|
إذا بغيت تدعي على أحد قلـه ( عساك تصير إمام مسجد ) !! ..
بسم الله الرحمن الرحيم ..
" وراك تبطي بالركوع ماتدري أني مسوي عملية بظهري قبل سنتين ؟ " " بتسر شوي بالإقامة علشان يمدينا نلحق على مشاغلنا .. " " المكيفات لو ترفعونهن عن وجيهنا !! عجزنا نصلي " " المراوح طوال أخاف يضربن روسنا وحنا نصلي ، ورا ماتغيرونهن " " المكيفات حاااااااااااارة .. ورا ماتركبون سبيلت ؟ " " ياشيخ مرتي تقول غيروا لون فرشة المسجد حطوهـ أخضر علشان لاجاء رجلي من المسجد ولا نفسه منشرحهـ .." " المكرفونات مانسمعهن من الدور الثاني " " ورا صلاتكـ طيران ؟ " إذا كان هناك قريب لك يؤم أحد المساجد فاسئلهـ عن القائمة الطويلة من الشكاوي والإقتراحات .. .. فأئمة المساجد يكادون يصابون بالجنون من كثرة الإقتراحات والشكاوي .. لي ولد عم يصلي بقرية صغيرة .. يقول من كثرة الشكاوي قلت لهم :: أنا بصلي وأطلع وأنتم لو تبون أحرقوا المسجد مالي دخل !!!! في قرية صغيرة فكيف بالمدن ؟ بأنتظار قصصكم .. وإثراكم حول هذا الموضوع .. |
عســــاك تصير إمــــام مسجد :oo |
لا والله قل له عساكـ تصير مؤذن مسجد ..
دايم تصير الحرة بالمؤذن .. الإمام يصلي ويمشي .. شكراً لكـ عزيزي خوي السرور .. محبكــ .. :) |
هذي ما تصير إلا إذا صرت إمام ملاقيف تبلشبهم
لكن اللي يقول وراه ما تركبون سبلت وتغيرون الفرشة قله اللي يقويك واللي يقول صل بدري ولا تبطي بصلاتي قله صل بدالي احسن ههههههههههه |
خخخخ .. ذكرتن بواحد من الشباب صار مؤذن .. وبلش بجماعته
يقول عندنا 16 شايب .. وقاصن لكل واحد منهم مفتاح علشان ما يقولون شيء تعرف عاد الشايب تمسك معه يروح للمسجد الساعه 2 بالليل .. وإذا لقى المسجد مسكر .. حطّ الحرّه بالإمام والمؤذن ويقول .. والله العظيم بهذلوبي هالجماعه .. كل يوم مطلعين لي مشكله .. والدعوى كله صارت عناد بين هالشيبان وآخر شيء وللأسف ترك المسجد ... مير تراي أحبك يا أبو عبد العزيز .. وأدعي الله أنك تصير إمام .. وأنا مؤذن ( والفراشة نتقاسمه أنا وأياكـ ;) ) |
:bad ههههههههههههههه أذكر به شيبان بالمسجد اللي بجنبنا الله يذكرهم بالخير باااااااااااااااااااااااتله يتناقرون :bad على اتفه الاسبااااااب(لاشغل ولا مشغله) :p عاد جاك اليوم الي مت منهم من الضحتس :D :D تخيل من شدة الفضاوة واحد يمشي ويولع المكيفات حقات المسجد والثاني وراو يطفيهن :oo :D تخيل تكفى اشكالهم ............ :eek: --------------------- ولا أذكر مرة سلمنا من الصلاة ويجيك حدا الشيبان يهرج الامام يقوله الحين ماتقولي وراة ميولع العامل المكيفات........ اذا جيت ودخلت المسجد الاي اغلس من الحر :oo :bad والامام مسكت>>>>>>>عارف وش يبي يصير>>>عارف ولا عنتر >>عنتر ولا عبله >>>>>>>>أيقاله ينكت لارنعه المهم ومير يرد حدا هالشيبان قال يابو فلان وهذا المسجد قدام بيتك اذا احريت تجي ارسل حدا بزارينك يولعهن وفكنا :i121 :S ويرد عليه الاول قال انا اخبر اني اهرج الامام وماحتسيتك يالملقوف :mad: اومير يتلاااااااااقطون :p :bad :D :oo واطلع انا وهم يتهاوشون ------------------------ والموااااااااااااااااقف كثيره مير خله على ربك ;) قلل آمين يابو عبدالعزيز اجعلك تسير اما الحرم :D :D |
عابق الذكرى ( الرد الأول ) // :bad
