بريدة ستي - @@ألسلام عليكم::من يدلني على دورات للأودبي بريمير.و,السامبل تيود:ببريدة

ياهلا بالعصفور الصغنطوطي ولد عم القوقسية
أسمع الهرج الي يجمد على الشارب يا حبيلك
حنا ببريدة ماعندنا إلا دوراات بالوورد والإكسل ويخبن
والي يعطيك الدورة مصري يعسبك لمين تدوخ
أما دورات للبريمير والسامبل فهذي بعد 100سنة
مير الحل الدسم والسنع ان تسانك تبي تطيعن ، قل أيه
تشوف لك واحد منا ولا منا ولا يعرفه أخوك الكبير
أو تشوف لك واحدن من عيال حارتكم أو جيرانكم
أو أن تسان أمك تعرف وحده يصير ولده يفت بهالبرامج
تروح لمه وتقوله الله يجزاك خير أبي دورة بهالبرامج
وتلفز عليه لك 500 ريال أن تسانه يمن يعلمك
همن تصير هذي دورة وتصير تعرف مثلك مثل الناس
وان تسانك عاد تبي شهادة بهالبرامج ذولي
فانت يخلف الله طايرتن وشرك تحسبنا بكندا

//ــ//ــ//ــــــلام يا ألبي

أصبر كتبت لك سلام وانا ما قضيت بدزي شوي
أن تسان تبي نصيحتي فانت ركب هالبرامج ذولي
وحبرش بهن لمين تقول الليلة عيد وتروح لم القوقل
وتسوي حبرشة وتفتيش عن هالبرامج لمين تلقى شرح
وإذا لقيت شرح تعض عليه وأتعلم واعطس يرحمك الله
عاد من قدت لا صار السامبل لعبتك تفحط على المستشار بالخامس

أهيء ///ــــــــــــــــلام