|
ماهــر السـوداني ... صار [ مطلوب لوجه العداله ] !
سلام علاكم علام المنتديات خامله .. ؟ علام الناس مالها صوت ؟ أكيد في الموضوع سرّ .. وكمان ركبه سمرا ! :) وبعد التقصي ودودلة الراس بين مجموعه كبيره من الزملاء والأصحاب والسلنتح وعمّال المقاهي والشات الزهري .. تبين لي أن كل واحد منحاش ومسافر .. ومخليني وحيد أصارع " النت " .. وأدق " طنب " في كبينة الهاتف الغير موقره .. واللي أشتغل فيها وأكد عمري بين أسلاك تلفوناتها ! عالعموم ... أي واحد يبغى يتوضّف عندنا .. ترا عندي واســـــــطه ... واقدر أجيب له أحسن وأطلق كبينه .. يداوم فيها الواحد " فتره وحده " ويستلم نهاية الشهر ( خمسه ريال ) مشقوقه .. واحتمال تكون مزوّره .. وابرأ إلى الله من اللي زوّرها :) ! صراحه .. قبل كم يوم .. صار في الحي عندنا " صجّه ولجّه " وإزعاج وكلام مُزعج عن أخونا الحبيب ( ماهر السوداني ) .. وأنه هارب من الجوازات .. لأن إقامته صارت منتهيه الفاعليه والصلاحيه من سبع سنوات ! ما أخفيكم .. وبِحُكم محبتي لذاك الشخص العزيز اللي عليه ريحه رهيبه تشق الخشم وتعلّقه على أقرب " مروحه " ... زعلت وحزنت .. ويعلم الله ماهو عشان ( السبعه ريال ) اللي أطلبه إياها .. وإنما عشان الرجّال عزيز وغالي علينا في الحي ... وله عشرة عمر معنا من سنوات طويله ! السالفه ومافيها .. إن الرجال كان رايح له مشوار للبوفيه إللي في أقصى الحاره .. يبي يعفل له شوية " فول وعدس بزيت وسمن " .. وفجأه طبّت عليه الجوازات وكان معه أخونا راشد .. يقول لي راشد .. أنا فجأه ( ماصرت أشوف ماهر ) .. واشوف عسكري الجوازات ناطل " القايش " في الشارع ويركض حافي ! طلعت من البوفيه وانا كني مهبول .. ! شوي رجع لي العسـكري .. وتلّني مع جيبي .. ونخلني .. ونطلني في قفى " جيب الدوريه " ! .. ويصرخ العسكري في وجهي ( أنت متواطئ ! ) أنا صراحه ما أرتعت من كرشة العسكري .. كثر روعتي من كلمته اللي عجزت أحل حروفها .. أو أفكّ " شفرتها " ! ( أنـــت متــــواطــئ ) :oo أنت .. كلمه تعود على ( راشد الأقرع ) متواطئ .. تعني أنك مُعاون للمجرم بتمويل مالي أو تصريح صحفي أو تمويه على السلطات الأمنيه ! ( راشـــد راح فــيــهــا ) :eek: بهذه الكلمات أنهى خوينا راشد نفسه وهو يتصبصب عرق .. وبدت ريحته تفوح في أجواء " الدوريه " ! :rolleyes: شوي .. وينزّله العسكري من " شنطة الجيب " ويوجّه له سؤال خطير .. وش علاقتك بــ " الزول السوداني " الهارب ؟ جاوبه راشد .. بأني ما أدري عنه .. السوداني هذا .. رجّال مرّني في البيت .. ولزّم علي أني أتعشى معه " فول وعدس بزيت وسمن وتبن " جعله يملى ثمه ! :) أخيراً .. فكّوا راشد .. بعد مامحطوه مع قفاه بكم سوط .. عشان مايمشي مع ناس مُتخلفين في البلد .. وربما أنهم يشكّلون خطر على العبِاد والبِلاد << قالوا أيش .. قالوا خطر ! عاد يوم دريت أنا عن السالفه .. رحت لخوي لي في قسم الجوازات .. دايم يستلم خفير على الباب ... وسألته " وش سالفة خوينا ماهر " ؟ :) فبيّن لي .. أن أخونا " ماهر " مطلوب لوجه العداله ... لأنه مُقيم في البلد من سبع سنوات بإقامه مُنتهية الصلاحيه ... وانه صار مزوّر التاريخ .. ولاعب في الإقامه ! :oo أفا ياماهر ... صرت مطلوب ... وقاعد تمشي معنا من ذيك الأيام ! أفا ياماهر ... صرت مُجرم .. وخالفت نظام البلد ولاجددت إقامتك بـ " ميتين ريال " ! .. ياخي قل لنا ( نسلّفك :) ) ! نصيحه ياماهر .. رح تهريب لمكّه .. وخذ لك عمره .. ولايردّك إلا الخرطوم .... وكل ماخذت لك " خمسة شهور " عوّد علينا بـ ( تهريب عن طريق مكّه ) ! :) بنفقدك والله .. وبتفقدك حارتنا .. وبيفقدك راشد .. وبيفقدك راعي ( الفوّال ) لأن عليك حساب ماسددته :) ! أبيك تحللني .. لأني أمس بعت أغراضك اللي في عزبتك .. بعت تلفزيونك اللي بدون " أريل " وبعت ثلاجتك اللي بدون باب .. وبعت مكيفك اللي مايشتغل إلا على الحار ! :) بعتها .. وتصدقت بفلوسها على ( جيبي ) .. الله لايحرمك أجرها :) سلام |
تسلم الأيادي . .
|
رااائع...
عاد انا قربت لك سيكو تحطه في مواضيعك...http://forum.ma3ali.net/images/smilies/seko.gif بدل هذا اللي عيونه تمشي مع بعض...:oo |
لافض قلمك
لكن سؤالي ليه ماتشارك معنا في مكاشفات. |
رآآآآآئع
|
إخس عليكـ يا ماهر !
يبأ قده يابن اللزينا .. عملتها يا حرامي .. يا عبيط ؟! ما كُنا حبايب واخوات ؟! ما كُنا بقايا من رُفات ؟! ما كُنا بندمن على الشات ؟! جــــرى إيــــــــــه يا مـــــــــاهر .. ؟! خربتها .. كدهـ .. وبعت ضميرك ؟! يخـــــرب بيـــــــتك ! ما تئولي يابن الزينا .. بعت ضميرك بكـــــــــــــــــــام ؟! بــــلاش .. تكزب عليّ المرادي ! ود يا مــــــاهر .. ! إنتا .. ســـــاكـــت ليـــــــــــــه ؟! إحكي يا خايس .. يامش متربي .. ولا عندك زرّة ضمير ! حتى الضمير المبني .. بعته .. وخت فلــــــوسه ! يا قاتل الله باعة الضمائر .. المبنيّة والمعربة ! هوّا فيه ضمير معرب .. ؟! حـــــد يقاوبـني يا نــــــاس .. يـلا .. ! ود يا نادم .. فييييييينكـ ! لأهـ .. لأهـ .. ما يصحش كدهـ أبداً .. ! حضربك يلا .. ! هوّا أنا خرّفت ولا إيه ؟! آآآآآآآه .. عرفت بقى .. مين اللي خرفني .. ! مــــــــــــــــاهر ... ودددددد يا ماااااااااهر يا عبييييييييييييييييط ! حضربك .. بالرصاص .. ! كدهـ .. تعملها .. وتخون القهات الأمنيّة الصعودية ! يخــــسى عليــــــــــــك يابن الكـلـ .. يابن ... الكــلـ .. يـــــــــابن الكـــــلاوي .. والكمونيّة ! ومييييه على مييييييه .. مييييييييه على مييييييييييييييه .. مييييييييييييه على مييييييييييييييييييه .. ما ترددوا معنا يا قدعااااااان ؟! قرى إييييييييييه ! ود يا مهندس .... ود يا نهيييييييييم .. حُط .. كده ملعئة صدى .. خلينا نطرب زيّ النـــــاس .. ! يييييييلالالالالالا ! لا لا لا لا لا لالا لأهـ .. ما يصحش كده .. دى الصدى كتير أوي .. أوي .. أوي .. <== صدى ! النهيم : طيب وتسذاتا ؟! وريني أشوف .. أشوف .. أشوف .... أييييييييييوه .. بس يا راااااااااااااااااايع ! دنتا .. رااااااااايع ... أحسن مهندس على وجه البسيييييييييطة دي .. ! ما تديني أربعة جنييييييه .. !! يا بخيييييييييل .. ! ونررررررررررررجع ونئــــــــول .. ميييييييييه على ميييييييييييييييييه .. وميييييييييييه على ميييييييييييييييييييييييه .. يا حلاوة .. بــــــــــــــــس ! إعتمد ! . . وبصوت خفيييييييييف جداً .. أرب .. ودنكـ كده يا مدمن ... إنتااااااا بس يا مدمممممممممممن ... مش عايــــــز حد تـــــــاني .. رجاءً ... ابعدوا .. ود يا منخرش .. بتبص كده لييييييييه ؟! حضربك يلا ! والله حضررررربك .. وأفتح نافوخك تلاتين سانتي متر مُربع ! ... أخييييييراً .. أرب شويّا يا مدمن ... إنتااااااا خاااااااايف لييييييييه ؟! بص ... دنا .. دنـــا .. عـــايز أشكرك .. على الموضوع القميل ده ! إي والله .. حلو .. أوي ! صدئني .. ما بكزبش عليك ... دنا .. مش مااااااااهر ... الله يخليييييييييييييك .. صدئني .. المراااااادي ! المرّادي .. ده مين ؟! ود يا مراااااااااااااااادي ... رد يا شااااااااااطر .. حضربك .. يلا ... رد أحسن لكـ !! قاااااااااااااااسمن بالله . . أفتح في نافوخك تلاتة صواريخ آربي جي ! إيييييييييييييييييييييه ؟! بتئووووووووول إييييييييييييه ؟! تتحداني .. يا قليل الأدب ؟! حـــــــــاضر ... حاااااااااااضر .. حتندم والله .. !! وأنا ورااااااااااااااكـ والزمن .. طوييييييييييييييييييييل ... طووووووووووووووووويل .. آه يا طوووووووووووويل .. آه .. ! وطووووووووووووووووويل .. آه يا طوووووووووووويل .. آه .. ! يا ســــــــــــــــاتر ... إيه الصوت الجمييييييييييل ده ؟! بئولك إيه ... بلاش كثرة كلامك وخرابيط وتعبيط ! سلامُ عليكُم ! |
جميل
,,,,,,,,,, مشكوررررررر |
ياحول يا راشد أجل محطوه كم عصا مالهم حق عموماً تسلم يا مدمن الإنسانية والنوايا الحسنة على تضامنك مع الزول الهاج وكتابة هذا التقرير المبكي الذي يوضح لنا الحالة المأساوية لبلدنا من المتخلفين البنقاليين<<وش دخل البنقاليين :eek: صح هم أساس الشر بس هذي سالفة سوداني أقول مدمن كم رقم حسابك عشان أحولك سبعة أريل بس مهب مزورة :D أو صح أنت تنازل عن الدين :rolleyes: << أمحق تنازل باع أغراض الرجّال ونهب حلاله وصار متنازل بعد الله يصلح لا ورايح لمصر بعد بقروش هالسوداني بعذره الضابط المصري يوم يشوتك أكيد حس إنك مسوين بلاء بس لاعمرك تعودله هماه |
هـــــ هـــ هـــ والله من التنسيم أنت وخويك عصمان السوداني , النهيم عسى ماشر . . .
|
شكرا مدمن وانت يالنهيم عسى ماشر
|
الله يعطيك العافية
|
سقاك الله من كوثر نبيه صلى الله عليه وسلم يامدمن ..
ده الكلام المعأول وغير كذا مايصلحش < النهيم على غفله .. بوركت ومن حولك .. |
أقسم بالله أني فطست من الضحك على النهيم ! :)
هو وش قصّته يالربع ؟ .. شارباً له شي .. قاحنن له غشرتن مستنكره ؟ :) درّوا يالربع .. رد ياقدع يامتنيّل بقارورة زمزم ! :) لي عوده .. بس بعد ما أسكّر أبو الكبينه .. وحريقة تحرق الظالم ! |
جزاك الله خيراً ,,,
|
| الساعة الآن +4: 09:26 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.