هذي رسالة من ام لإبنها العاق
 

هذي رسالة من ام لإبنها العاق
وهي في دار المسنين أرسلتها
مع الدكتور :
انت ياحمدان امك تناديك
وراك ماتسمع شكايا وندايا
يامسندي قلبي على الدوم يطريك
ماغبت عن عيني وطيفك سمايا
هذي ثلاث سنين والعين تبكيك
ماشفت زولك زاير يا ضنايا
تذكر حياتي يوم اشيلك واداريك
والاعبك دايم وتمشي ورايا
ترقد على صوتي وحظني يدفيك
ماغيرك احد ساكن في حشايا
واليا مرضت أسهر بقربك واداريك
ماذوق طعم النوم صبح ومسايا
ياما عطيتك من حناني وبعطيك
تكبر وتكبر بالأمل يامنايا
لكن خسارة بعتني اليوم وشفيك
واخلصت للزوجة وانا لي شقايا
انا ادري انها قاسيه ماتخليك
قالت عجوزك ما ابيها معايا
خليتني وسط المصحه وانا ارجيك
هذا جزا المعروف وهذا جزايا
ياليتني خدامة بين اياديك
من شان اشوفك كل يوم برضايا
مشكور ياولدي وتشكر مساعيك
وادعي لك الله دايم بالهدايا
_حمدان ياحمدان امك توصيك
أخاف ما تلحق تشوف الوصايا
واوصيت دكتور المصحه بيعطيك
رسالتي وحروفها من بكايا
وان مت لاتبخل علي بدعاويك
واطلب لي الغفران وهذا رجايا
وامطر تراب القبر بدموع عينيك
ماعاد ينفعك الندم والنعايا
وأخيرا أخي لاتكزن مثل هذا الأبن

شكراً لك .

الأم وما أدراك ما الأم ، الأم هي الحياة ، وعن طريقها الوصول بإذن الله للجنات .

والله أنها قصيدة مؤثرة وراااائعة

حسبنا الله ونعم الوكيل . . بر الوالدين دين على الولد في الدنياء والآخرة

باااااارك الله فيك