|
تستاهلون .. خمس ( نجمات ) .. ونصف كمان !
سلام علاكم يقول الُمفكِر محمود أمين العالم " إننا مؤمنون بقدرة العقل العربي على الإبداع والتقدم .. ولكن هناك أسباب لتأخره وشروط لتقدمه وبداية فليس هناك عقل عربي ولكن هناك عقول عربية، فهناك سيد قطب وهناك حسين مروة ، هذا عقل عربي، وذاك عقل عربي ، والعقل العربي كأي عقل في الدنيا له قدرته على الإبداع والكفاءة والتقدم ولكن هناك ظروف معينة تجعله متأخرا ، فهو ليس متأخر في ذاته، ولكن الظروف تمنعه من التحرك ، والعقل العربي يجب إبداله إلى تعبير فكر عربي لأنه من الأفضل أن يتحول العقل إلى فكر وممارسة " = = = أمش يامُدمن .. صرت ترطن وتحسي بشي مانعرفه ! :) وليش أنتم حاقرين المُدمن ؟ ماهوَ زي أي واحد يمشي على الأرض .. ياكل .. يشرب .. يحب جمع الطوابع .. يغطس في الماء ولايرفع راسه إلا بعد ثلاث دقايق ونص ! :) = = = أُردِد دائماً : خُطّ قلمك ولو بتجربةٍ بسيطه ... خيرٌ لك من منقولٍ تُحاول تقليده ولكن لاتستطيع .. لأنك لم تُجرّب موهبتك ! أعتقد أن الجميع فهم أيش أقصد ! يعني الألف .. نكتبها ( عصا ) وفوقها همزه ! والسين .. نكتبها ( شوكه ) منعفطه ! والشين .. نكتبها ( شوكه ) منعفطه عليها ثلاث حبّات زيتون ! والنون .. نكتبها ( صحن ) فيه حبة زيتون وحده بس :) ! أعتقد أن الجميع .. مُبدع .. أنا متأكد .. ! لاتقولون ( المُدمن ) كثّر اليوم شاهي ... وبدى يتفلسف ! :oo أنا متأكد واعتبروني مهبول .. المهم .. أنكم تتأكدون جميعاً أن لديكم ( طاقات ) ومواهب عظيمه ! = = = أمس جالس مع واحد من حقين الحاره .. يسمونه ( زيد المنعفط ) نسبه إلى [ عفط في أسفل فكّه الأيسر ].. ويقولون أن السبب .. أنه دايم ( يتعاطى قات ) ولايفرّش أسنانه إذا بغى يتمدّدّ على فراشه :) ! جلست معه .. سولفنا ... قضينا على الفصفص .. ضحكنا وتونسنا .. ! العجيب أني اكتشفت أن الرجال يملك موهبه عظيمه .. حرص أشدّ الحرص أنه يطوّرها بأي شكل ويطرحها على الساحه ! أنا داري أنكم مواطنين تنتمون إلى الشعب العربي واللي يحب يعرف كل شي :) .. ! طيّب أنا أقولكم ... عطوني أذانيكم جعلها ماتقطع :) خويي ( زيد ) كان يدرس معنا في أيام المتوسط .. ! كان صراحه وبِكُل ماتعنيه الكلمه ( بليد ) ! :o مايمشي مع أحد .. يفطر لحاله .. دايم يحك ظهره على الجدار لما يلقى فرصه مناسبه للحك ! :oo كان فيه شي يُميّزه عن غيره ... ! كان يحب ( الكتابه ) ... يحبها بشكل خطير .. صحيح أنه ماينجح إلا ( بالدف والرجف ) والمدرسين ينشبون به يبونه ينجح ... لكن أعتقد أنه محلوف عليه إلا أنه ( يرسب :) ) ! لاحظت الشي هذا .. ولقيتها فرصه مناسبه أني أفتح له مجال ( حليو ) .. أثنيت عليه بعد مانقل حل الواجب الخاص بي لمادة الإنشاء .. ! :) ياحبي للي دايم ينفعني .. :) مع الأيام .. ومع ازدياد الحرص على الكتابه .. تحسّن خطّه .. فأصبح ( خطّاط ) بارز .. يُرمز له بِجودة الخط وحُسن سبك اللفظ المكتوب على القرطاس ! أنا داري أن هالبليد ماكان يتوقع في يوم من الأيام أنه بيكون خطّاط ... لكن مع ازدياد الكتابه وكثرتها ... أصبح خطّاط .. جعلهم يخطون على جبهته ( يسقط فريق المطافيق ) :) ! عشان كذا أنا متأكد أن جميع كُتاب النت يمكلون مواهب عظيمه .. لكنها ( مدفونه ) في جسد ينتظر خروجها ! إخواني - أخواتي جميعكم يستاهل ( خمس نجوم ) وكمان ( نص ) من حسابي الخاص .. على جهودكم الجبّاره اللي تبذلونها في المنتديات .. لكن أتمنى أن نطوّر مواهبنا .. ونحاول نبرزها بأي شكل ! أمسك قلم .. أفتح صفحه بيضاء .. أكتب قصه لصديق بأسلوب بسيط .. حاول ربط القصه بِمغزى ومعنى .. رتّب أفكارك .. أقلب الورقه ... سلّمها لأقرب صديق .. أطلب رأيه ... عِندها سترى مواهبك بدأت بالنضوج .. بعدها .. أمحط راسك على أقرب مخده وخذها غفوه :) ! إخواني - أخواتي وبِما أنكم قرأتم مقالتي حتى نهايتها .. :) تستاهلون [ خمس نجوم ونصف ] حلالي .. وأنا حرّ في نجومي :) ... ليش مافيه إلا المشرفين هم اللي عندهم نجوم ! أراكم على خير وكتبه .. أخوكم : مُدمن شاهي [ :) ] |
تسلم يمينك . .
