السلام عليكم ورحمة الله وبركاته ..
هلا بأعضاء منتدى بريدة ستي ..

تعرفون تالي هالوقت الله يخلف ..
صايرة مصااااانع الخمر منتشرة يعني كل بكل حي لازم تلقى مصنع خمر ..

عااااااااااادي تلقى حي ناقصه شرطة أو ناقصه مركز صحي ..
بس ينقصه مصنع خمر .. هذي مستحيله .. وخاصة بالرياض ..

كل يوم افتح الجريدة وتلقى خبر .. مداهمة مصنع خمر في حي _( ... )_
أعوذ بالله ماأدري وين يصرفون بضاعتهم راعين هالمصانع ..
معقولة الى هالحد استهلااااااااك الخمور عندنا ..

الزبدة يابعدي انتم ..
هذا سلمكم الله قبل كم يوم لقوا مصنع خمر بجنب بيت خالتي موضي ..
بحي الربوة بالرياااااااااااااض .. الصراااحة اني أعرف الفلة ..
فله فخمة ورهيبة ومايسكنه الا الفخمين والرهيبين .. اللي يتاغرووون خمسميااااااااااات ..

ومن أول ماستلم صاحب البيت الآيجاااااااااار .. قامت خالتي موضي وأرسلت ولده للجيراااااااااان الجدد ومعه زمزية شااااهي وقهوة .. تعرفون حق الجار على الجاااااااار ..

ويطق ولده ومافتح لوه أحد ..
عاااااااااااد خالتي ماينفع معه هالحتسي ..
قالت لولده ( اشوه عبااااااتي ) انت دبشة ماتعرف ولا تطق البااااااااب ..

وراااااحت وطقت عليهم .. وطلع له اريتيري .. قاله ( نئم .. ايش تبغي )
قالت خالتي أبي امكم ابقهويه ..
عرف الأرتيري ان خالتي من جنبه هاجتن به ..
قاله مافي أهد اللهين .. روهي بئدين تئالي .. لسه ماسكنوا ..

قالت خالتي طيب أنا ماعمري شفتكم مدخلين غرفة نوم والا مجلس والا شي ..
تبي تبطون وتسكنون ..

وكل يوم وخالتي شايلة هالزمزمياااااااات وصرة الكراااااث ومدحدرة لهالجيرااااااااااان ..
اعوذ بالله تقول فرض عليه ..
حفرت خالتي جاااااادة على بابهم .. كل يوم وهي طاقة عليهم ..
دبلت تسبودهم .. تصدقون انهم بدو يوقتون عليه ..
اذا صار يبي يواعدون أحد قالوا بعد العصر او المغرب أو بعد الفجر ..
أو اذا جت العجوز اللزقة ..


وفجاءة من الأياااااااااااااااااااام .. جت خااااالتي كالعااادة شايلتن صرة الكراث على راسه ومعة شبك الزمزياااااااات تبي تطق على هالجيراااااااااان ..

ويوقفه العسكري .. وين ياخاااااله قالت يابن الحلااااااال ابدخل على جيراننا لهم سنة ساكنين ولا قهويتهم ..
ماشاء الله ماشاء الله انت ولدهم عسكري .. رح قل لأمك إن ام صالح عند الباب معه القهوة ..
وماشاء الله ماشاء الله ,, غاسلين حوشكم اليوم .. اجل خلاااااااااص تبي تسكنون ..

قاله العسكري .. ياخاااااله روحي لبيتكم والا قهويتس من قهوة أهل هالبيت ..
والله ماتوقفين الا بعرعر ..
هذا مهوب بيت ناس ساكنين بوه .. هذا صايرن مصنع خمر ..

قالت خالتي مصنع خمر .. اللهم ياكاااااافي ..
زااااااااااااد اشوفهم مادخلوا ولا دولاب والا غرفة نوم .. كل عفشهم براميل ..
أحسب الماء منقطع عنهم .. ويروحون يعبون بهالبراميل ..
وتقعد تصيح عند الباااااااااااااااااب .. يعني هاللي سايحن عند الباب مهوب ماء ..
ويبلش به العسكري .. فرقعين جدي وش هالعجوز البلشة ..

زاااااد اشوف النمل امس اللي بحوشنا كل وحدة تمشي على ورى ..
اثرهن رويانات من هالخمر يادافع البلا ..

وهاك التكروني يقولي بئديم مابئد سكنوا .. الله يجعله للسكين اللي تشلق براطمه ..

والحمدلله فك الله خالتي اللي مالقينهم مصلقطينه بجمس الهيئة بتهمة تعبة زمزياته بالخمر ..

ياناااااااااااااااااس ياعاااااااااااالم .. انتبهوا لحاراااااااااااتكم .. وجيرااااااااانكم ..
ترى الدنيااااااااااااا صارت تخوف ..

وجوق بي جوق ..