عاجل..جريدة (الوطن) تسرق من(بريدة ستي)!!
 

كما الحال في جميع الصحافة السعودية

تحياتي للشرفاء

!!
 

وهل في هذا جديد ؟؟

خاصة في الصحافة العربية ؟؟

بل نستغرب ممن يستغرب !!

اقتباس :
تحياتي للشرفاء ..

ويحك ..

تتحدث عن السرقة في الصحف ..

وش اللي ماسرقوا ؟..

شريف أنت فلله درك ..

الوطن بالذات مخادعون من الدرجة الأولى
فأذكر موقفا حصل قبل أيام مع أحد المشايخ المعروفين في بريدة اتصل عليه أحد
مراسلي الوطن يستفسر عن قرار اتخذ ضده وام يخبره أنه من الجريدة
ولما أخذ كامل التفاصيل وما يريد الشيخ فعله نشره على
أنه تصريح من الشيخ وهذه الوقاحة بعينها ..


أسد .

الجماعة بلشين من بعد ما أغلق موقع الوفاق لأنهم كانوا يعتمدون عليه بجمع الاخبار .

مراسليها من عيال الرشيدي مختصين فقط بأخبار حي الشقة وتلميعه ومعالجة النقص فيه وهذا من حقهم فهي معقلهم الأساسي

سرقة الصورة سقطة كبيرة جداً تستلزم إعتذار الجريدة وإعطاء الحق لصاحبه ( منتدى بريدة).

الكل حانق وغاضب عليهم عقب الاخبار الملفقة على بريدة والتي آخرها " إنتشار القمل ببنات بريدة " الله يفشلهم مثل ما فشلونا عند اللي يسوى واللي ما يسوى وغيرها كثير من السقطات التي تستدعي تدخل أبناء بريدة لوضع حد لمراسلي الوطن خاصة بكر عبد الله الرشيدي والذي يتخفى تحت اسم مستعار"بكر عبدالله" دون ذكر أسم قبيلته " الرشيدي"

أنا أستغرب وبقوة : وين عيال الديرة ومراسليها اللي يبردون الكبد عن العمل بالوطن ولماذا تركوها لمجموعة أحدهم من نجران والآخر من أبا الدود وإثنان من قبيلة الرشيدي النازحة بالشقة.

ما فيه غير موسى العجلان الله يبيض وجه
والله حرام ديرة ضخمة مثل بريدة خرجت إعلاميين على مستوى عال تقف تتفرج على ترهات الوطن اليومية؟

أطالب إدارة المنتدى بإرسال تعقيب على الموضوع المنشور
والمطالبة بذكر مصدر الصورة , فقد يكون المراسل قد إدعى
أنها من تصويره وقد عمل بها بعض التغيير ,,

لا تسبو الوطن ...
فإن الكلب أقل من تسميه "كلباً"

غريبة الوطن ..
ياخي بالعادة الوطن تستذب تسذبات كبار ..
وراهم هالمرة أكتفو بهذي ..؟

يا أخي يمكن وانا أقول يمكن لو ما فيه سرقات كان ما فيه صحافة أصلاً
أحد الصحف قابلت قريب لي من الناجين من عبارة السلام
يقول قريبي اول ما لمسنا اليابسة او بعد يمكن إلى الحين ما نزل من القارب كانت سيارات الإسعاف تنتظرنا ولكن الصحفيين ما تركونا براحتنا وخصوصاً جريدة مشهورة ما نب قايل إنه الجزيرة بكيفه
المهم يقول ناظرت الصحفي وقلت له وخر مانب فاضين لك وقريبي هذا جالس يومين لحاله بالبحر وحالته حالة
يقول قريبي بغيت ألفعه يوم وقفن
قلت له انا والله يا أنت حبيب وراه ما لفعته وأتحداه يقول لك شي
المهم يقول جو لمي بعد ماعطوني مغذي وغسلت إثمي من الملح وإرتحت شوي إلا وهالصحافة جايين وبدوأ بالأسئلة
يقول قالوا لي مثّل بالصوت كأنك تكلم أهلك بالجوال تطمنهم على حالتك وحنا نبي نسجل بالمسجل قالهم خراص هي يعني تبونن أتسذب قالوا له يا إبن الحلال لا تحرص المهم إن قريبي عيا وقال مقابلة عادي بدون تمثيل أو لف ودوران وفعلاً سوو معه المقابة يقول والله العظيم إنه مقرب المسجل عندي وانا أدري إنه ما شغل اللي تسجل بس تسذا يحسبن هدر بس يقول مشيته له أخاف يبتل وراي ويزعجن وأنا من حيني بلش بروحي وخلصت المقابلة
والمصيبة بعد يومين يوم قرأ المقال بالجريدة لقاه مختلف عن كلامه 75% وخذ ضحك يقول منب مستبعد شي اللي بغوا يتسذبون وأنا عندهم بسالفة الجوال وشلون ما يتسذبون لصاروا عند أهلهم(يعني مبنى الصحافة)
هذا وهي موثوقة أجل وشلون الوثن لا ومراسلينه كلهم ملح ثقات وما يخافون في الله لومة لائم <<دورأحد


لا أطول عليكم بس ابقول للي يستفسر كلامك صحيح بس ولو بريدة تضل عزيزة وشامخة في وجوه الكذابين والمحتالين والعلمانين وكل من أراد بها وبأهلها سوءاً
الله إنصر عبادك الموحدين الصادقين الصابرين وإغفر لهم ولمن في هذا المنتدى ولوالديهم والمسلمين والمسلمات
اللهم آمين