كشتـــات مع سواليـــف وشعبيـــــــات
 

السلام عليييكم ورحمه الله وبركاته



حيا الله اعضاء اطلق منتدى بالعالم




اليوم سلمكم الله تهورت عاشت ايامي وفتشت قناة المجد الصيفيه فإذ بي فجأه اصلح الشاهي وافوحج عند التلفزيون الصراحه انه ابدااااااااع بلا حدود وبرامج تجذب المشاهدين واللي يطعمك به بعد انه حلاااااال وماعليك إثم مهب روتانا قله ادب ووقاحه وفوق تسذا آثام تسجل عليك ..



كشتات 00

برنامج عفوي طريف يذكرك برحلاتك مع اخوياكـ ممزوج بالفائدهـ كمعرفه الصقور والصقارين وكيفيه تصليح القهوهـ للخجم اللي مايعرف الا الديو وفخفخينا:D :D ايضا تطعيس ووناسه تضحك على الغشامه شوي وغير ذلكـ من مميزات هيك برنامج ..



سواليف 00


على اسمه سواليف وقرق لكن من نوع آخر لأنه يضم نخب في الساحه الإعلاميه ويكفي من ذلك التعرف عليهم وعلى علومهم وطرائفهم ..




شعبيــــــات 00



عباره عن مسابقات بسيطه يحله اللي ثقافته ثانيه ابتدائي المقصد منها التسليه خاصه ان المقدمين على قدر كبير من الطرطعه عبدالمجيد التسبير ومجودي الصغير عاشت ايام التنسييييييم ..



الموضوع القصير البسيط هذا اعتراف بجهود هذهـ القناه المباركه التي سعت لإيجاد البرامج الهادفه مع احترامها لأذواق المشاهدين وميولهم على اختلاف اعمارهم ..


وخصيت القناه الصيفيه لأنه بقراطيسه جديييييييييد وأتمنى أرى تعليقاتكم على هذه البرامج التي قدمتها الصيفيه وسائر قنوات المجد لنسعى الى رقيها وتطورها الى افضل من ذلكـ ..



إذا كان هناكـ نقد حول القناة فسوف نرسلها من خلال هذا الموضوع الى موقع القناة وشرايكم انتم بس:p :p



محبكم اللي توة طافن بالمجد الفرح أبو حصــــــــــه

فعلا قناة المجد مبدعة بما تحمله الكلمة
رغم أنوف الخبيثين والخبيثات
والعلمانيين والعلمانيات
والليبراليين والليبراليات
والحاسدين والحاسدات

هلا بخلفهم حجــــر

يابعدي انت المبدع ماشاء الله عليك توي كاتبن الموضوع وسويت تحديث ومر القى ردكـ ياخي ادوخ تسذا انـــــــا ابي الناس الحييين اللي يتفاعلون مع الحرف اللي تسطرهـ ان كان صحيح ايدك واذا خطأ وجهك مهب يقرى الموضوع ثمن يسهجكـ ;) ;)


تسلم البي على هيكـ رد والمجد شامخه رغم انوف الكارهين والكارهات :D :D

القلوب عند بعضها عمو
منيح أوي

ابو حصة

بس تدري وش ازين شيء بالمجد
إني إذا جلست عنده احلت الريموت ...

الله يجزاهم خير

والبعض يفضل مشاهدة أخبار القايلة >>>>>>>>

يبقى القول >>>> إبداع بلا حدود

بارك الله في جهود الجميع ،،،

الصراحه قناة المجد غنيه عن الذكر..
قناه المجد رائعه بكل ما يحمله المعنى..
هي القناة الوحيده اللي ما تستاثم منه..
قناه اذا فتحتها(وما اذكر اني صكيتها) ما تشيل هم..ولا تشيل الريموت علشان تقصر صوت الموسيقى
قناه رائعه..مسليه..هادفه..
الصراحه قناة المجد ربت الاطفال طبعا بعد تربيت الاهل....وعلمتهم اللغه العربيه الفصحى...
انا اخواني الصغار..الاحظ دائما يقلدون المجد بكل شيء..حتى اخر مره..اختي الصغيره تسوي معي مقابله مثل اللي بأهلاأهلا..
واذكر اختي..قبل ماتنام..سألتني..(الرسول صلى الله عليه وسلم اذا فيه جرح بيده اليمنى(لانه كانت مجروحه يدها) كان ينام على اليسار)..؟؟..قلت لها ايه عادي نامي..)
يعني قناه جذبت الكبار والصغار والوسط.. وجميع الاعمار..

