نجاح بطعم الرسوب ....(.ماهذا ياجامعة القصيم)
 

نجاح بطعم الرسوب ....(.ماهذا ياجامعة القصيم)

أنا طالب أو كنت طالب في السنة التحضيرية في جامعة القصيم ولكن اجتزتها ولله الحمد

ولكن قبل الاجتياز طلعة النتائج طبعا زي محنا عارفين بالجامعة كل يوم تطلع نتيجة مادة المهم طلعن النتائج لجميع المواد ناجح ولله الحمد مع إني كنت متخوف من بعضه أو الاغلبية ،المهم بقى الانجليزي كنت ضامن النجاح فيه يوم طلعن النتائج أدور أسمي عند (د) يعني ناجح على الحافه مالقينت قلت يمكن (د+) مالقيت وانصدمت لقيت قدام اسمي (هـ) يعني راسب ،على طول رحت للدكتور وليم (امريكي) قلت كم أخذت قال بكرا اقولك كم اخذت رح أنا هالحين مشغول وجيت بكرا((طبعا كنت جاحد عن الناس)) وعطان الدرجة قلت مو معقول أنا متأكد من حلي
قال رح سجل صيفي ، وبعدين طلعت محبط يائس والطلاب زحمه في كل مكان عند الدرجات وعند الدكاتره وفي كل مكان في الجامعة
كان الكلام ذا يوم الاثنين الماضي ويوم صار السبت رح عشان الترم الصيفي مع ان احساسي قايلي إني ناجح ===> أبوك يالاحساس

ماودي اطول عليكم قلت خلن اروح لدكتور ثاني يمكن فيه امل ورحت للدكتور( نذير) وقلت ابغى الدرجات بالتفصيل قال أخذت بالمشاركة خمسة وبالفاينل خمس طعش قلت يعني خلاص ناجح قال لا.. قلتله اجمع وشف الدرجات قال زحمة تعال بعد نصف ساعة وجيت بعد نصف ساعة قال تعال بعد ربع ساعة وجيتة قال خلاص ناجح عدلناه طلع خطاء بالجمع ....

يعني لو كنت مسكت كان درست مره ثانية مع إني ناجح من يتحمل هذا الخطاء
مدير الجامعة؟؟؟
د.عبد الكريم السيف؟؟؟<=====- مشرف السنة التضيرية
د.وليم؟؟؟<====== مشرف قسم الانجليزي
أم من؟؟؟

مالحل؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الحل أخوي قاطع بسيط ,, وهو اللي مولود يباري الساس مسكين !!!! واللي مولود ملوسن والله يبي ياخذ حقه لو هو بالمريخ ,,,,, هذي الدكاترة نموذج في كل دائرة حكومية وفي كل مكان إذا أنت مسكت ما راح تاخذ حقك لازم تهاوش وتصج وتلج ... ياخي في موظف مرة كنت مراجع لأحد الدوائر الحكومية وكان قبلي أحد المراجعين المهم قال الموظف للمراجع عطني أوراقك وتعال بكرا ,, المسكين قال "سم" وأعطاه أوراقه وراح ,,, وقال لي نفس الكلام قلت لا حبيبي أنت موظف تخدم المراجعين خاصة إن المسألة ما تبي إلا ختم ,, المهم ختم وخلصت أوراقي .... الحل يالحبيب { لوسن مع الملوسنين ,, ولا تروح إلا أنت مسوي الدنيا فوضى لين يعطوك اللي تبي }

للأسف يا أخ القاطع إن كنت طالبا جامعيا وهذا أسلوبك وإملاؤك السيء , كيف تطالب بالنجاح وأنت لا تعرف أن تكتب جملتين صحيحتين , هل أنت وأمثالك يمثلون الطالب الجامعي الجاد الذي يتلقى العلم بشغف وحرص , إن كان هذا حاصلا فأقول على الدنيا السلام .
وأما ما ذكرت في قصتك فإنه ينبىء عن ضعف في الهم الجامعي لدى الأساتذة أولا , ومن ثَمّ عدم اهتمام بالطالب وكأنه من سقط المتاع , ولكن ليس هذا شأن معظم أساتذة الجامعة بحمد الله ففيهم المخلصون لعملهم الناصحون لطلابهم , ومن خلال معرفتي بالجامعة جيدا وطلابها فإنني أرى أن الطالب يمثل النسبة الكبرى في ضياع حقه بتسيبه وإهماله وعدم مبالاته بالعلم ولا يتدارك ذلك إلا في الحظات الأخيرة , وعموما قيل قديما وحديثا : ( لا يضيع حق خلفه طالبُه ).

احمد ربك

فيه ناس لهم تقريبا ست درجات بالورقة

والدكتور ليس براض أن يعطيه حقه

وآخرتها يرسب الطالب في المادة

احمد ربك ياحبيبي

واحد من الشباب بمادة من المواد

له ست درجات بالورقة لم يحسبها الدكتور

وناقش الطالب على هذه الدرجات الست ولكنه لم يفلح

في أخذ حقه ،،، فمن المسؤول ؟؟؟!!!

وهذا يقع تحت سمع وتأييد رئيس القسم وعميد الكلية !!!!

كل هذا وقع الفصل السابق في كلية ...................؟؟؟؟

والسؤال يبقى : من المسؤول ؟؟؟!!!

(أبو فهد )أشكرك على ردك وفعلا الملسون هو اللي يأخذ حقه


وأنت كذالك ياأبو( رائد) أشكرك على توقيعك في صفحتي



فعلا أخي الصمصام ولكن يجب وضع رقيب عليهم


(كبير المحايدين )الدراسة عندنا بالجامعة في كل المواد في اللغة الانجليزية فلذالك نسيت العربية ورونا نجوم الظهر (كيمياء ،فيزياء....) كلش E*e ولم أطلب رأيك في الاسلوب أو الاملاء لكن المراد محتوى القصة وليس الاسلوب
.
.تشكر

(أبو دعفس )و( سراج )الخير لكم مني جزيل الشكر والتقدير

ممكن يكون أحسلك يارجال ما تدري أي الخير لك أفضل

والله إنك صادق...

لو تشوفن قبل أدري إني ناجح أنواع وأشكال الالتجاء إلى الله..

الله يقبل