بسم الله الرحمن الرحيم


يسّر الله لي رحله الى مدينة أبها ومكه والطائف..
بـ منتصف شهر 7 .. يوم 12 إن لم يخب ظني..
عموماً كثير من الأخوه طلب مني وضع صور لأبها هذه السنة كما تعلمون أنه ..غيـــر..كل السنين اللي طافت..

فالحمد لله في [الواديين] كان السكن ..
أمطار وخيرات من دخولنا لأبها إلى خروجنا منها..
مكثنا في أبها 8 أيام كلها أمطار والجو ظهراً برااااااد والعصر ضباب ، غالب الايام..
في اليوم الخامس لنا بـ أبها نزل مطر قوي جداً جداً جداً
إستمر قرابه الـ20 دقيقه ..
إلى أن أحد الأصدقاء يقول لي الله يستر بس..!
لعلي أضع لكم في الحلقات القادمه ..مشاهد فديو لهذه المطره

عموماً أتمنى أن لا أكون أطلت عليكم بالمقدمه، إلى الصور:
في وادي الدواسر قبل أبها بـ 250 كيلو تقريباً
http://www.buraydahcity.org/al7nooooon/abha0.jpg

أول ماوصلنا لأبها
http://www.buraydahcity.org/al7nooooon/abha1.jpg

دوار عجزت أدري هو زين والا شين!
http://www.buraydahcity.org/al7nooooon/abha2.jpg

الفن في إختيار الألوان :eek:
http://www.buraydahcity.org/al7nooooon/abha3.jpg

منزل مادري مدرسه مادري إماره أهم شي إنه مبنى
http://www.buraydahcity.org/al7nooooon/abha4.jpg

بسم الله فسرو كمومكم ياقماعه
http://www.buraydahcity.org/al7nooooon/abha5.jpg

هذا واحد من الشباب به من جزامة النهيم يومنه نزل مع هالمنحدرات..! :eek:
http://www.buraydahcity.org/al7nooooon/abha6.jpg

لاتعليق :p
http://www.buraydahcity.org/al7nooooon/abha7.jpg

لا طرت على الناس قالوا حدائق فانزولا وحدائق برشلونه..!
عندكم ابها عطية الله وتطلعون برى..!
http://www.buraydahcity.org/al7nooooon/abha8.jpg

ضباب في الطريق الى السوده
http://www.buraydahcity.org/al7nooooon/abha9.jpg

وش ملحها..
http://www.buraydahcity.org/al7nooooon/abha10.jpg

هذي الصوره أول مادخلنا ابها..
http://www.buraydahcity.org/al7nooooon/abha11.jpg

تشكلات للسحب...روووعه سبحان الخالق
http://www.buraydahcity.org/al7nooooon/abha12.jpg

غوزي!
قالوا رحت لأبها؟
قال ايه..
قالوا رحت لغوزي؟
قال لا..
قالوا اجل مارحت لأبها :D
http://www.buraydahcity.org/al7nooooon/abha13.jpg

هذا النهيم عند تمور المملكه..
http://www.buraydahcity.org/al7nooooon/abha14.jpg

الله يعيده من جو.. :cool:
http://www.buraydahcity.org/al7nooooon/abha15.jpg

منهو هالعضو ياحليله عطوووون اسمه باللاهي.. :D
http://www.buraydahcity.org/al7nooooon/abha16.jpg

بريده المفروض يكتب عليهم [إنسان جبلي] أنا ودي أدري وشلون نزلوا خوياي مع هالجبال..!
http://www.buraydahcity.org/al7nooooon/abha17.jpg

رقينا لمنتزه سحاب الا الهرجه للعوائل!
غريبه العام مافيه مشكله!
لكن نزلنا والعالم كلهم مالين الارض
مالقينا مكان نجلس فيه الا بالمنتصف يمكن..
عموماً نزلنا وبدينى نرعى :p
وأخذت هالصوره
http://www.buraydahcity.org/al7nooooon/abha18.jpg