تكفى وشو نوع هالشاهي اللي أنت مدمن عليه . . عسى ينفع بي . . ما دري تنصحن بالشاهي الخضر . . |
يا سلام عليك :) والله جرعة رهيبة من رفع المعنويات يسلموا مدمن شاهي .. |
إذا كان الادمان يجعلك هكذا فأنا ومن اليوم الزمزمية وفي رواية (السمسمية) لن تنزل من السيارة |
قل مدمن حتسي زين ..
رائع يامدمن ، ولكم أسرتني بجمال أسلوبك .. أتريد إقامة ملكية في بريدة ستي إنتركونتنتال ؟.. عطني خير وأسخر من سخريتي .. العسل لك .. |
من أروع ما قرأتُ لك يا مدمن .
كم أنا سعيد بك . :) |
الفاضل مدمن شاهي هل يا ترى يأتي اليوم الذي نشاهد فيه كافة أطياف الإدمان بمثل طريقة تفكيرك إن كان الجواب الإيجاب ، فسجلني أكبر مدمن في قاموسكم الممتع . حقيقة روعة من الروائع التي حملت الحث على المعالي ، و إكتشاف الطاقات بطريقة ممتعة للغاية بعيدة كل البعد عن الحس الأكاديمي الممل للغالبية . أربعة مسامير و مطرقة لتثبيت هذا الموضوع في الأعلى ساعدني على ذلك بـ (مسك السلم) عشان ما أجي على وجهي :D . . أخوك بريماكس |
رائع يامدمن ، ولكم أسرتني بجمال أسلوبك الرائع ..
|
أسلوب خيالي ،،
و إيصال للمعلومه بطريقه غير عاديه .. ، عن أذنك أبا أهارج بريماكس .. أقول أبو خالد تأكد إن الي تبي تطق به المسامير ، مهب قزاز ، تقعد تطبعنا فرقعين جدي ،،، على الطاري هذا واحد كان يمشي في أزقة مكه عند محلات أبو ريالين ، يقول أشوف البنقالي .. يزبرق بالمحل و راقي فوق السلم معه منظر عليه زجاج ، و تاغص المنظر على الجدار ، و ما تشوف إلا المطرقه بيدوه اليمنى ، و المسمار عاضه ، هاللوح ، يبي يطق القزاز بالمسمار .. وين مخه ما أدري ، فك الله عينوه يا شيخ .. |
مشكووووووراخوي مدمن انا من مبطي وانا اقول هالشخص غييييييييييير الاعضاء ...........
انت مدمن رهييييييييييييب من نوع غير ........ياليتنا كلنا ندكمن مثل افكارك هذي واسلوبك الرائع .....وعسنا ما ننحرم منك بالمنتدى ولا ببريدة ولا بالقصيم ولا بنجدولا بالسعوديه كله...قولو امين.........الله يعطيك الف عافية يارب....... والله لنا الفخر انك عضو في منتدنا..........وسلمت يداك......... |
راااائع...يامدمن الى الامااام يامدمن..
انت اول المبدعين... مو تستاهل تفتح منتدى وبس الا تستاهل يفتحون لك قناة... اسلوبك رائع...واختيارك للكلمات اروع... الله يزوجك سوير ويقر عينك بها... تصدق اي منتدى انت فيه....انا فيه....وراك وراك وين ومارحت.,.. |
إسمح لي يا مدمن أنت أكثر من رائع :41 تحية تقدير وإعجاب ألف شكر لك أخي الغالي على هذا التشجيع الرائع والمميز فعلاً تشجيع ولا أروع سلمت يمينك أخوك أبوعبدالرحمن |
ajmn
هلا حبيب قلبي :) .. حضورك شرف .. وتعليقك فخر .. والشاهي الأخضر لاتحرص عليه ترى يجيب المساك << يقطع أم الصراحه اللي كذا ! :) |
ياقلبيييييييي بس
موضوع في قمة الروعة والكثير يحتاج إليه فلا تحرمنا إبداعاتكـ يا مدمن ! أبروح أعاون بريماكس على طق المسامير خابره متملع عقب موضوع كرمع >> هلا بالسجع :p سجل واحد متابع لمواضيعك الدلع يقتنص الفائده من بؤك المسعبل :) محبكــ ؛؛ |
| الساعة الآن +4: 06:49 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.