الفارس ( بالنقلينزي ) // كلهم الله يعينهم .. أذكر قعدنا نحتسي عن الإمام والمؤذن ويجي واحد يقول // المؤذن بكيفه وش خانة طول الرقبة يوم القيامة ، أما الإمام ياويلي هو اللي يبلش :D .. هيّن بس ( بالنقلينزي ) <<< الله يستر بس .. هو لاقعد يقترح ويهوش قله ورا ماتدفع ونركب لك ياشيخ تكييف مركزي .. بس أنت حركـ، مخباتكـ .. المسفهل // اللهم آمين علشان أمشي وأخليك لحالك مؤذن وإمام .. همن هاكـ، الوقت شلز بصل :p عابق الذكرى نويتن ثانية .. // إمام الحرم ميخالف نحط حدا هالهنود بجنبي وإذا جاء أحد يبي يقترح أقوله حوّل على أبو هنود تشك له إلى باتسر .. : 12 |
والله شف الجماعة هالحين مالهم سلطة عند الأوقاف، ولا يلقون لهم وجه ؟؟؟ وهذا جميل؟
أذكر واحد من الشباب مسك مسجد لكن ضبط الجماعة ضبط على انه ليس كبير بعمره لكنه يدخلهم منا ويطلعهم من هناك يقول الجماعة كل يوم مطلعين مشكلة مرة يقولون الفرشات ومرة يقولون المكيفات وغيره والي يقولي سوي كذا أنط فيه وأقول عطن فلوس وإلا زينها يعني نجفة طافيه يجون سرا يقولون لي أقوله النجفة 4 ريالات أشره وركبه ويقول ما ألقي لهم وجه بالمشاكل فنضبطوا الجماعة وصار هناك شيء من التآلف وعين بعدين ذاك وأول يوم راح بدت المشاكل ولا يصبر هالحين عندهم لا إمام ولا مؤذن لا بد أن يكون إمام حازم وعاقل يتصرف بإتزان مع طبقات الجماعة ونفسياتهم |
والله إنك صادق
هذا حال شيبانا هالسنين |
أذكر العام الماضي صارت مشكلة مع إمام المسجد وعائلتة الكريمة مع ((شايب)) من جماعته.. الناس يقرون عقب الصلاة رياض الصالحين وذولا رياض المتهاوشين .. لدرجة أن اللي يبي يعيش هوشة حية واقعية يتداول فيها جميع ألوان السب والشتم ماعليه ألا يصلي مع هاكـ المسجد وسينال الحظ الوافر من المعركة الملوسنية !!
طبعاً نتيجة تلك الملحمة فهي كالعادة لصالح الشايب لأنه منسم منتهي مايهمه أحد مهب إمــــــــام ملتزم يشره عليه .. تم تغيير الإمام وطرده من المسجد بسبب ذلكـ (( الشايب )) كما فعل بإخوته من قبل .. طبعاً كما لايخفى عليكم أن (( كبير السن :) )) دايم الحق معه والحوار هذا شي واطيه من يوم قرع باب الستين وخط البياض راسه .. وإذا تم تحجيره فلا يملك سوى تلك الكلمة الإعجازية التي تلجم فصحاء العرب (( بس ولــــــــــو :p :p )) .. وعمومـــاً الحـــــل الأمثــــل لتلك الظاهرة السلبية هي اللين واللطف لأن بعض كبار الســـن يغيظه أن تكون(( دبرة )) المسجد تحت يـــد من يصغرة بخمسين سنة فلذلك يحب فرض رأيه حتى ولو كان في أتفه الأسباب .. فعامله بالحسنى وأشعره بقدره وسدد وقارب :) |
الرد الهمامي على موضوع الإمامي ..
... الناقة نت // والله طريقة حلوة .. وزي ماقلت في ثنايا الموضوع ولد عمي قال أنا ماعلي منكم أنا أبصلي وأمشي ولو تحرقون بالمسجد أبجي أصلي بكم وأمشي وأنزبطوا جماعته ..<<< لاتفوتك ثنايا قسم أني مادري وشلون طلعت .. جان شد بالأبط يوم قلته .. نقع السنابك // انت وش سالفك وهج السنابك نقع السنابك .. ماسكتن معك سنابك ؟؟ :D والله المستعان .. أبو حصه // <<< لا أحد يحاتسيه بالمسنجر ترا به بزر حاطه معه رشاش يقعد يرميكم :p ليتك علمتنا وش يبي هالشايب .. تدري وش ودي أنا ودي أشوفهم قبل خمسين سنة يوم الدنيا حطبة .. ودي أشوف الإمام عندهم أحس ان أامتهم بهم حالة نفسية خواف وذروق من كثر الهوش اللي يجيه .. يالله عن أذنكم ياشباب .. : 12 |
| الساعة الآن +4: 08:38 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.