|
طريقة روعة للشوي ( بالصور )
السلام عليكم ورحمة الله وبركاته المرة هذي حبيت اشارككم في طبخة جميلة اتمنى انها ترتقي الى ذوقكم في البداية يتم تقطيع اللحم قطع صغير على مقاس الكف http://almaktaba.org/dewan/images/1.jpg ثم يوضع اللحم في صحن كبير عشان التمليح ويفضل انه يكون الملح زايد شوي http://almaktaba.org/dewan/images/2.jpg طبعا من الظروري انه يطبخ على جمر زين وكثير http://almaktaba.org/dewan/images/3.jpg ثم يوضع على الجمر المرخ يعني يفرش فرش { المرخ نبات ليس له اوراق غالبا يوجد في الشعبان قرب المدن} ويضع عليه اللحم طبعا يراعى مقاس القدر في كمية الجمر والمرخ كما سيأتي http://almaktaba.org/dewan/images/4.jpg http://almaktaba.org/dewan/images/5.jpg بعد ما يوضع اللحم على طبقة المرخ يغطى بطبقة اخرى من المرخ ولا مانع من وضع فوقها قطع اللحم اذا كان محيط الجمر صغير http://almaktaba.org/dewan/images/6.jpg http://almaktaba.org/dewan/images/7.jpg بعدما يرص اللحم جيدا تجيب الله لا يهينك قدر كبير على حسب قطر الجمر ثم تكبس القدر على اللحم والمرخ والافضل انك تستعرض بطولك وتوقف عليه على شان ينكتم اكثر ولا يطلع دخان المرخ http://almaktaba.org/dewan/images/8.jpg بعدين تكون انت مجهز خياش فاضية مبللة مويه بس مو تبليل بالحيل وترصها حول القدر http://almaktaba.org/dewan/images/9.jpg http://almaktaba.org/dewan/images/10.jpg وبعدين تكون قد جهزت من قبل الله يعزكم تراب مع مويه مثل الخلطه وترصه زين على الخياش والاماكن اللي يطلع منها دخان , ويبيلك تحط فوق القدر بلكه او حصاه وتحط حولها جمر افضل http://almaktaba.org/dewan/images/11.jpg بعد كذا ريح ودق سواليف مع ربعك واظرب من الشاهي لمدة ساعة ونصف الى ساعتين الا ربع يكون باذن الله اللحم نجح وجاهز لكن انتبه لازم تنظف التراب اللي حطيته والخياش تنشالا و تخليها مطرفة بعيد عن اللحم http://almaktaba.org/dewan/images/13.jpg ثم اعزل اللحم في صحن او تبي تحطه على الرز مباشرة اذا كان جاهز على فكرة الرز ماله طريقه معينة ويفضل انه رز ابيض بس مهوب الابيض حق الجاوه اللي مافيه الا رز وملح لا لكن تفننو في طبخه http://almaktaba.org/dewan/images/15.jpg http://almaktaba.org/dewan/images/16.jpg الآن حياكم الله على عشاكم http://almaktaba.org/dewan/images/17.jpg وان شاء الله انها تعجبكم وعلى فكرة مو شرط انك تحط مرخ لو وجدت بشام تراه افضل واطعم خاصة اذا كان اخضر وجديد .... واتمنى انها جازت لكم .. وجزاكم الله خير على تحملكم لي ابي منكم ردود حلوه زيكم |
قايلك يا ملك الرجه انك رائع وفلته بس متى العزيمه؟؟؟؟؟؟؟
|
حلوه بس لا زم ناظر على أرض الواقع شرحك ..
أنت والأخ meto وأنا .. أنت تذوقنا وحنا الأثنين سبقنا ومن سبق لبق .. يالله متى الثلاثاء ان شاء الله .. قل تم |
بصراحه ما فهت .. إعزمنا أول وبعدين أفهم >> يقاله ذكي :p
|
الحين حنا عرفنا المرخ عشان البشام عموماً تراك شهيتني والله بصورة اللحم ااااااااااااااااااااااااااااااااااااااااااه وش اسوي اصيح والله يا هو شكله موت بالهناء والعافية إن شاء الله |
أعلمك والله انه جزززووووم
|
احسن اعضاء انتم يسلموووووووووووووا
شكرا ياشباب على ردودكم على الموضوع
بس اتمنى انكم تذوقون الشوي بتدعون لي من قلبكم مشكوووووووووووووووووور |
مشكور ياملك الرجه على الطبخه وتري الحين بلش بسعبولي وهو يصب
تبلش اذا صرت ماتعرف تزين الا بيض لا وبعد مسلوق ومن ناحيه الذواقه حنا جاهزين باي وقت تبيه >>>> تحس انه فااااااااااااااااااضي |
والله من وجع البطن بعد << يقال ما يتقاطرن سعابيله هالداب مشكور أخوي ملك الرجه على هيك شرح :) |
وشو هذا الشئ الاخضر اللي انت حاطه,,
|
شكله مثل الى في الجنوب ويسمى(حنيث) هذى بلغتهم
ترررررررررررررراه أهبللللل لايفوتكمممممم والله ياأنا جوعااااااااااااااااااااااااااااااااااااااااااااااا اااااااااااااان أبي قطعت ألحيمه وصحين رزوبس الله يعطيك العافيه |
والله حلو يــــا ملك الرجه
أصراحه شهيتن بس تدري وش العله ها لحين من الي يبي يغسل المواعين شفتو وشلون؟؟؟ الصقر الجريح |
مطااااااااريس لأبعد الحدود
وبعد وش ذا اللحم اللي ( السالفه شحم وعظم ) ( الأخ عازمن بساسه ) |
أدووووخ على هالحركات
هلا بييييك بس يالحبيب عندنا ببريدة مرخ ... ؟ وإذا صار ماعندنا عادي نحط أثل أو رمث أو برسوبس ولاّ وش نحط ؟ |
| الساعة الآن +4: 03:15 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.