|
لعموم أعضاء المُنتدى : جوّالي استقبال .. وان شفتوا ( دحيّم ) فبلغوه هالرساله !
سلام علاكم الفراغ يسوّي هوايل ... ! يجيب الواحد على ( وجهه ) ويسحبه سحب .. مثل مايسحبون المظبي على الحجر الخشن ! :oo في خلال ثلاثة أيام تقريباً ( لزخت ) لي تقريباً ثلاثة مواضيع ... وهذي ماهي من عوايدي .. ولكنها من عوايد ( الفراغ ) اللي لعب في راسي الأيام هذي ! :) ولأني صاحب إقتصاد في دراهمي وكمان في خلاقيني .. فالكتابه في عالم النت من باب وشبّاك ( أولى ) ! ولإلتزامي الأيام القادمه بموعِدٍ للسفر خارج المملكه .. كرشناكم بكم موضوع خفيف على البطن والمَعِده ! :o = = = خلونا نعطيكم العلم من آخر .. ! ( دحيّم الأحول ) تزوّج .. وسواها فيني وخذ بنت بن رويسان الأجرب سافر هو واياها للشرقيه .. وجلسوا على ( الهاف مون ) جعله يهفهم في رقابهم ويقعدون في بيتهم منكّسه روسهم والفتاق لاعب فيها :) اليوم قعدت أدوّره .. ومالقيته ! :i125 رحت لبيته " العشّه " طقيت عليه الباب وردت علي مرته << والله ياصوتها ناعم ! سألتها عن ( دحيّم ) قالت أنه طلع - جعل الطلع مايتعدى شارون - .. قلت وين راح (( عاد أنا أبغى أطوّل في السوالف )) ! ... قالت أنه راح للمخبز يشتري خبز ! :oo زرقت للمخبز .. والقى صفّ طويل .. قعدت أطل فيه وجه كل واحد - لعل وعسى - أني أشوفه ! مالقيته ! :cool: رحت عند ( النخل ) في مزرعة ( بن نويصر ) أدوره .. إلا واشوف العامل ( حبيب الرحمن ) واسأله عن دحيّم .. قال أنه مرّ عليهم العصر وخذ له ( ثلاثه وعشرين كرتون موز فاضيه ) بيروح يعبيها بكره ترنج عشان يبيعها في السوق ! ماخليت مكان إلا ورحت له سألت راشد وسالم وصالح وماهر السوداني .. كلهم يقولون أنهم ماشافوه ! :oo عاد أنا الأيام هذي أشغلتني رسايل الإتصالات : أنتَ على وشك استهالك حدّك الإئتماني .. نرجوا منك سداد الفاتوره .. والا ترى بنمصع اذنك وبنقطع سرّك وجوّالك ! صار جوّالي استقبال .. واللي يدق علي .. كني مهبول .. على طول أرد عليه ! دقيت على دحيّم اليوم من تلفون ولد ( بن سبيت ) بعد الظهر .. ومارد علي ... ! شكله داري أني أنا اللي متصل عليه ... والا وش هالأخوّه اللي ماتخليه حتى يسأل عني ! = = = عالعموم ياشباب المنتدى .. وياشبابات المنتدى << حلوه شبابات ! .. على وزن طقّاقات ! اذا شفتوا واحد دخل المُنتدى ( راسه صغير ) و ( أذانيه كبار ) و ( عيونه حمر ومخططه بزهري ) و ( رموشه تقول مكنسه ) فهذا هو (( دحيّم )) ! :) امصعوه باذنيه ... وقولوا له ... ترى ( الُمدمن ) ينتظرك .. دق عليه جوّال .. ترا ( جوّاله استقبال ) ! أراكم على خير .. بعد عودتي ( الطَاوليه ) واللي أتمنى أن لاتطول ! :) سلام علاكم أخوكم المُحب : مُدمن شاهي ! |
توصل بالسلامة ,,,
|
مدمن ماهر السوداني طلع من السجن
|
كم حسابك نسدد لك >> على حساب الإدارة :) ..
ترجع بالسلامة يالبي |
رائع ،، رائع ياعزيزي مدمن ،،
بصراحة مواضيع رائعة جداً جداً ،، الله يعطيك العافية بس ،، ودمتم سالمين ،، |
بدال منتب فاضي وداج تعال اشتغل معنا في التمر (به قروش )
|
مشكور عزيزي
سلمت الأنامل . . |
أبو خلف
الله يسلّمك من الشر .. وابشر بالهدايا إذا رحت .. تخيّر بس يابعدي ؟ :) |
هذا هو
الرجّال مزبّنه واحد من الشباب .. وصار الموضوع توريه على السلطات ! .. ياربي لاتفضحنا ! |
هلابيك أبو المدمنين كلهم
بعدين تعال أنت ودميجك --------) خارج النص أنا قبل شوي راد على مقالك في سواليف كشكولية يوم جيت فيذا لقيت مقالك ناط بوجهيـ هل أنتم مجموعة مدمنين أم أنتم مدمن واحد أرجو الاجابة وشيكران ^ ^ هذا الكلام خارج النص ولايمثل الكاتب ومشكور ياألبي |
سراج الخير
والله منت مقصّر أنت وإدارة المنتدى << جيت على وجهي .. ! أسعدني مرورك ياحلو ،، |
توصل بالسلامه يامدمن حليب اسف شاهي
|
الصباخ
أسعدني مرورك يابو لطمه .. ياخي فك اللطمه خلينا نكحّل عيوننا ياحلو :) .. بارك الله فيك .. |
اقتباس:
قسم بالله بغيت أمووووووت من الضحك .. :d :d :d :d تصدق الأهل كلهم جاو لمي << يقولون وش جاوه أنهبل . . :d :d :d :d :d |
| الساعة الآن +4: 12:10 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.