|
-*-*-*-(( لماذا هل كيف متى أين وشولوه [ إعترف أحسن لك ] ))-*-*-*-
بسم الله الرحمن الرحيم السلام عليكم ورحمة الله وبركاته ،، بعيدا ً عن المقدمات ، أقول هناك شرائح عريضة جدا في المجتمع أمثال هذه الشريحتين التي سأذكر لكم على سبيل المثال و هذان الموقفان حصلا لي في أسبوع واحد و أبشركم إن كان الأسبوع فيه سبعة أيام فأنا أقابل مثل هذه النماذج 8 مرات في الأسبوع و مرتين عند اللزوم . -*-*-*-(( النموذج الأول ))-*-*-*- زارني في الأستديو أحد الشباب و كان برفقته شخص أخر لا أعرفه .. بعد السلام دار بيني و بين [ الشخص الأخر ] هذا الحوار .. * ماشاء الله ، وشو هذا ؟ - هذا مكسر * أدري إنه مكسر أقصد وش أسمه - ما أعرف أسمه للأسف * ايه ما شاء الله ، تنسيمكم قضى ؟ - نعم قضى * متى تبي تطلعونه ؟ - الأسبوع الجاي * ايييييه تبع أصداء المجتمع ؟ - لا تبعنا حنا * أيييه ، لا أنا أقصد التوزيع تبع المجتمع ؟ - لا حنا مؤسسة إنتاج و توزيع * أمممم طيب وشي الدريشة ذي ؟ - هذي غرفة المنشد * أهاااها ، طيب ظلماء وشلون تشوفه ؟ - به لمبات إذا و لعتهن أشوفه * أمممم ما شاء الله ، طيب ، به إسبلت زي هذا .؟ - أيه به أسبلت زي هذا . <=== واضح إنه يلمح ، السكران يدري . ( أدخلوا تفضلوا شوفو غرفة المنشد ) . من داخل الغرفة .. * أوووء باااابين ؟؟ - الله الله بابين . * هييه معين يولعن اللمات ؟. - نوركم يكفي ، هذا زر اللمبات . * أممم ماشاء الله ، المايك شور ؟ - أيه المايك شور . * ايييييه . أأأأءءء أأأأأأأأأأأأأأأ آآآآآآآآ <===== يجرب المايك ..!! ( بعد الخروج من غرفة المنشد ) . - صك الباب الله لا يهينك . * وين هذا ؟ - ايه . [ يهز بالكرسي و يدور ، ثم يتوقف الكرسي وجهه على الجدار و ظهره لمي ] * يشير بإصبعه للجدار ، الحين هذا وش أنتم حاطين بوسطه إسفنج ؟ - أيه حاطين بوسطه إسفنج . * طيب وش على شانه ؟ - على شان يعزل الصوت ما يطلع برا. * و على شان ما يطلع صدى ، صح ؟؟ - ايه صح . [ يا خذ له لفه ثانيه ، و لكن هذه المره يتوقف الكرسي بإتجاه الدولاب ] . * أوووووهههـ عندكم مؤثرات صوتيه أنتم شارينهن .. !! [ توقفت قليلا ً ثم أبتسمت على مضض ثم قلت : ] - لا طبعا ً نا طلينهن نطل ..!!!!! * طيب ميخالف ننطل اللي أنتم ناطلين .. فترة صمت طويله ثم قلت / - يالله ياشباب صلينا ؟ تراوه حول الإقامة .. * يالله ، - مشكورين على هالزيار ة الحلوة . * الله يجزاك خير . ثم غادر المكان حفظه الله بمثل ما استقبل به .. ملحوظة ، الرجل دخل و خرج و الله ما عرفت أسمه أبدا ً .. -*-*-*-(( النموذج الثاني ))-*-*-*- |
هههههههههههههه والله ياانا بتلت اضحك مسكين شكله خبوبي ومايدري وش السالفة يالله باانتظار النموذج الثاني:D |
وحين يعيش بيننا شروف برتبة بجيح أول ولا نعطيه من مرارة اللسان مايجعله يحرم أن يعتب علينا فإن مصيرنا معه كما حصل لك أخي المستشار..
لا تجامل ولا تحابي هذا الصنف وتعامل معه بالأسلوب الواحد والعشرين بعد المائتين والخمسين ألف تقسيم طين{بدون انتر}.. اجعل عنده عقدة تسمى (فوبيا المستشار) .. هذا الحل في نظري لهذا العفن.. |
مقيتة هذهـ الظاهرة , كم تحدث باستمرار في الأمور الحياتية ..
