اجمل واروع قصيده على الاطلاق إقرئها وانت الحكم
 

هذيه قصيده للشاعر ابوهلال بعنوان ((شاعر فقير)) قصيده رائعه ودرس لكل الشعراء المرتزقه وغيرهم.

قال بالله حالتك ذي ماتصير = كنت أظنك عايش بحلا دلال
كيف عايش وسط هالدنيا فقير = وأنت بيدك حل ياولد الحلال
بالقوافي لو تجاملك إمير = وإلا شيخ شيخه بشت ومال
كان تسلم من محاتات الضمير = يهتني لك في زمانك كل بال
غيرك اللي في قوافييه شطير = عايشٍ دنياه نصب واحتيال
يزرع المنجا من أكياس الشعير = وش يضرك والشعر قول يقال
قلت جنب عن طريقي يالضرير = ما أذل النفس لو ما املك ريال
بس ضاقت وأصبح العالم صغير = صارت أيامي كما سود ألليال
لجلها قررت أبمدح لي كبير = بمدح اللي عزتي له إنذلال
واحد ماله شريك ولا وزير = مجري الأفلاك منشي للخيال
باطنٍ في كل هالعالم خبير = ظاهر من فوق كل الكون عال
أول من قبل هذا والأخير = مالك جلا جلاله ذو الجلال
عالم في كل ما يجري بصير = كامل به كل أوصاف الكمال
قادر ما يقدر بقدره قدير = سايق الأرزاق غفار الزلال
كل شي دون أمره مايصير = لولا أمره ماسرا غيم وسال
شوف بأمره كيف قرص مستدير = ساق فيها نعمة الضوء والظلال
شف بربك كيف هالطاير يطير = يقبض جناحه وهو بنفس المجال
شف شهيقك وسط صدرك والزفير = شف يدينك والمثانة والطحال
شوف قلبك كيف هالجرم الصغير = شايل جسمك وهمك والعيال
شف بربك لوتغطا هالنظير = كيف تفرق بين شرقك والشمال
شف وشف وشف ترى شي كثير = تنفذ الأبحر وذرات الرمال
مع شجر أرضه ونهره والغدير = ماوفت في حق خالقها محال
يوم عيت واليسر أصبح عسير = جيت لمك يامفرجها تعال
يالله إني جيت وجناحي كسير = ادري ذنوبي على كتفي جبال
إدمحه من ثقلها ما أقدر أسير = لولا جور الذنب من عفوك ينال
كل عسر يتبعه أمر يسير = يوم ضاقت قمت ابشر بنحلال
فيك منك ياإلهي أستجير = ارتجيلك وأحمدك في كل حال
من لنا لآمن قست غيرك نصير = يامجيب اللي دعالك ببتهال
الأماني طوال وإلحافي قصير = مدني من خيرك العذب الزلال
ورهم وشلون هالعالم تدير = حط فيني من نعم رزقك مثال
هذا ربي منه وإليه المصير = دايم حي يزيل ولا يزال
التجي له لغدا وضعي خطير = غير ربي ماارتجي عم وخال
هو إمير الكون ولا غيره إمير = يستحق المدح ويفرح بالسؤال

إنظر من مدح الشاعر ومن من طالب عندما ضاقت به الدنياء انه درس للجميع ليس للشعراء فقط
قصيده جدا رائه ولا اخفيكم انها اجمل قصيده سمعتها في حياتي اتمنى مشاركتم لي وابدا ارئكم حول هذه القصيد وشكرا

صح الله لسان الشاعر ابوهلال فعلاً قصيده ولا اروع
من ذو زمن وانا اسمع عن هذا الشاعر وسمعت له عده قصائد رائعه جدا وكنت دائما اتسأل اين هذا الشاعر عن الساحه شاعر رائع ومتمكن ومهتم بقضايا الامه اتمنى ان يأخذ حقه من الاعلام
فحرام مثل هذا الشاعر ان يبخص حقه هذه الجمله لست انا فقط من قالها بل كل من سمع وقراء للهذا الشاعر نتمنى له التوفيق ومشالله عليه والله يستر عليه
واشكرك كل الشكر اخوي نبظ القصيم كما اتمنى ان تزودنا بما تستطيع من قصائد الشاعر ابوهلال وشكرا

مشكور اخوي فتى الجود وانا نزلت قصيدتين للشاعر عبد الله بن عبدالعزيز الغيث (ابوهلال)
هذيه القصيده والاخر بعنوان اقوى قصيده في سب الرافضه الحاقدين.
وانا بصدد جمع قصائد للشاعر وإن شاالله راح تشوفها قريبا

مشكور اخوي نبظ وانا اطلعت على القصيده الاخرى وفعلا روعه كما هذه القصيده ونحن بصدد انتظار قصائد اخرى وشكرا

مشكور اخوي فتى على المشاركه

وين الردود

ارجو من الاخوه المشرفين تثبيت هذه المشاركه لنها قصيده ايمانيه نسال الله ان ينفع بها الجميع
وشكرا

مشكووووووووووووووووور جداااااااااا

العفو اخوي حجر وشاكر لك مرورك الكريم