|
الشعب السعودي (كورة) بين اقدام هوامير الأسهم والعقار ونااار الأسعاار !!
نحن شعـب أشبه مانكون (كرة قدم ) ! في ملعب ترابي تتقاذفها اقدام اللاعبين !
عادمنهم اللاعبين ؟؟ ياليتهم موهبين كان مافيه مشكلة نتحمــل ركلهم ! لكنهم مطافيق جشعين طماعين كالذئاب المسعورة امام قطيع من الأغنام ! لكن مشكلتنا أننا مثل (الكرة المنســمة )! إذا ركلنا اللاعب مانبعد كثير ملينا من (التشويت ) و(التخقــيل ) ! الكل مايرحمنا ! والحكم ماعنده صافرة ينهي المباراة ! وش الحـــل يانااااس ؟؟ ,,,,,,,,,,,, طبعا هذي حالنا كشعب سعودي ..الذي أصبح ضحية فريق هوامير الأسهم وفريق هوامير العقار! ونار الأسعااار ! لعنبوهم هوامير الأسهم رمونا اعظامه قلنا الشكوى لله أغدينا نرتاح ...لكن هوامير العقار قالو معصي نبي نمص اعظامكم يمكن فيكم طعم لحم ! (عرمشونا ياناس ) ! صرخنا وصرخنا لكن ما احد يسمع ! حاولنا نهرب عنهم لكنهم رمونا في (نااار الأسعار )! والله ياعالم نار نار تشوي عظامنا ...اشوى اللي مافيه لحم كان علوم ! وللحين حنا داخل نار الأسعااار اللي كل يوم تزود وتستعر ويمكن حنا حطبها !! وش السالفة ياناس ؟؟ يارب ألطف بنا يارب ,, |
اللهم آميــــــن
|
الأمور مدوبرة ...
والله يستر .. |
لو رجعنا إلى الوراء قليلا ..
عندما أعلن في العام الماضي تخفيض البنزين وزيادة الروتب .. إرتفعت السلع بشكل رهيب .. واليوم يتكرر نفس السيناريو .. والضحية المواطن الذي لا يمتلك وظيفة .. اللهم أغننا بحلالك عن حرامك , وبفضلك عمن سواكـ .. |
السلام عليكم ورحمة اله وبركاته ,,
اخي الحبيب / راشد ,, تكلم عن اي شي تريده ولكن بدون تلعين <لعنبوهم هوامير الأسهم رمونا اعظامه > اسال الله ان يهدينا ,, اخوك / محب ابن تيـميـة |
إن الله ليزع بالسلطان ما لا يزعه بالقرآن .
وبما أن الوحوش قليلة المروءة لا تخاف الله ولا ترحم الشعب , فنحن نأمل وجود جهة حكومية تحمينا من هؤلاء ( طبعاً غير حماية المستهلك لا رحمها الله ) أنا قد أتفهم سبب زيادة السلع المستوردة بنسبة معقولة بسبب ارتفاع أسعار النفط .. لكن أن يرتفع كل شيء بما فيه المنتجات المحلية , فهذا والله من الاستغلال والاستغفال !!! :i121 ارتفاع أسعار الخضار والفواكه وش دخله بارتفاع أسعار النفط ؟؟؟!!! ارتفاع أسعار الأراضي وش دخله بارتفاع أسعار النفط ؟؟؟!!! ارتفاع أسعار الملابس والمستلزمات النسائية بشكل جنوني وش دخله بارتفاع أسعار النفط ؟؟؟!!! ارتفاع أسعار الإيجارات بما فيها البيوت المبنية سابقاً وش دخله بارتفاع أسعار النفط ؟؟؟!!! آه بالمناسبة : أعتقد أن الشعب يـُسرق عمداً بدايةً من جرّه لسوق الأسهم ونهايةً باستغلاله ورفع الأسعار !!! وتقبلوا تحياتي 00 المتزن |
على طاري الأسهم والخساير الله لا يخسرنا ..
الكوسة ارتفعت ارتفاع جنوني أعرف واحد عنده محل خضرة بحارتنا دخل صفقة ( كوسة ) واليوم يلعّن يقول قالوا لي الزباين جبه أمار أشريه والحين ما تسواش .. الدنيا كله صفقة خاسرة ألا تلاحظون هذا باستثناء ذكر الله وما والاه .. |
رشاد مشكور حبيبي
وبعدين شكلك ياعيون أمك مفحج بالبلاد .. الله يعوض المسلمين خير .. |
تعيش المملكة عصر زاهر في ظل قيادة الملك عبدالله ونمو الإقتصاد .. كل ذلك حبر على ورق !
أما الواقع فهو اضطراب وارتباك في كل شيئ .. سرقة تتكرر كل يوم وفي وضح النهار .. كانت السرقة في الماضي بالتخفي وعند هجوع الناس .. أما الآن فأمام مرأى من الجميع وماسوق الأسهم عنا ببعيد .. ! لاتتعجب من أسعار الخضار الآن ولا المواشي ولا العقار فـ هوامير الأسهم رفعوا إشارة تشجيعية لبقية التجار أن الأرنب غائب فالعب يافار .. ! من أمن العقوبة أساء الأدب |
للجميع بدون أستثناء محبتي لوجودكم هنا وسماع رأيكم حول مايحدث !!
أجل تصدقون حبة الكوسة بريالين ! حبة الحبحرالبارد برياااال لاحول ولاقوة إلا بالله ! أزمة سكن مافيه شقق... اسعار البناء نار ! يرب لطفك ولاتجعل ما اصابنا بسبب ذنوبنا .. |
| الساعة الآن +4: 02:37 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.