هذي بالسوده نطبخ غدانا وأمطرت وهبوا هبوا..فلقد امطرت مطرتن..
الغريب ان هذي السنه الثالثه اذا طبخنا نطبخ نصه بالـ سوده ونكمل عليه بالاستراحه!
http://www.buraydahcity.org/al7nooooon/abha19.jpg

ياحنينوووووو
http://www.buraydahcity.org/al7nooooon/abha20.jpg

وهذي ذبيحه طبخناه عند مطعم..الله يديم النعمه حامت تسبدي يومين منه..
والشباب فاصلين فيوز التسبد بتلوا يرمون منه ماشاء الله

http://www.buraydahcity.org/al7nooooon/abha21.jpg
وهذي قبة فندق أبها انتركرونتال مع العلم اني دخلت المسجد وصليت الظهر والعصر ولما طلعت ماقدرت اناظر القبه من الضباب الله يرزقنا نص أجاواءهم..

http://www.buraydahcity.org/al7nooooon/abha22.jpg
وهذي قاعة الطعام في الفندق مع العلم ان التصوير ممنوع.. بس لعيونكم صورنا

http://www.buraydahcity.org/al7nooooon/abha23.jpg

وهذي فترينه أعجبتني عند قاعة الطعام..

http://www.buraydahcity.org/al7nooooon/abha25.jpg

ألف ألف مبروك
وبارك الله لكما وبارك عليكما وجمع بينكما بخير

http://www.buraydahcity.org/al7nooooon/abha24.jpg

ضباب قبل مغادرة أبها

http://www.buraydahcity.org/al7nooooon/abha26.jpg

وهذا دوار تمنيت ببريده فيه دوار قريب من تصميمه صح انه قبيح لكن نغير من دواراتنا بعد ،كل دوارات بريده صبات بالزوايا همن يشبكونهن جميع..
وتصفى يصير الدوار بيضاوي هع
http://www.buraydahcity.org/al7nooooon/abha27.jpg

هذي من أعلى السوده سبحان الله قمم الجبال أصبحت صغيره وماتشاهدون في الاسفل قريه تنزل اليها عن طريق التلفريك
http://www.buraydahcity.org/al7nooooon/abha28.jpg

وهذي بالسوده طلبنا من مطعم العصر بصراحه موهب كله جوع بس المكان يغري يعني مثل ماتناظرون السحب تحتنا
http://www.buraydahcity.org/al7nooooon/abha29.jpg

نعود لـ صديقتي ماريو
http://www.buraydahcity.org/al7nooooon/abha30.jpg

وهذي اللعبه كما تشاهدون تدفع عشره ويعطيك كورتين تحلتهن على القواطي اذا طيحتهن لك ان سبعين واذا ماطيحتهن وره عرض اكتافك عموماً جيت اببزع لكن قالوا لي انه قمار وواحد نفر مننا قال مالي دخل ابلعبه خخخخخ يقول ان تسانه حرام ابغمس الجوال بالماء ولا اخليه عندهم هههه المهم يعطونك ام صتمه اللي هي السكتون ويقولون لك اضرب الميه عااااد حايقين ام الوزنه للسكتون فـ من الصعب ان لم يكن من المستحيل انك تجيب الميه..
http://www.buraydahcity.org/al7nooooon/abha31.jpg

وهذا التلفريك صورته وانا بالمطعم
http://www.buraydahcity.org/al7nooooon/abha32.jpg

وهذا حدى الشباب مصوره من التلفريك
http://www.buraydahcity.org/al7nooooon/abha33.jpg

وهذي بين الجبال
http://www.buraydahcity.org/al7nooooon/abha34.jpg

بين الجبال ايضاً
http://www.buraydahcity.org/al7nooooon/abha35.jpg

وهذي الصوره له قصه حزينه

هذي نزلنا لعقبة جيزان كان الوقت 7 الصباح تقريباً والطريق كله متعب لفات خطره وناااازل الا درجه ان الجو قلب من معتدل لحار..
عموماً يوم نزلنا تحت فيه تفتيش قلنا له وين العين اللي يذكرونه تحت قال باقي لكم 70 كيلو سيكو اس ثنين وييييييين 70 كيلو والله ونديور ولا وصلنى فوق الا 11.30 تقريباً
كان معنى باص تايوتا 26 راكب سيكو ثانيه لعيونكم..
التعازي على الخاص ياجمعه انا لله وانا اليه راجعون
http://www.buraydahcity.org/al7nooooon/abha36.jpg

