اقتراح لتهذيب المطبات الاصطناعية
 

هذا الاقتراح اقتبسته من شركة أرامكو السعودية في بعض مرافقهم
فإن المطب الاصطناعي يكون على شكل حديد معترض في الطريق وبه مدخل لكفرات السيارة
ثم يعقبه بمترين أو ثلاثة مطب مثله وبه مكان لدخول كفرات السيارة بدون مطب ولكن مدخل كفرات السيارة في المطب الأول غير متوازي مع مدخل كفرات السيارة في المطب الثاني مما يجعلك تهدئ السرعة وتوازن كفرات سيارتك على مدخل الكفرات في المطب الأول ثم المطب الثاني
وفي هذه الحالة نحصل على مقصود وضع المطبات ونتحاشى تأثيرها على السيارة
مع الأخذ بالاعتبار وضع لوحات تنبيهية قبل وصول المطب

صورة تقريبية في الخطين أسفل
ــــــــــــــــــــــــ ـــــــ ـــــــــــــــــــــــــــــــــ
ــــــــــــ ـــــــ ـــــــــــــــــــــــــــــــــــــــــــــــ

والله فكرة .. منتازة ..
خلك على الخط شوي ..

ألوو ألوو

شركة نوبل للأفكار العلمية / من معنا ..

الجني / معك أبو آدم .. فراش بمنتدى بريدة ستي ..

شركة نوبل للأفكار العلمية / وهل يخفى القمر .

الجني / يالغالي ..عندنا واحد .. ذيب الله لايضره .. أقترح إقتراح للمطبات .. صراحة شي ..
لايفوتكم .. به 4 شركات وده تسجل هالإختراع ... تسانكم تبونه .. ولموا الشيكات وتعالوا

شركة نوبل للأفكار العلمية / خير إن اشاء الله .. مسافة الطريق وحنا عندك .



يالله يامقزز .. أجحده .. كلمنا لك شركة نوبل للأفكار العلمية ..

////////////////////

على الهامش .
يألبي . فكرة جيدة صراحة .

لاكن يالغالي .. لو جن سيارتين جميع .. تبلش بهن . من اللي بيدخل بالجخر قبل
يمكن يتسبب بحوادث لاسمح الله ..
ولا شي مايصلح .

وياهلا

فكرة حلوه ..
و أنا عندي إضافة تساؤلات بعد تساؤلات الجني العبد [ بسم الله الرحمن الرحيم ] ..

من الطبيعي إن كفرات جيب الربع العريضااااات مهب مثل كفرات الكورلا .. صح ؟ ولا صح ؟ هذي عريضات و ذولي سخاف
و من الطبيعي إن عرض سيارة الكورلا يختلف عن عرض الجمس .. يعني تبي تبتل تحط لكل نوع
من أنواع السيارات ، جخر لحاله ،، <=== شلق ..

أنا ما أخفيك الفكرة حلوه ، بس لا تزم تشد حيله شوي <=== يرفع المعنويات :)

واتوقع .. يألبي ..
لا صلقن الكفرات بالجخورة ...
أتوقع بأن أسفل السيارة بتحك .. بالمطب ..
صورة توضيحية . ( مرفقة )

والله فكرة زينه يعني اتوقع لو طبقت رااح تكوون منتازة

ههههههههههههههههههههههه منسم أنت


يالجني العبد



قلهم يحطونهن بسرعة لأنه فكره خارقه



وخلهم يسرعون قبل لا يطيحون به الغرب ويحطونه قبلنا


بسرررررررررررررررررررررررررررررررعة

أشكر كل من ساهم في التعليق على الموضوع
وأحب أقولكم بأن الفكرة ليست مني بل أنا ناقل لها
وهي في الأساس فكرة غربية
وإذا بغيتوا تشوفون الفكرة على الطبيعة شاهدوها في شوارع جامعة الملك فهد للبترول والمعادن ولا أحسن منها بل أحسن من ناحية اقصادية فهم لا يضعون مطبات اسفلتية بل حديدية متى ما اتهت حاجتها في الموقع شالوها

وعلى فكرة أحب أقول للأخ ( الجني العبد ) يا ريت يكون النقاش موضوعي
تراهم ماغابت عنهم احتمال مرور جيبك ابو كفرات عراض يالذهين
وش تحسبهم انت
وللأسف أننا نعيش على فتاتهم
ولا تراهم مطبقين هذا من قديم

والله فكره ممتازه لكن لاحياة لمن تنادي

طيب لاتكد ... :d
ويالله خل نشوف النقاش الموضوعي يوصل إلى وين ..

ههههههه الجني راسم كروكي والله انك ههه خلاص تصلح بقسم التخطيط تشتغل با البلديه وبعدين قلهم السلقه وشلون يدخل كفراتوه ههههه ازحف تزحف لك الحياة **ش خ ا م ي ط **

هههههههههه الجني عليك كروووكي ههههههههههههه


منسم قسم


<><><><><><><>

كنت أفكر أمس وودي أوصل أقتراحي للي يسوون المطبات ذولا !

ليش مايخلون المطبات أخف من كذا شوي يعني أطمن وتكون عريضه

أنا سيارتي طاامنه وقسم تحتيه كله رااح من تقشيع المطبات

هذا وانا ماحملت تحك حك القدره عاد لامني حملت ياويلك ياسواد ليلك

أبي مثل مطبات الي عند مسجد الونيان العريض هذااك

والله فكرة رهيييييييبة وياليت يطبقونها بدل هالمطبات اللي تقل جدران
بس أخشى تكون لعبة للبزارين اللي معاهم سيارت
حيث يجي بسرعة ويدخل بينهم

قسم بالله ربعنا ما عندك احد والله ياعليهم مطبات مدري وش تبي اجل يحطون مطب جديد ولا لوحات تنبيهيه ولا شي . و ماتدري إلا والسياره ناطه فوق وطايحه بعد ثلاث امتار وانواع الشرار تحت السياره تقل فلم اكشن . وربي همج . انا بدري منهو المسؤل عن وضع المطبات بالشكل ذا؟؟؟؟؟؟؟؟؟؟؟؟؟

شي يحير .

عندي إقتراح ممتاز

يعطون شركه تضبيط مطبات يدرسون كيف يحط ومافيه خراب لسيارات ويفتكون من الناس .


مجرد رأي