مشكور أبو محمد بإنتظار النموذج الثاني .. |
ههههههههههههههههههههه
وااااااااااااااوك ياراسيه انشطب راسي منه ومن اسئلته تبي الصدز المفروض تهوش خويك اللي جايبه وتغسل شراعه غسل علشان ثاني مره مايجيب مثل هالاشكال هذا شيء الشيء الثاني وهو المهم هالنوعيه ماينفع معهم الا انك تتعامل معهم بنفس اسلوبهم اقلب عليهم علشان يدرون ان طريقتهم فاشله وفيها بجاحه بس يبيلك تفصخ الحياء فصخ وتصير ابجح منه مثلا تقوله والله يا اسئلتك واااااااااجد سبق واشتغلت محقق والا تقوله وقسم بالله صدع راسي من اسئلتك وعساك بس على هالاسئله تبي تجهز استديو؟! والا تقوله ياخي على اسئلتك الكثيره ذي تسنك قروي راكبن لكزس فتحه وترك الطاره وبدأ يتمقل بالفتحه همن كعه ضحكه علشان يدري انك ماجبت خبره وما اهتميت به صدقن بمثل هالطريقه وغيرها تستطيع ان تكسب قلبه وتخليه يسكت او تحوم تسبده ويطلع وفي كل الحالتين انت الربحان . |
-*-*-*-(( النموذج الثاني ))-*-*-*- في أحد قاعات الأفراح ، دخلت القاعة مبكرا ً لم يكن في القاعة سوى كبار السن لا يتجاوز عددهم الخمسة مع بعض الرجال حولهم ، تجاوزت الجميع إلى أبعد مقعد ممكن بعيد عن ( سلم و لا تسلم ) أنا بإنتظار أحد الشباب ، قطعت الوقت بالتنغيز بالجوال كالعادة قطع هذا التنغيز ، أحد الأصدقاء القدماء جدا جدا ، و دار هذا الحديث : بعد السلام الحار و بعد المقدمة المعروفة ( وشلونكم عساكم طيبين ) * وش صار عليك بدراسك يا أبو محمد ؟ - الحمد لله تخرجت هالترم . * لاه تخرجت قدمت على التدريس ؟ - لا و الله ما قدمت . * ورااااه ما قدمت على التدريس ؟ - [ ذكرت له سبب أحتفظ به لنفسي ] . * لا هـ طيب والحين وش قاعدن تسوي ؟ - أشتغل بالفترة المسائية * و الصبح نووووم ؟ - الصبح نوم * أممم طيب أبا أسألك العريس يقرب لك و لا العريسة :) - العريسه . * لاه أجل أخو العريسه وش يقرب لك ؟ - يقرب لي [ ..... ] بس من بعيد . * طيب و أبو فلان الفلاني وش يصير لكم ؟ - هذا يقربي ( ....... ) * أوه ما شاء الله أجل يقرب لك ؟ - ايه نعم * طيب بيتهم اللي بحي ( ....... ) وراهم راحو و تركوه ؟ -هذيك مزرعتهم . * لاه ذيك المزرعه ؟ وراهم تركو المزرعة ؟. - لا ما تركوا المزرعة ، لا يزالون يطلعون له كل أسبوع . * هم اللي سكنوا بحي ( ........... ) . - ايوهـ هم اللي بحي ( ......) . * ماشاء الله ، يالله حيوه ، أجل القاعة هذي جديده ؟ - يبدو لي إنه جديده . * ما تدري هي غالي أجاره و لا رخيصة؟ - و الله يا بعدي ما أدري . * يا خي ما جاز لي تصميم القاعة ، أحس إنه مهب شرحه - و أنا بعد أحس إنه مهب شرحه . * منهو راعي القاعة ؟ - أبو العريسة . * أحلاااااااااا أبو العريسه . ؟ ثم أستأذنت هذا الأخ الفاضل ، بحجة أنه هناك أناس أريد السلام عليهم .. في أمان ، الله أخي العزيز ، و يستمر السيناريو .. و يطول التحقيق .. و لا يغيضني إلا من يقول أننا لسنا شروفين .. |
ما ـأقول إلا ـالله يعينك على الثقلاء يا أبامُحمّد !
وكثرة المعارف ـأعتبرهُ أمر سلبي جداً ، خصوصاً من هو بمكانك يا عزيزي . [ :) ] . |
كان الله في عونك مستشارنا الحبيب :cool: كم أكره النوعيات هذه ..:i121 لكن هناك طريقة حلوووة لمن هم كذلك .. وتندرج تحت حكمة الغاب : تغد فيه قبل ما يتعشى فيك ..:D بمعنى لما يسأل سؤالين ثلاثة .. حول مجرى الحديث .. وابدأ بسؤاله .. بمثل طريقته :) سوف يستاء كثيراً .. ولن يتعرض لك .. مرة أخرى دمت أيها الحبيب :rolleyes: |
السلام عليكم . .
