السلااااام عليكم ورحمة الله وبركاااااااااااااااااته ..

علشان المفروض إني ما ادخل لمنتدى بنت بريدة ..
قلت ابكتب الموضوع بإختصاااااااااااااااار ..

هذي سلمكم الله اخـــتـــي رزقـــه الله ببنية ..
<<((== لايجين أحد يقول ايه عرفنا اسم اختك ( رزقـــه ) .. رزقه يعني الله أعطاه ..

بس قبل كل شي .. خلون اعرف لكم ( بنية ) ..
بنية : يعني بنت
بنية : يعني لون بني ..
بنية : يعني بقس ..
بنية : وهي من النيه .. ( مثال ) دخل سليمان الحرم بنية العمرة ..

وتعرفون هاللحين هالحريم الوحدة تبي اسم جديد ..
يعني هالبلشة هذي عرضت له امي عدة اسامي ..

وراه ماتسمونه ( لامار )
قالت لا .. موضي العبدالله مسمية لاماار ..

قالت طيب وش رايتس بشادن ..
قالت ( هو ) نسيتي بنت هيلة العبدالله بعد ..

قالت له وش رأيتس بـ( يارا ) ..
قالت لا لا لا بنت عمتنا اسمه يارا .. خزية من الحمولة ..

هلاااااااااااااااااابيك ..
وأنا ادودل دميجتي عندهن وأستنشق وبعنف ريحة الحلبه اللي شقت جبهتي ..

يعنى الوحدة منهن تبي تسمي اسم جديد .. ما أحد قبله ولا بعده يسمي مثله ..
طيب السؤال اللي يسدح نفسه هاللحين ..
يبي يجي يوم يقضن الاساااااامي وش يبن يسون هالحريم ..

ماعلينا من هذا كله ..

أنا هاللحين اطلب أسامي جديدة أو حلوة للبنت ..
عاااااد من زينه هي وعيونه الصغارهاللي كأنهن فتحت زرار ..



وسي يو ..