ضباب في طريق العوده للمزرعه بعده يمكن بعشر دقايق فيه حادث بس الحمد لله مافيه اصابات
http://www.buraydahcity.org/al7nooooon/abha37.jpg

وهذي صوره لمطازيز جايبهن واحد من الشباب الله يوفقه ويوفق اميمته ستر الله على اصابعنا ماراحن
http://www.buraydahcity.org/al7nooooon/abha38.jpg

وهذا اثناء الطبخ مممممممم لذيذ
http://www.buraydahcity.org/al7nooooon/abha39.jpg

وهذا مضاعفات العشره نبي نغير صيني صيني صيني جبنالكم سعودي تستاهلون
http://www.buraydahcity.org/al7nooooon/abha40.jpg

وهذي المحتطبه لاقالو المحتطبه اليوم اللي رحنى فيه للمحتطبه يذكرون لنا ناس فيها يقولون قبل 20 يوم توفي واحد غرق..
الله يغفر له ان شاء الله التعازي على بريد المنتدى
http://www.buraydahcity.org/al7nooooon/abha41.jpg

وهذولا يطبون ولا ياصلون القاع وواحدن منهم يذكر ان ولد خاله مادري خاله يطب من الصخره ا للي يسار بعيدع مررره ولا ياصل قاعه

سمعت انه 34 متر وانا مادري
http://www.buraydahcity.org/al7nooooon/abha42.jpg

نرووووح الحين للعزيزه هذي الصخره على طريق العزيزه جازت لي امر اصوره احد يقول مهيب زينه افلقه به
http://www.buraydahcity.org/al7nooooon/abha43.jpg

وهذي العزيزه 3 امتار
http://www.buraydahcity.org/al7nooooon/abha44.jpg

سبحان الخالق اغصان بجنب المويه شكله جداً رووووووووعه
http://www.buraydahcity.org/al7nooooon/abha45.jpg

في هذا المكان دق علي الوالد يسأل عن حادث النصار غفر الله لهم واسكنهم فسيح جناته
http://www.buraydahcity.org/al7nooooon/abha46.jpg

وهذي صوره من الجهه المقابلة انتقالي للجهه المقابله لم يكن سهلاً بل كان عن طريق تسلق الجبال قعدبه ماوكلي
http://www.buraydahcity.org/al7nooooon/abha47.jpg

وهذا شلال ماودك الا تغطس راسك من الوناسه
http://www.buraydahcity.org/al7nooooon/abha48.jpg

وهذه صور للحلقة القادمه بإذن الله سأنزل فيها صور المزرعه اللي في مقر سكننا وكان في مزرعه بالواديين

http://www.buraydahcity.org/al7nooooon/abha49.jpg

وهذا شفته يصيح بالسوده كان معه ابوه سلمت على ابوه الله يذكره بالخير قلت له اذا تسمح اباخذ له لقطه..
قال خذ راحك وتذكره ان شاء الله لاصار راعي منصب خخخخ
الله يحقق له مناه ويحفظه له
http://www.buraydahcity.org/al7nooooon/abha50.jpg

وهذي مويه (الدزليب) اللي بالمزرعه كانت جداً نظيفه كما ترون الصخور بأسفل الماء
http://www.buraydahcity.org/al7nooooon/abha51.jpg

وهذا عامل يماني الجنسيه يغسل لنا الفاكهه بعد قطفها من المزرعه الله يذكره بالخير
http://www.buraydahcity.org/al7nooooon/abha52.jpg

وهذي الفاكهه بعد الغسل
http://www.buraydahcity.org/al7nooooon/abha53.jpg

وهذا الجاثوم لا قالو لكم جاثوم
http://www.buraydahcity.org/al7nooooon/abha54.jpg


لعل وعسى أن تعجبكم هذه الحلقه
الى اللقاء في حلقات قادمه

al7nooooon