أخوي لازم تتأقلم مع هيك ناس . . وجودهم هام لبقاء الحياة الفطرية . . يعني بالله عليك و شلون تبي تكتشف إن عندك مرارة . . طبعا إذا قابلتهم و فقعوا مرارتك . . كذا تدري بوجودها . . ومثل ذلك الكبد و الطحال و البنكرياس . . و السكر و الضغط . . و البسباس أو هذا ماله دخل . . الله يعين الجميع . . |
هلا بالبي ابو محمد ..
اذا جااااك مثل هذا .. فالحل بسيط .. اول ماتشوفوه بداء يسئل .. اكتمه انت بالأسئلة .. اذا شفت براطمه تحركت يبي ينشدك .. على طول عطه سبلكس خلفي مع دحجة على المخيخ علشان مايفكر .. وعلى طول اسئله انت .. لاتعطيه فرصة يفكر .. وكل ماسئل لاتجاوب عليه .. رد على سؤاله بسؤال .. وحاول ان الأسئلة تكون مديعة .. قسم ان يقوم من عندك يمشي ترلليون يقول وش هالدبشة اللي بلشنا بوه .. وترتاح منه .. وهالطريقة جربته مع ناس واجد وارتحت .. ويسلموا يالبي .. |
إلا ماقلت لي .. وش صار على النوعية الجديدة من السيارات ؟ اللي بتجي لبريدة .؟ خابرك تقولي أنهم بيخلون مرتبة السواق ( دوَّاره ) ؟ :D :D |
(الحمد لله الذي عافانا مما ابتلا به الناس وفضلنا على كثير مما خلق تفضيلا الله يشفيه ...) من المؤسف حقا أن يكون بيننا من يحمل تلك الصفه :( :( الله يعينك على هالأشكال وعلى قولة حدا الشباب (تعش فيه قبل مايتغدا بك) ;) دمت أخ طيب لايحب الشرافه :D :D تقبل تحياتي |
يا ساتر .. وش ذا .. أنت من وين جبت لك هالخوياء ذولاء .. شكلهم من كلالمبور :D صدقت و الله ، فيه ناس عندهم مرض [ حمى الأسئلة الغبية ] ! و للأسف أن هذا المرض متفشي و منتشر بيننا بكثرة .. أقف كثيراً عند بعض الأسئلة التي توجه لي أو لغيري و أحاول بكل ما أوتيت من قوة لأستنتج الهدف من معرفة الإجابة ، فلا أنجح بذلك للأسف .!.. في أحد المرات ، بعدما أشتريت جهاز حاسب آلي ، كنت في مجلس أحد هؤلاء المرضى و بدأ يسألني عن مواصفات الجهاز و العديد من الأسئلة الغبية ، التي لم تتكرم حافظتي بحفظها . المهم .. جاب العيد .. بالسؤال الأكثر غباءاً على مستوى العالم .. تتوقع وش يبي يسأل .؟! ما قال وين حطيت الجهاز ، و لا قال بكم شريتوه ، و لا قال وش لونه و لا قال كم سرعته .. الرجال من قوة الفضول قال : يوم شريت الجهاز ، عطيتوه الفلوس نقداً و إلا شيك ..!! :eek: أكبر أمنية في حياتي ، أني أصل للفائدة التي يرجوها زميلي المريض من ذلك السؤال الغبي .. . . أدوم و أقول .. نحن تختزن العديد من الشخصيات التي تمتلك عقولاً غير صالحة للإستخدام ! و نحن بحاجة إلى عيادة خاصة لعلاج هؤلاء المرضى .. . . شكراً أبو محمد ، على فتح هذه الصفحة السوداء .. دام الجميع في حب و سعادة .. و السلام عليكم و رحمة الله وبركاته . . . . بريماكس |
هههههههههههههههههههههههههههه
اضحكتني اضحك الله سنك والله ياهو قرقه وانت ماشاء الله عليك تحملته مابقى يقولك الا اخطبلي اخته ؟ وش اسمه ؟ كم عمره ؟ وين تدرس ؟ هي مولوده بالمزرعه ؟؟ ولا بالمستشفي ؟ اي مستشفى ؟ كم رقم الغرفه ؟ اي سرير ؟ كم رقم السرير ؟ هي طولت بالمستشفى ؟ هي الحين تدرس ؟ بأي مرحله ؟ خ0خخخخخخخخخخخخخخخخخخخ |
| الساعة الآن +4: 11:31 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.