معاناة التسجيل في جامعة القصيم
 

بسم الله الرحمن الرحيم ..

السلام عليكم و رحمة الله و بركاته ..

أخواني و أخواتي أردت أن أنقل لكم معاناة تسجيلي و بعض إخواني في هذه الجامعة ونحن في اليوم الأول في التسجيل ..

فعند مجيئنا إلى الجامعة في الساعة العاشرة تقريبا حيث إني في الفترة الثانية وتبدا من الساعة ((11:30)) فعند دخولي إلى الجامعة طبعا نبدأ بتجهيز الأوراق و شراء الملفات طبعا ملفات خاصة من عندهم فعندما اشترينا و انتظرنا نجد مكان نجلس فيه ننتظرهم يقومون بتوزيع الأرقام ( حيث لا يمكن لأي طالب التسجيل إلا برقم ) فإذا بنا ننتظر و يبدأون بتوزيع الأوراق ثم يوزعون .. و قالوا لن نوزع إلا على الجالسين حيث إنا استلمنا أنا ومن معي آخر الكراسي حيث إنها انتهت ثم يبدأ بالتوزيع فيأتون إليه الناس من فوق و يعطيهم و انتهت الأرقام و يأتوا بأرقام أخرى و تنتهي و كان هناك كلن جاي (( علمي و شرعي وطلاب و طالبات و الطالبات كل وحده جاي عنها أحد أقربائها )) و الرجال يهوشون على اللي يوزع الأوراق (( تعااااااال وزع عندنا لنا سنتين جالسين )) عاد و يطلع حضرت الأخ اللي معه الأوراق و يتجمعون عليه الناس من كل مكان ومما زاد الطين بله إن الجريدة مخطئة و قايله (( اللي فوق 87التسجيل في أول يوم )) و يجي حضرت العميد و
وقال أنتم يالطلاب إصبروا إلى أن نخلص أولياء أمور الطالبات و كذلك :eek5 :eek5 ..
يقول اللي يبي أوراق يجي برا الصالة الرياضية (( مكان التسجيل )) و عاااااد و يرصنا في الشمس في الساعة الحادي عشر و الرجال يهوشون عليه وتحطيم :bad :bad :bad إلى أن دخلهم و يكملون عليه الهواش:i121 :i121 :i121 وبعد الهواش و لا بوه أرقام رحنا للمكان اللي يتم فيها إجرائات القبول وكان حاطين جداار من خشب و نجي عند حارس الأمن و نقوله يا أخي دخلنا من مبطي و حنا جايين و يصير تدافع وإلا شوي و يطيح جدارهم اللي حاطينوه و هواش على الرجال ((الناس ملت و فيه كبار سن )) وكان في الوقت ذا انقطعت الأرقام و نروح للي يسجل نقوله نبي نسجل ثم يقول معكم أرقام و نقول لا ثم يقول جيبوا أرقام أقوله من أين ؟؟ يقول (( ما أدري )) و نجلس و نصلي الظهر في مكان التسجيل و نقوم و يجيبون أرقام مكتوبه بخط يد (( يعني تسكيته )) يوم قضت الأرقام جااء حضرت الوكيل حق الجامعة و قال (( خلاص بدون أرقام سجلوا )) و يبدأ الطلاب يمسكون طابور و يالله يالله سجلنا طبعا بعد هواش على العميد و كل العاملين هناك و واحد قابلته ألفاظة مثل وجهه .... ولا خرجنا إلا بعد الساعة 3

عاد سألت أحد اللي جايين مبكرين (( الساعة 8 )) يقول ما عطون إلا استمارة .. ولا طلع إلا الساعة ثلاث و كذلك واحد جاي الساعة سبع و نفس الطريقة ..

هالحين الجامعات كله تطورت ووبدؤ يسجلون عن طريق الإنترنت و هم إلى هالحين بهالطريقة و الله يا حنا تعبنا في التسجيل و حنا هالحين في اليوم الأول (( اللي من 90 و فوق )) فكيف باللي نسبته (( في الثمانين )) ..طبعا فيه ناس أشد مني معاناه..

فماااااااا رأيكم في هذا الأسلوب ؟؟؟ :)

هذا عند التسجيل ... ماشفت شي يجيك تعديل الجداول وتشوف المغثه على أصوله !!!!!!! بعد ماتقبل يعني ,,,,

ايه و الله ..

لا بعد ماشفت شي :i121
اصبر إلى ما تجي الدراسة وتشوف الموت الحمر من الدكاترة


أخوك/ azooz/ 2005

لم أسمع أحدا مدح تلك الجامعة البئيسة .. !!
لا أدري ماذا يستفيدون من هذا التعقيد ..

أعانكم الله ..

أبقول شي

بس سبقني أخي أبو أميرة

ألا وهو تعديل الجداول والجداول نفسها بدون تعديل

أنا شخصياً استلمت جدولي بالأسبوع الخامس من الدراسة :) :) :)

لكن لاخاف ياعزيزي الفاضل

الحل جداً سهل

ابحث لك عن فيتامين (و)

ثم النظام يكون تحت أمرك ، حتى لو أردت طباعة الوثيقة الآن ...