني مليون ونص :i121
يعني الساعة تكلف 1.500.000÷3ساعات حضور×3 حفلات× 200 حاضرة=833ريال تقريبا:eek:
طيب وش الحل ؟ مايروحن الحريم للعروس .:confused:
مايلبسن احسن شي بالسوق , طبعا على الموضة :eek5
لو قدمة عشرة بالمية من هذه المبالغ للعروسين ماهوب احسن:41
تكفون حنا مدحدرين تلاحقو اعماركم خلاقين بالسوق والحريم راحة دراهمه بالفاضي والرجال الله يخلف ما يقدر يعيي ولي منك ويلي عليك ..... تكفون مشاركاتكم لاثراء الموضوع:S
والله يوفق الجميع ويجمع بينهم بخير امين يارب امين:eek5

لاو الله الحل عندي و أنا هندي ..
المفترض إننا نخلي الحريم يلبسن مراااااااايل حتى بالزواجات ..
ما له داعي الخساااااير ..

وشكيرن ..
المستشار ( أبو قرعة سابقا اااا )

المشكلة تدوووووور بالسوق نص ساعة تدور نعال يطابقن لون الفستاااااااان همن آخرته مايشافن النعال من طول الفستااااااااان ..

حلوووه وينهبل الفين
المسأله يااخي تبي لها وعي وتوعيه بأن هالظاهره غلط
وأن هناااك بنوود أهم يجب توجيه المال اليهااااا
يعني المسأله تبي لهاااا ارشاد اسرررررري والمعالجه باللين تجيب نتيجه

اجل الدعوه مقتصره على الرجاااااااااال والله خوش حل
وش خليتوا لوأد البنااااات
.. أتخيل انه عرس اختي ويقولون اقضبي الارض الحفل للرجاال بس ..
يروحووون للقصر كاااشخين وحنا نتقااابل بخلاقين البيت ..
والمشكله ان قالوا للعريس اليوووم للرجال .. تجيك مرتك باكر..
.. يااخي لا افراط ولا تفررريط ..

شجون القصيم
 

انا لا اطالب بعدم اقامة حفل بل اطالب به لانه من مبدا سعة الصدر وادخال السرور على النفس والبنات مثل العيال يحتاجن ترفيه وحضور الافراح احد هذه الاسباب , ولكن بتبصر وتعقل ومخافة الله من العواقب.
تصورو وحدة من وسط بريدة امه وابوه من وسط الجرده سافرت لبنان علشان المكياج حق زواج اخته ورجعة بالطيارة من بكرا وعلى صالة الافراح عدال ......... وين الخوف من الله يارب سترك وحلمك علينا. ماشافو اللي يحصل بالعالم اقلها اندونيسيا ...... لا ومعظم نسائهم خدم في بيوتنا ... يعني جوعان ووطي بطنه . نسئل الله العافيه . ومن عوفي فل يحمد الله
يعني يجوز العيد بليا حنا , يمكن حضور الزواج بدون كل هالكلفةاللي مالها داعي . تصورو يا جماعة البنت لما تتزوج يضيع المهر على:
1/ فستان الزواج . الاستخدام ثلاث ساعات فقط وبحدود 3000 ريال ؟
2/ كوافيرة ومكياج. لمدة ثلاث ساعات فقط وبحدود 1000 ريال ؟
3/ جزم واكسسوارات مالها داعي بحدود 3000 ريال ؟
4/ ملابس وخلاقين بحدود 3000 ريال .
5/ عطورات كثريش وشوله ب 3000 ريال ؟
اكمل والا خلا ص انتم ادرا ولكن تصورو يا جماعة كل هالمصاريف مالها داعي , يعني كانت عايشة كيف بيت ابوه عر....... مثلا.
الرجال يبي بنت رجال سمحة ودينة وسيعة صدر وتعرف تطبخ وتلبس معقول وتحط مكياج خفيف يعني كحل روج ترتب شعره ترتب الفاضة تحسسه بالحنان تستمتع بوقته معه بعد العصر تولم القهوه وانتم ادرا بالباقي
اوه شكلي متحمس والله ما قصدي الا بالتوازن عطو البنيات حقهن بالوناسه وانتن يا بنات اقتصدا بمهوركن ولا تبعثرنه بالحكي الفاضي.
اللهم يا رب العرش ورافع السما انزل لى عبادك القناعة والسرور وطول العمر مع العمل الصالح
بارك الله لكل متزجين وجمع بينهما بخير امين

اخي وجيه
الامر فيه التبااااس كان الرد على حل الاخ مسفهل
اعتذاااري
صحيح التبذير منبووووذ والوسطيه مطلووووبه
يعني اذا كان الانسااان مقتدر مايمنع (( ان الله يحب ان يرى اثر نعمته على عبده ))
في حدود المعقوووول والحشمه المطلووووبه

مدحت شوقي بريده...... اضحكتني اضحك الله ضرسك
 

المصاريفعند الشياي او الشابات ليست هي محور النقاش بحد ذاتها محور النقاش في نوع المصاريف هل هي ضرورية ولا يتم الشيء الا بها ام انها كماليات ويمكن الاستغناء عنه ؟
وانا ضد المصاريف التي ليس لها داعي وكل واحد ابخص بنفسه . وتذكروا ان الاسراف منهي عنه وتحياتي للجميع

اعتقد اخي الكريم ان هذه الأرقام تخص طبقة وشريحة الأغنياء من الناس ..
الحل هو تغيير هذا الفكرالتبذيري لدى ((( بعض النساء ))) بالنصح ..

اما بنات ميسوري الحال فلا اعتقد انهن يفعلن ذلك لانهن غالباً يقدرن النعمة ...