سلام علاكم

موضوعي اليوم ريحته " كشنه " تشق الخشم .. وتهيّض التسبد .. وتقرقع بالبطن !

يارب سترك من مصايب الأكل اللي ذبحتنا وخلتنا تقولون " فقمات " تمشي على الأرض .. ! :i128

إلا هو صحيح .. أن المجتمع الخليجي هو الوحيد اللي رجاجيلهم لهم " كروش " وحريمهم " مايعيشون إلا بشغّالات " .. تراي أسأل .. لاأحد يدفني أو يمد يده علي ويقول أنت تتهمنا يامُدمن ! :cool:

البارح أنكبت على جوالي رسايل كوم .. رساله ورى اختها .. اللي تقول " يامُدمن قاطع رز ابو كاس .. ولاتشتري زكاتك منهم .. قاتلهم الله أنّا يؤفكون " .. ثم تجي أختها لازتها على طول تقول " يامُدمن حرام عليك .. لاتشتري رز أبو كاس .. قاطعه ولاعاد تاكل إلا أندومي " !

خويي راشد .. توّه طاقن له جوّال .. وماصدّق خبر إلا ويرسل رساله ( قاطع رز أبو كاس - قطع الله أذنه اليمنى - تراه راعي رسمي لإعلان طاش ) ... طيب أنت ياراشد كل يوم مرتزّن قدّام الشاشه بعد المغربيه تطالع فيها .. وتكرّها ضحك وهبال على خرابيطهم .. وين مقاطعك عنهم ياهالخبل الارفد ! :)

أنا فتحت " فمي " نصف متر .. وقلت ياولد .. وش هالكلام .. هو صحيح " رز ابو كاس " سوّاها .. واعلن بطاش !

ثم عاد عوّد راشد مرتن ثانيه ورد يقول ( ياخوي مدمن تراي غلطان .. الراعي الرسمي صار : حفايظ بايسُن وزبايل فيمتو ) :cool:

وشوي إلا وتصب مرتن ثانيه كومت رسايل .. من نفس المرسلين .. وبنفس الأرقام .. ولكن العِباره تختلف .. ومليانه اعتذار .. طيب وش تعتذرون عليه أصلاً .. أنا أصلاً ما أزكّي ... الوالد الله يخليه يزكي عني وعن الجماعه وعن الأسره الكريمه .. بعدين أنا وش دخلني .. لاني مالك الرز ولا حتى البطيخ ولاحتى سكورتي واقف على باب الشركه ! :(

السؤال اللي يمصع بنفسه .. وينكم ياللي تطربقون بهالرسايل زي المخافيع عن قوله تعالى (( يا ايها الذين امنوا اذا جائكم فاسق بنبا فتبينوا ان تصيبوا قوما بجهالة فتصبحوا على ما فعلتم نادمين )) ؟

بعدين أنت ياراعي ( رز ابو كاس ) .. خل ماجاك هالمرّه يكون لك درس .. ولاعاد تعلن عند هالقنوات الفاسده ... اللي كلّها صليخ مليخ .. خاف ربّك .. وانضبط وانا اخوك ! :)

سلام

تقاطعون المسلم وتتركون من يسب رسول الله علية الصلاة والسلام كان المناصحة أفضل من التشهير والكلمة الطيبة صدقه مع كل هذا لك أسلوب قمة في الجمال كجمال كشنة الرز

المشاركة الأساسية كتبها أبو الهول دعاية بأسلوب جديد

هلا ااااااااااااااااااا بيك .. يامد من شاهي ..
مد .. من .. شاهي .. <<((== والا صاع من سكر .. :D :D :D
هلا اااااااااااااااااااااا بيك ..

يابعد شقوق مخابيتي انت يالبي يامدمن شاهي ..
والله إني اثولث على مواااضيعك يابعدي ..


تصدق عاااااااااااااااد انه جت لي 64 رساله ..
( لاتجعل رز أبو كآس زكاة فطرك )

طيب أفرضوا إن زكاة فطري ( فول :D :D :D ) .. وش دخلي ترسلون لي هالرسالة ..

أجل على تسذا ألأندونيسييين مايهمهم .. لأن زكاة فطرهم أندومي :D :D :D ..


يالبي الحمدلله إني ماأرسلته لأحد ..

أحسن الله إليكم أخي الكريم
تنبيه تُشكر عليه على وجوب التثبت
وترك الشائعات

كما أود تذكيركم
بأن الآية { يا أيها الذين آمنوا إن جاءكم فاسق بنبأ........... الآية}
وليست { يا أيها الذين آمنوا إذا جاءكم فاسق بنبأ ......... الآية }
وهي الآية (6)
من سورة الحجرات


وجزاكم الله عنا خير الجزاء


ودمتم في رعاية الله



ياسمينه

المشاركة الأساسية كتبها أبولؤي http://www.9q9q.org/index.php?image=gv1hDdb73nMI

المشاركة الأساسية كتبها النماص تقاطعون المسلم وتتركون من يسب رسول الله علسة الصلاة والسلام كان المناصحة أفضل من التشهير والكلمة الطيبة صدقه مع كل هذا لك أسلوب قمة في الجمال كجمال كشنة الرز