ولاينخاف على الصغار انهم يجلسون عندها...لاموسيقى..ولا مشاهد مخله بالأداب..ولا هم..
الصراحه انا احب القناه ..مب بس احبها..الا اعشقها..
............................
بالنسبه لكشتات فهو اروع برامج المجد..والله اني بكيت(ولا تستغربون) يوم خلصت..
(كشتات...بواري..سواليف...شعبيات) من احلى برامج المجد..طبعا كل واحد له رأيه..
واشكر المجد ..والحمد لله انهم فتحوا الصيفيه علشان يعيدون كشتات وبواري وباقي البرامج..
وشكرا اخوي (ابو حصه)لطرحك هذا الموضوع...

يا أيها الذين آمنوا لايسخر قوم من قوم ... الآيه
http://www.buraydahcity.net/vb/showthread.php?t=59808

ابو حصه وش رايك تجي ببرنامج سواليف

صقر الوادي 00


الميزهـ هذي ماتلقاهـ الا بقناهـ المجد مما يزيدها جمالآ وروعة وزد عليه انك تطلع من البيت ولاتخاف على أهلكـ وهذة نفتقدها في القنوات الأخرى ((الهدامة )) كأم أبي سي وأفصخي :D :D وروتانا وعربسات التي تمثل دول الخليج للأسف الشديد فشكرآ قناة المجد ..




ابو دعفس 00


والله ياعلى هالأسم تصلح في برنامج_ من قلب البادية _ وأتوقع لك مستقبل فبادر الى ذلكـ وفجر ماتملك من مواهب ياخلف الربع الخالي :D :D


وأخبار القايلة طرطعة غير طبيعية تحس أن حامد وعيد يقضمون قبل البرنامج ياخي تنسيم ذولا بتوع ديار حاتم الطائي زادهم اللة هبالآ لنزداد ضحكآ في غير مايغضب اللة :) :)



حايلية 00


صدقت بكل حرف قلتية والقناة محضن لكل الأعمار ومناسب لجميع الأطراف خاصة مع تنوع القنوات من أطفال للصغار وعلميه لطلاب العلم والعالم اليوم لمن يتتبع الأخبار والوثائقيه لكسب الخبرات وقناة القرآن الكريم لترطيب الأذان بذكر اللة من افواة القراء فشكرآ مرة أخرى ياقناة المجد ..



إسنكرس 00


هذة الآيه موعظة لنفسك وعتبي على موضوعك غير السخرية الصراح هو الإفتراء المحض بأنكـ أخذت مني الأذن وذاك لم يحصل هداكـ اللة وشكرآ على المرور والإسعاف والطوارئ :p :p




أبو أبراهيم تو 00


يابعدي اطلع لعيوووووونك وبس لو تبي ببرنامج الجواب الكافي طلعت مهب عاد سواليف عاد ماهنا أكثر من همقي يبي يبلش المقدم وش هالنشبه اللي بلانا تقل أول مرهـ واحد يطلع بالتلفزيون أبقعد أولف عليهم وأبنشد بصوتي الكشبارهـ وكل شي أبسوية فداءً لهذة القناة شكرياااااااااات على هيكـ رد حبيب البي ..


وعلى دروب المجد نلتقي :) :)

مو علينا يا ابو حصه في الأول تقووووول عااااااااادي واللحين تنقلب

شاركوني لا تفشلوني وإلا بنحاش من المنتدى وأزهق منكم أمزززززززززح

http://www.buraydahcity.net/vb/showthread.php?p=423499#post423499