يوم الاثنين الماضي ذهبت بإبنة اخي لتسجيلها في الكليه قسم انجليزي(نسبة البنت 93.30) فقالوا إن قسم Eاكتفى بمئة طالبه وتوقف القبول عند نسبة 96ولا مجال لقبول البنت الا في قسم الدراسات قلنا يالله دراسات خير دين ودنيا طبعا إذا استثنينا الوظيفه لأن مافيها امل.

المهم كانت الكليه قد اعلنت في الصحف أن المطلوب اصل الشهاده وشهادة حسن السير والسلوك مع صورتين لكل منهما ولكن عندما حضرنا للكليه طلبوا منا اربع صور قلت لهم لكن في الإعلان مطلوب 2 قالوا النظام كل يوم يتغير قلنا يالله يستاهل النظام وصورنا اربع .

رجعوا قالوا الملف لازم يكون اخضر (لاتفوتكم الألوان التعجيزيه :Eملف فوشي ,جغرافيا برتقالي عربي اصفر)ضاقت الالوان. وبعدها قالوا روحوا سووا كشف رحنا سوينا الكشف.وعدنا للكليه ونحن نحسب والله حسيبنا ان الامر انتهى عند هذا الحد ولكن عندما وقفت امام المسؤله عن التسجيل قالت (ابوه متوفي !!!! جيبوا صك الوكاله)قلت ياختي اخبرينا بكل ماتريدين مره واحده وليس بالقطاره .:i121 واتصلنا وطلبنا احضار صك الوكاله واعطيناها اياه وحسبنا والله حسيبنا إننا خلصنا .قالت اوقفوا بالطابور.طبعا الطابور للي مايعرف الكليه كان في سيب متر في متر (كأنه حبس إنفرادي) :mad: وعدد الطالبات يتجاوز ال 300 المهم وقفنا بالحر:suu والكتمه زياده على الإرهاق والجوع وليت اعجبهم طلعت علينا وحده قالت صفوا طابور:S قلنا وين وكيف نصف والمكان زي ماتشوفون سكرت الباب وقالت خليكم لحد ماتملون او اطلعوا للمصلى قلنا على أي اساس تنادون الطالبات ...عطونا ارقام وحنا نروح قالت طيب.


وبعد إنتظار دام طويلا جاءت الأرقام:D لكن تدرون كيف عطونا اياهن انا اقول لكم الطريقه الحقيره اللي وزعوهن فيها

جاءت موظفه معها الأرقام ودخلت المصلى وقامت برميها على الأرض كما ترمى العظام للكلاب (ومن سبق لبق) فمن اتت من الساعه8 ولكنها لا تعرف طريقة التزاحم حصلت على رقم 50 و70 اما اللهلوبه ففازت بالارقام الأولى .ولم تنتهي المذله فعدنا الى الطابور وعندما وصل دورنا الساعه الثانيه ظهرا ووقفنا امام الموظفه قالت (ابوه متوفي!!! هاتوا دفتر عائلة وليه) قلت ياختي الساعه 2 وانتم تبون 4 صور والمكاتب مسكره وانتم تقولون اللي تجي بغير اليوم المحدد لنسبتها مانسجلها قامت رمت بوجهي الملف وقالت وش اسوي لك .:i125 طارت عيوني كيف شتسوي لا وما قلت لكم كنت قبل قايله لهم اكتبوا كل المطلوب بورقه وعلقوها قالوا فاضين !! المهم رحت لمكتب جنبهم وترجيت الموظفه تصور لي قامت تنافخ علي وتقول وينك ماتدرين وش المطلوب قلت انتم كل مره تطلبون شي المهم يالله ويالله بعد ماذلتنا صورت لنا ووديناه للموظفه الثانيه اللي طلبت مني اسجل البيانات على الملف مع انه مو شغلي لكن حكم القوي حسبي الله عليهن هن وعميدتهن المتخلفه مثلهن.


واخر إبداعات العميده انها إكتفت ب 100 طالبه Eمع إن التخصص مطلوب وخلوا القبول حسب النسبه مع إن الانجليزي مايعتمد إلا على قدرة الطالب يعني لازم إختبار للطلاب لمعرفة من يستحق دخول القسم ممن لايستحق وانا اقول ذلك من تجربه فأنا مدرسة Eوارى المستوى الشنيع للخريجات الجدد مع أن نسبهن عاليه ولكن البنت لاتعرف كيف تركب ابسط جمله بالإنجليزي .
ثم لم لايكون التسجيل عن طريق الإنترنت ونترك عنا التخلف والبحث عن الملفات العلاقيه ....

المشكلة أن الكثيرين من (الرجال و النساء) إذا وصلوا إلى كرسي مهم في أي موقع بدأت (شوفة النفس) و (الكده) في التعامل .
و تبدأ الواسطة تلعب دوراً قيادياً في هذه الأجواء
متى ما عرف الموظف أنه هنا لإنهاء معاملات المواطنيين بالوجه المطلوب و أنه مستأمن على ذلك يكون التعامل الحسن ظاهر و جلي .
لكن ربما تكون المشكلة أزلية حتى مع المدير و المدير العام و الإقليمي و الوزير و هكذا
لذا تكون وراثية لأي موظف يدخل إلى هذه الدائرة !

صاحبة حق
أعانك الله على وصولك لحقك المفروض ، و المسايسة في التعامل مع هؤلاء قد تولد نتائج طيبة
الشكوى لله .

المشاركة الأساسية كتبها ميمون وريهم العين الحمرا .. وإذا ما مسكوا طابور علشان يترضونك ما أكون أبو عبدالله .. وخاصة إذا استطعت أخذ رقمهم وكلمهم رجل وهددهم بالشكوى .. سويتها كثير ونفعت أكثر مما تصورت .. معليش بس أشوف أغلب الحريم إذا مسكن سلطة.. أعوذ بالله .. نار ماتطاق .. وهكذا يفعل كل الحقراء والحقيرات .. يحاولون التعويض عن نقص موجود فيهم ..